News News

4ኛው ሀገር አቀፍ የዩኒቨርሲቲ-ኢንዱስትሪ ትስስር እና የቴክኖሎጂ ሽግግር ጉባኤ በድሬደዋ ከተማ ተካሄደ

4ኛው ሀገር አቀፍ የዩኒቨርሲቲ-እንዱስትሪ ትስስር እና የቴክኖሎጂ ሽግግር ጉባኤ የተካሄደው በትምህርት ሚኒስቴርና GIZ  ትብብር እንዲሁም በሀረማያ ዩኒቨርሲቲና በድሬደዋ ዩኒቨርሲቲ አስተናጋጅነት ነበር።

 

የድሬደዋ ዩኒቨርሲቲ ፕሬዝዳንት / ግርማ ጎሮ የእንኳን ደህና መጣችሁ ንግግር ያደረጉ ሲሆን በንግግራቸው ውስጥ የሚከተሉትን መልዕክት አስተላልፈዋል። የከፍተኛ ትምህርት ቋማትና ኢንዱስትሪዎች መካከል ያለው ትብብር በትምህርትና  ስልጠና ውስጥ ለክህሎት ማዳበር፣ ለእውቀት ናቴክኖሎጂ ሽግግር እንዲሁም የስራ ፈጠራን  ወደ ተሻለ ደረጃ ለማድረስ ወሳኝ መሆኑን በመጥቀስ አሁን ካለው ነባራዊ ሁኔታ አንጻር በሚገባ ከተተገበረ  የሰልጣኞች የአቅም ክፍተት ከማጥበብ ባለፈ ለሥራ ዕድል ፈጠራ፣ውጤታማ ምርምር ለማካሄድና አግባብነት ያለው የማህበረሰብ አገልግሎት ለመስጠት አመቺ ሁኔታን የሚፈጥር መሆኑን ገልጸዋል። / ግርማ አክለው በአሁኑ ወቅት ያለውን  የዩኒቨርሲቲ- እንዱስትሪ ትስስር የበለጠ መደበኛና ጠንካራ በማድረግ  ለሀገር ማበርከት በሚገባው አስተዋጽ ልክ ትኩረት ሰጥቶ በሁለንተናዊ መልኩ ሊሠራበት እንደሚገባ ገልጸዋል።

በጉባኤው በኢ... ትምህርት ሚኒስቴር የከፍተኛ ትምህርት ዘርፍ የትምህርትና የምርምር ጉዳዮች ጀኔራል ዳይሬክቶሬት ዳይሬክተር የሆኑት / ዘርሁን ከበደ የከፍተኛ ትምህርት ዘርፍ ሚኒስትር ዴኤታ የሆኑትን ክቡር / ሳሙኤል ክፍሌን በመወከል የመክፈቻ ንግግር አድርገዋል። በመክፈቻ ንግግራቸው የሚከተሉትን መልዕክቶች አስተላልፈዋል። የጀመርነውን የኢኮኖሚያዊ መዋቅር ሽግግር ለማካሄድም ሆነ የሀገራችንን ህዳሴ ለማረጋገጥ በዓለም ከተፈጠሩ ቴክኖሎጂዎች መካከል የሚጠቅሙንን ለይተን ለመቅዳት፣ለማሻሻልና በሂደትም አዳዲስ ቴክኖሎጂዎችን እየፈጠርን ለመሄድ የከፍተኛ ትምህርት ተቋማት፣እንዱስትሪዎች፣የቴክኒክና ሙያ ትምህርትና ሥልጠና ተቋማት፣የምርምር ማዕከላት በተቀነጀና በተደራጀ መልኩ በተግበር ላይ የሚያውሉት እቅም ሊኖራቸው እንደሚገባ ጠቅሰው ከዚህ አንጻር የዩኒቨርሲቲ- እንዱስትሪ ትስስርን ያማከለ የቴክኖሎጂ  ሽግግር ከፍተኛ ትኩረት ሊሰጠው የሚገባው  ጉዳይ መሆኑን ገልጸዋል።

 

