News News

ለታዳጊ ክልሎችና አርብቶ አደር አካባቢዎች የትምህርት ረቂቅ ስትራቴጂ ሰነድ ተዘጋጀ

ትምህርት ሚኒስቴር የትምህርት ተሳትፎና ተጠቃሚነት ወደ ላቀ ደረጃ ለማድረስ ከብርትሽ ኳውንስልና  ከዩኒሴፍ ጋር በመተባበር ለታዳጊ ክልሎችና ለአርብቶ  አደር ህብረተሰብ አኗኗርን መሰረት ያደረገ ሀገር አቀፍ የትምህርት ስትራቴጂ ሰነድ አዘጋጀ፡፡ 

በታዳጊ ክልሎችና አርብቶ አደር አካባቢ ትምህርት ተሳትፎና ተጠቃሚነት በሚፈለገው ደረጃ ለማሳደግ የህብረተሰቡን አኗኗር መሰረት ያደረገ የትምህርት ስትራቴጂ ረቂቅ ዝግጅት ለማሻሻልና ለማዳበር ባለድርሻና አጋር አካላትን ያሳተፈ የውይይት መድረክ ተደርጓል፡፡ በዚህም መድረክ ለሰነዱ ማዳበር ግብዓት የሚሆኑ አስተያየቶች ተሰባስበዋል፡፡

በሚኒስቴር መስሪያ ቤቱ የልዩ ድጋፍና አካቶ ትምህርት ዳይሬክቶሬት ዳይሬክተር አቶ መሐመድ አቡበከር ምክክር መድረኩን በንግግር በከፈቱበት ወቅት አንደተናገሩት መድረኩ ታዳጊ ክልሎችና አርብቶ አደር አካባቢዎችን የትምህርት ተሳትፎና ተጠቃሚነት በሚፈለው ደረጃ ለማሳደግ ስትራቴጂ ሰነዱ የበለጠ ለማዳበርና የመጨረሻ ቅርጽ ለማስያዝ ከባለድርሻ አካላት ጋር በመሆን ግብዓት ለማሰባሰብ ያለመ መሆኑን ተናግረዋል፡፡

እንደ አቶ መሐመድ ስትራቴጂውን መከለስ ያስፈለገበት ምክንያት ከስምንት አመት በፊት የነበረው ሰነድ ረጅም ጊዜ በማገልገሉ፣ የአርብቶ አደሩን ማህበራዊ፣ ኢኮኖሚያዊና ፖሊቲካዊ የእድገት ፍላጎት በየጊዜው እጨመረ በመምጣቱ ወቅቱ ጋር የሚጣጣም የትምህርት ስትራቴጂ ለመተግበርና ተጨማሪ አዳዲስ አስተሳሰቦችን ለማካተት እንዲሁም የመንግስት የልማት ግቦችንና ትኩረት አቅጣጫዎችን ለማሳከት ነው ብለዋል፡፡

ዳይሬክተሩ አክለውም ሰነዱ የታዳጊ ክልሎች፣ የአርብቶ አደር ማህበረሰብ አኗኗርን ያገናዘበ ሲሆን የተለያየ የትምህርት አቀራረብ ስልቶችን ለአብነትም የአማራጭ መሰራታዊ ትምህርት ማስፈጸሚያ ስልቶችን ያካተተ መሆኑን ገልጸዋል፡፡

በትምህርት ሚኒስቴር የአጠቃላይ ትምህርት ዘርፍ ሚኒስትር ዴኤታ  / ጥላዬ ጌቴ ረቂቅ ሰነዱን በተመለከተ አቅጣጫ በሰጡበት ወቅት እንደገለጹት ሰነዱ በታዳጊ ክልሎችና አርብቶ አደር አካባቢዎች ከትምህርት ተሳትፎን፣ ከፍትሀዊነትንና ከጥራት ጋር ተያይዞ የሚነሱ ተግዳሮቶችን ሊፈታ የሚችል መሆኑን ተናግረዋል፡፡

ይህ በዝግጅት ላይ ያለ የታዳጊ ክልሎች፣ የአርብቶ አደርና የክፍል አርብቶ አደር የትምህርት ስትራቴጂ ሰነድ የሀገራችን ትምህርትና ስልጠና ፖሊሲ ህጻናት በራሳቸው ቋንቋ እንዲማሩ ሕግ መንግስታዊ ዋስትና ማግኘታቸውን፣ በሀገር አቀፍ ደረጃ የተቀመጠውን  ራእይና የትምህርት ዘርፍ ልማት መርሃ ግብር ጋር የተጣጣመ መሆን እንደሚገባም / ጥላዬ አስገንዝበዋል፡፡

