የጤና ሚኒስቴር በትምህርት ቤቶች እድሜያቸው ከ 12 ዓመት በላይ ለሆኑ ህፃናት የኮቪድ-19 ክትባትን እየሰጠ ነው ።

ነገር ግን በትምህርት ቤቶች እየተሰጠ በሚገኘው የኮቪድ-19 ክትባት  የቤተሰቦች ፍቃደኝነት አናሳ መሆኑ ተስተውሏል።

ይህንን በተመለከተ የትምህርት ሚኒስቴር ኮሚኒኬሽን ዳይሬክተር ወ/ሮ ሀረጓ ማሞ  በትምህርት ቤቶች የሚሰጠው የኮቪድ-19 ክትባት በተፈለገው ደረጃ እንዲደርስ የወላጆች ሚና ከፍተኛ መሆኑን ገልፀዋል።

ስለዚህም ወላጆች ልጆቻቸው  በትምህርት ቤቶች ውስጥ የሚሰጠውን ክትባት እንዲወስዱ ሀላፊነታቸውን እንዲወጡ ዳይሬክተሯ ጠይቀዋል።

በትምህርት ቤቶች እየተሰጠ  የሚገኘው የኮቪድ-19 ክትባት በትምህርት ዘርፉ ላይ ሊከሰት የሚችለውን የኮቪድ-19 ስርጭት እንደሚቀንሰውም ተናግረዋል።

የኮቪድ 19 ክትባት ትምህርት ቤቶችን ጨምሮ በሀገር አቀፍ ደረጃ በዘመቻ መልክ እየተሰጠ ይገኛል።