የዩኒቨርሲቲ-እንዱስትሪ ትስስር በጋራ መጠቃቀም ላይ የተመሠረተ ግንኙነት እንደሆነና የሚከተሉት ጥቅሞች እንዳሉት ለአብነት ጠቅሰዋል። ዩኒቨርሲቲዎች በእንዱስትሪዎች ያሉትን የሰው ኃይል እጥረትንም ሆነ ክፍተት በቅርበት ተከታትለው እንዲሞሉ እድል የሚሰጥ መሆኑን፣ዩኒቨርሲቲዎች በእንዱስትሪ ምርታማነትና ጥራት ላይ የጋራ የሆነ ምርምር በመሥራት የእንዱስትሪዎች ምርታማነትና የምርቶች ጥራት እንዲያድግ እድል የሚሰጥ መሆኑን፣ዩኒቨርሲቲዎች በእንዱስትሪዎች የምርት አመራረትና አገልግሎት አሰጣጥ ሂደት ላይ የሚታዩትን ችግሮች በጥናትና ምርምሮች እንዲፈቱ እድል የሚሰጥ መሆኑን፣እንዱስትሪዎች በነባራዊ እውቀት ላይ ብቻ ከመሞርኮዝ ይልቅ ዘመን ያፈራቸውን አዳዲስ ቴክኖሎጂዎችንም በሥራ ላይ እንዲያውሉት እድል የሚሰጥ መሆኑን፣እንዱስትሪዎች የከፍተኛ ትምህርት ተቋማትም ሆነ የቴክኒክና ሙያ ትምህርትና ሥልጠና ተቋማት ተማሪዎች በንድፈ-ሀሳብ የተማሩትን ትምህርት በተግባራዊ ልምምድ እንዲጨብጡ በማድረግ የትምህርትና ሥልጠና ጥራት እንዲሻሻል የማይተካ አስተዋጽኦ የሚያበረክቱ መሆኑን ጠቅሰው ነገር ግን አሁን ያለው የዩኒቨርሲቲ-እንዱስትሪ ትስስር ሀገሪቷ እነዚህን ከላይ የተጠቀሱትን ጥቅሞች በሚገባ አሟጣ ለማግኘት በሚያስችልኩ የተጠናከረ እንዳልሆነ ገልጸዋል። ስለሆነም ሁለቱም ወገን እስከአሁን የነበረባቸውን የግልና ያጋራ ችግሮቻቸውን በመቅረፍ ትስስሩን በሚፈለገው መልኩ በማጠናከር ለሀገሪቷ የሰው ኃይል ልማትና የእንዱስትሪ ልማት የበኩላቸውን አስተዋጽኦ ማበርከት እንደሚገባቸው አሳስበዋል።

 

በመድረኩ 3ኛው ጉባኤ ማጠቀለያ የቀረበ መሆኑ፣ ድሬደዋ ዩኒቨርሲቲ በቴክኖሎጂ ሽግግር ዙሪያ የሠራቸውን ሥራዎች በሚመለከት ልምዱን ያከፈለ መሆኑ፣ሀረማያ ዩኒቨርሲቲ በቴክኖሎጂ ሽግግር ዙሪያ የሠራቸውን ሥራዎች በሚመለከት ልምዱን ያከፈለ መሆኑ፣በምዕራብና ደቡብ ምዕራብ ኢትዮጵያ የሚገኙ ዩኒቨርሲቲዎችና እንዱስትሪዎች መካከል ያለው ትስስርና ትብብርን በሚመለከት በጅማ ዩኒቨርሲቲ አማካኝነት ልምድ የቀረበ መሆኑ፣በኮንስትራክሽንና ቤቶች ልማት ኢንቲትዩት የተዘጋጀ የዩኒቨርሲቲ-እንዱስትሪ ትስስር ፍኖታ ካርታ የቀረበ መሆኑ፣አዳዲስ የንግድና የፈጠራ ሥራ ላይ የተሞረኮዙ ድርጅቶችን ማቋቋምን በተመለከተ በሥራ ፈጣሪ ግለሰብ ገለጻ የቀረበ መሆኑ፣ዩኒቨርሲቲዎች የሚያገኙትን የምርምር ውጤቶች በእንኩቤሽን ማዕከል አማካኝነት ወደ ንግድና ሀብት ፈጠራ ለመለወጥ እየተደረጉ ያሉ ጥረቶችን በሚመለከት የአዲስ አበባ ዩኒቨርሲቲ የእንኩቤሽን ማዕከልን በማሳያነት የወሰደ ገለጻ የቀረበ መሆኑ፣ ከቴክኖሎጂ ሽግግር አንጻር በአከባቢው በብዛት ከሚገኝ የዕጸዋት ተረፈ-ምርት በቃላሉ ከሰል የሚሠራበትንና ከሸክላ አፈር የእንጀራ መጋገሪያ ምጣድ የሚሠራበትን ባህላዊ አሠራር በማሻሻል መገዶ ቆጣቢና ለረጅም ጊዜ አገልግሎት የሚሰጥ ምጣድ የሚሠራበትን ቴክኖሎጂ ለማሸጋገር እየተሠራ ያለውን ሥራ በሚመለከት መቐለ ዩኒቨርሲቲ ልምዱን ያከፈለ መሆኑ፣በደቡብ ምዕራብ ኢትዮጵያ ከዲዛይን አስከ ትግበራ ድረስ ከባለድርሻ አካለት ጋር በትብብር የተሠሩ ጥቃቅን የውሃ ኃይል ማመንጫዎችን በሚመለከት በጅማ ዩኒቨርሲቲ ገለፃ የቀረበ መሆኑ እና በተግባራዊ ልምምድ (Internship) ጊዜያቸው በተመደቡባቸው ሦስት የተለያዩ ኢንዱስትሪዎች ውጤታማ ሥራ የሠሩ 2008 በጀት አመት ምሩቃን ተማሪዎች ልምዳቸውን እንዲያቀርቡ ተደርገዋል።ከላይ በተዘረዘሩና በሌሎችም ተያያዥ ርዕሰ-ጉዳዮች ላይ ውይይት ተደርጎ የተለያዩ አስተያየቶችና ጥየቄዎች ተነስተው በአቅራቢዎች መልስና ማብራሪያ ተሰቶባቸዋል።