በሚኒስቴር /ቤቱ የልዩ ድጋፍና አካቶ ትምህርት ዳይሬክቶሬት አማካሪ የሆኑት / ዚየን እንግዳሰው ሰነዱ ሰባት የስትራቴጂያዊ ግቦች እንዳሉ በመጥቀስ በውስጡ የተለያዩ የታዳጊ ክልሎችና የአርብቶ አደር አካባቢዎችን ያገናዘበ  ትምህርት አቀራረብ ስልቶች መካተታቸውንም ገልጸዋል፡፡

 ተሳታፊዎች በበኩላቸው ሰነዱን ለማዳበር በቡድን፣ በቡድን ሆነው ለተከታታይ ሁለት ቀናት በጥልቀት ሲወያዩ ቆይትዋል፡፡ እነዚህ የምክክር መድረክ ተሳታፊዎች እንደገለጹት ለስትራቴጂው ሰነድ መሻሻል የታዳጊ ክልሎችና የአርብቶ አደር አካባቢዎችን የትምህርት ተሳትፎ፣ ፍትሃዊነት ተገቢነትና ጥራት በሚፈለው ደረጃ ለማድረስ  ጉልህ ጠቀሜታ እንዳለው ተናግረዋል፡፡

ስትራቴጂው ሁሉም ባለድርሻ አካላትን በማሳተፍ  ከብርትሽ ኳንስል (QUESSP) የልማት አጋር ድርጅት ጋር በመተባበር የተዘጋጀ ሲሆን ከፀደቀም በኋላ ከሚኒስቴር መስሪያ ቤቱ ጀምሮ በየደረጃ የሚገኙ የአጠቃላይ ትምህርት ዘርፍ እርከኖች   የታዳጊ ክልሎች፣ የአርብቶ አደር አካባቢን ያገናዘበ የትምህርት አቀራረብ ስልቶችን በመከተል ስተገብር የትምህርት   ተሳትፎና ተጠቃሚነት  ወደ ላቀ ደረጃ ያሳድጋል ተብሎ ይታመናል፡፡

በአዳማ ከተማ ከየካቲት 2-3/2009 . በተካሄደው ምክክር መድረክ ከሚኒስቴር /ቤቱ ከክልልና ሁለቱም ከተማ አስተዳደር ትምህርት ቢሮዎች የተውጣጡ ኃላፊዎችና ባለሙያዎች ተሳትፈዋል፡፡



No comments yet. Be the first.
News

የተፋጠነ የትምህርት ቤት ዝግጁነት የትምህርት አቀራረብ ሥነ-ዘዴ እንደ አንድ የቅድመ መደበኛ ትምህርት ማስፋፊያ አመራጭ ተወስዶ በሀገር አቀፍ ደረጃ እንድተገበር የምመክር አውደ ጥናት ተካሄደ

የትምህርት ቤት መሻሻል ፕሮግራም ዳይሬክቶሬት በቤንሻንጉል ጉሙዝ ብሔራዊ ክልል ከ2007 ዓ.ም ክረምት ጀምሮ ለመጀመሪያ ጊዜ እየተተገበረ ያለውን የተፋጠነ የትምህርት ቤት ዝግጁነት የቅድመ መደበኛ ትምህርት አቀራረብ ውጤታማነትን ለማስተዋወቅና በሀገር አቀፍ ደረጃ ለማስፋት ከአዲስ አበባ ከተማ አስተዳደር ውጪ ከሁሉም ክልሎች፤ ከድሬደዋ ከተማ አስተዳደር፣ ከዩኒሴፍ ኢትዮጵያ እና ከህጻናት አድን ድርጅት እንዲሁም ከትምህርት ሚኒስቴር የተውጣጡ የሥራ ኃላፊዎችና የትምህርት ባለሙያዎች የተሳተፉበት አውደ ጥናት ሚያዚያ 2 እና 3/2009 ዓ.ም በትምህርት ሚኒስቴር የመሰብሰቢያ አደራሽ ተካሄደ። ይህ ፕሮግራም ከአራቱ የቅድመ መደበኛ ትምህርት አሰጣጥ ሥነ-ዘዴ መካከል አንዱ ሲሆን በሦስቱም (መዋዕለ ህጻናት፤ ኦ ክፍልና ህጻን ለህጻን) የቅድመ መደበኛ ትምህርት አሰጣጥ ዘዴ ተጠቅመው ለመደበኛ ትምህርት ቅድመ ዝግጅት ያላደረጉትን እድሜያቸው ስድስት ዓመትና ከዚያ በላይ የሆኑ ህጻናትን በስምንት ሳምንታት ውስጥ ለመደበኛ ትምህርት ዝግጁ ማድረግ ያሚያስችል ፕሮግራም ነው።