 

በመጨረሻም 5ኛው የዩኒቨርሲቲ-እንዱስትሪ ትስስር ጉባኤ የትኩረት ነጥቦች ምን መሆን እንዳለባቸው ሀሳብ እንዲሰጡ ለተሳታፊዎች በተሰጠው እድል መሠረት ለቀጣይ ጉባኤ በሚሆን መልኩ ነባር የትኩረት ነጥቦችን ለመከለስ የሚያስችሉ ሀሳቦች ከተሳታፊዎች ተሰጥተው፣ 5ኛው ጉባኤ በጎንደር ዩኒቨርሲቲ አስተናጋጅነት በጎንደር ከተማ እንደሚካሄድ ተወስኖና የመዝጊያ ንግግር በሀረማያ የዩኒቨርሲቲ ፕሬዝዳን በፕሮፌሰር ጨመዳ ፍኒንሳ ተደርጎ መድረኩ ፍጻሜውን አግኝቷል።



No comments yet. Be the first.
News

በከፍተኛ ትምህርት ተቋማት ለሚካሄዱ የትምህርትና ሥልጠና ሥራዎች ውጤታማነት ተማሪዎች፣ መምህራን ፣ወላጆችና ህብረተሰቡ ኃላፊነታቸውን በላቀ ደረጃ ሊወጡ እንደሚገባ ተገለጸ

በከፍተኛ ትምህርት ተቋማት ለሚካሄዱ የትምህርትና ሥልጠና ሥራዎች ውጤታማነት ተማሪዎች፣ መምህራን ፣ወላጆችና ህብረተሰቡ ኃላፊነታቸውን በላቀ ደረጃ ሊወጡ እንደሚገባ የትምህርት ሚኒስትሩ ክቡር ዶ/ር ጥላዬ ጌቴ አስታወቁ፡፡ የከፍተኛ ትምህርት ተቋማት ህብረ-ብሔራዊነትና ኢትዮጵያዊነት የሚገነባባቸው ተቋማት እንጂ ተግባራቸው በጥቂት ችግር ፈጣሪዎች የሚስተጓጎል አለመሆኑንም ገለጹ 141ሺህ አዲስ ተማሪዎችን ጨምሮ ከ700 ሺህ በላይ ተማሪዎች በመንግስት ዩኒቨርስቲዎች በመማር ላይ መሆናቸውን ጠቁመዋል፡፡

ከ2011 የትምህርት ዘመን ጀምሮ በሁሉም የቅድመ ምረቃ ትምህርት መስኮች የብቃት መለኪያ አጠቃላይ ምዘና (የመውጫ ፈተና) ልተገበር ነው

ከ2011 የትምህርት ዘመን ጀምሮ በሁሉም የቅድመ ምርቃ ትምህርት መስኮች ተማሪዎች ከመመረቃቸው በፊት የብቃት መለኪያ አጠቃላይ ምዘና (የመውጫ ፈተና) ወስደው አጥጋቢና ከዚያ በላይ ውጤት ማስመዝገብ እንደሚጠበቅባቸው የኢ.ፌ.ዴ.ሪ ትምህርት ሚኒስቴር አስታወቀ። የከፍተኛ ትምህርት ጥራትን በተለይም የምሩቃንን ብቃትና ተወዳዳሪነት ለማረጋገጥ ተማሪዎች ትምህርታቸውን ካጠናቀቁ በኋላ አጠቃላይ ምዘና ወይም የመውጫ ፈተና መስጠት የምሩቃንን ዕውቀት፣ ክህሎትና አመለካከት ለመመዘን የላቀ ሚና ከመጫወቱም በተጨማሪ የተመራቂ ተማሪዎች በራስ መተማመን ያጎለብታል፡፡

የምርምርና የፈጠራ ስራ ውድድር ኤግዚቪሽን ተካሄደ

የሂሳብና ሣይንስ ትምህርቶች ማሻሻያ ማዕከል ከስቴምስ ሲነርጂ ፣ከዩኔስኮ እና ከኢትዮጵያ ሣይንስ አካዳሚ ጋር በመተባበር "በሣይንስና ቴክኖሎጂ ፈጠራ የበለፀገ ህብረተሰብ ለዘላቂ ሠላምና ልማት "በሚል መሪ ቃል አገር አቀፍ የምርምርና ፈጠራ ስራ ውድድር ኤግዚቪሽን በኢትዮጵያ ሣይንስ አካዳሚ ተካሄደ፡፡ የምርምርና የፈጠራ ስራ አውደ- ርዕይ መከፈቱን አስመልክቶ የእንኳን ደህና መጣችሁ መልዕክት ያስተላለፉት ፕሮፌሰር ማስረሻ ፈጠነ የኢትዮጵያ ሣይንስ አካዳሚ ዋና ዳይሬክተር ሲሆኑ የኢትዮጵያ ሣይንስ አካዳሚ የኢትዮጵያን ሣይንስ ለማበልፀግ የተቋቋመ መሆኑን አስታውሰው ይህ ማዕከል የህብረተሰቡን የሳይንስና ቴክኖሎጂ ፈጠራ እንዲሁም ቴክኖሎጂን የመጠቀም አቅሙን ለማጎልበት ለማስተማርና የሣይንስ ፖርሽን ለመፍጠር የተሰራ ሲሆን ቋሚ የሳይንስ ማዕከል ለመፍጠር ሰፊ እንቅስቃሴ እየተደረገ ነው፡፡ በመሆኑም በቅርቡም የሳይንስ ማዕከሉ ወደ ስራ ይገባል በዚህም ወጣቱ ወደ ሣይንስ በሄደ ቁጥር የሀገራችን ተስፋ እየለመለመ ይሄዳል ብለዋል፡፡

የሥርዓተ-ፆታ ማካተትና ተቋማዊ ማድረግ መከታተያ፣ መመዘኛና በደረጃ የመለያ ማዕቀፍ ላይ ስልጠና ተሰጠ

የትምህርት ሚኒስቴር ሥርዓተ ፆታ ጉዳዮች ዳይሬክቶሬት ከሚኒስቴር መስሪያ ቤቱ ሁሉም የሥራ ክፍሎች እና ከተጠሪ ተቋማት ለተውጣጡ ከፍተኛ ባለሙያዎች እየተሰጠ ባለው ስልጠና የሁለተኛ ቀን ውሎ በሥርዓተ-ፆታ ማካተትና ተቋማዊ ማድረግ መከታተያ፣ መመዘኛና በደረጃ የመለያ ማዕቀፍ ላይ ስልጠና ሰጠ ፡፡ ስልጠናውን የሰጡት በዳይሬክቶሬቱ የስርዓተ ፆታ ክትትልና ድጋፍ ከፍተኛ ባለሙያ የሆኑት አቶ ብርሃኑ አረጋ ሲሆኑ የዚህ ስልጠና ዋና አላማ በሚኒስቴር መስሪያ ቤታችን ያሉ የስራ ክፍሎች የሥርዓተ ፆታ እኩልነትና ሴቶችን ማብቃት ተቋማዊ ለማድረግ የሚያከናውኑትን ተግባራት በመመዘንና ተከታታይ ድጋፍ በመስጠት የሥርዓተ ፆታ እኩልነት በሁሉም ዘርፍ ለማረጋገጥ ብሎም የሀገራችንን የልማት ራዕይ ለማሳካት ነው ብለዋል፡፡

የመንግስታዊና ግብረሰናይ ድርጅቶች የጋራ ፎረም ውይይት ተካሄደ፡፡

ዛሬ ጥቅምት 20/2010 ዓ.ም በትምህርት ሚኒስቴር አዳራሽ መንግስታዊና መንግስታዊ ያልሆኑ ድርጅቶች በትምህርት ስልጠና ዘርፍ የ2010 ዓ.ም ዋና ዋና ዕቅዶች ላይ ተገናኝተው ውይይት አድርገዋል፡፡ በምክክር መድረኩ ተገኝተው የመድረኩን አላማ የገለጹት በትምህርት ሚኒስቴር የእቅድ ዝግጅትና ሃብት ማፈላለግ ዳይሬክቶሬት ዳይሬክተር አቶ ኤልያስ ግርማ የመድረኩ ዋና አላማ የትምህርት ሴክተሩ እቅድ አፈጻጸም ላይ ውይይት ማድረግ ነው ብለዋል፡፡