የከፍተኛ ትምህርት ተቋማትን የአመራርና የአስተዳደር ክህሎት ለማሳደግ ሲምፖዚየም እየተካሄደ ነው

ከፍተኛ የመንግስት አመራሮችን ያሳተፈ በዓለም አቀፍ ደረጃ የኢትዮጵያ ከፍተኛ ትምህርት በአሁኑ ወቅት ያለበትን ሁኔታ ላይ በማተኮር ምሁራን በዘርፉ እምርታዊ ዕድገት ለማስመዝገብ በሀገራችን የከፍተኛ ትምህርት ተቋማት የአመራር ሚናና አሰራር ምን መምሰል እንደሚገባ ጥናቶችን መሰረት ያደረገ መድረክ እየተካሄደ ነው፡፡ በኢፌዴሪ ትምህርት ሚኒስቴር የከፍተኛ ትምህርት ዘርፍ ሚኒስትር ዴኤታ ክቡር ዶ/ር ሳሙኤል ክፍሌ መድረኩን በንግግር በከፈቱበት ወቅት እንደተናገሩት ለከፍተኛ ትምህርት አመራሮች በተለያዩ ጊዜያት በወቅታዊ ጉዳዮች ዙሪያ በአመት ሦሥት ማለትም የአጭር ፣ የመካከለኛና የረጅም ጊዜ የግንኙነት እቅድና የአፈጻጸም ሪፖርት መድረክ መኖሩን ጠቁመዋል፡፡

በቤኒሻንጉል ጉምዝ ለሚገኙ ሴት እጩ ርዕሳነ መምህራን የሥራ አመራር ሥልጠና እየተሰጠ ነው

ሥልጠናው እየተካሄደ ያለው በቤኒሻንጉል ጉምዝ ብሔራዊ ክልላዊ መንግሥት ትምህርት ቢሮ፣ በአሶሳ ዩኒቨርሲቲ፣በኢ.ፌ.ዲ.ሪ ትምህርት ሚኒስቴርና አጋር ድርጅቶቹ ትብብር ነው። ሥልጠናው እየተሰጠ ያለበት ቦታ በአሶሳ ዩኒቨርሲቲ ቅጥር ጊቢ ውስጥ ሲሆን ስልጠናውን እየተሰጠ ያለው ከፍተኛ ልምድ ባላቸው በዩኒቨርሲቲው መምህራን ናቸው። ሰልጣኞች በተለያዩ የክልሉ ዞኖችና ወረዳዎች ውስጥ ከሚገኙ ትምህርት ቤቶች የተውጣጡ ርዕሰ መምህር ለመሆን ተወዳድረው የተመለመሉ 41 ሴት መምህራን ናቸው። የሥልጠናው የቆይታ ጊዜ ሦስት ወራት ሲሆን መጋቢት 28/2009ዓ.ም በቦታው በተገኘንበት ወቅት ሥልጠናው ከተጀመረ አንድ ወር ከአንድ ሳምንት በላይ እንደሆነ ለመረዳት ችለናል።

በቤኒሻንጉል ጉምዝ ብሔራዊ ክልላዊ መንግሥት ለሚገኙ የ”ኦ” ክፍል መምህራንና አመቻቾች በማስተማር ሥነ-ዘዴ ላይ ሥልጠና እየተሰጠ ይገኛል

ሥልጠናው እየተካሄደ ያለው በቤኒሻንጉል ጉምዝ ብሔራዊ ክልላዊ መንግሥት ትምህርት ቢሮ፣ በኢ.ፌ.ዲ.ሪ ትምህርት ሚኒስቴርና አጋር አካላት ትብብር ነው፣ ሥልጠናው እየተካሄደ ያለው በክልሉ የሥራ አመራር ኢንስቲትዩት ውስጥ ሲሆን ቆይታው ለአንድ ወር ጊዜ ከመጋቢት 25/2009 ዓ.ም እስከ ሚያዝያ 24/2009ዓ.ም ነው። ሥልጠናውን እየሰጡ ያሉ አካላት ቀደም ሲል በትምህርት ሚኒስቴር፣በዩኒሴፍ፣በዓለም ባንክና በሌሎችም አጋር አካላት ትብብር በአዳማ ከተማ ላይ የአሰልጣኞች ሥልጠና የወሰዱ አግባብነት ያላቸው 41 የክልሉ የትምህርት ዘርፍ ባለሙያዎች ናቸው። ሥልጠናውን እየወሰዱ ያሉ መምህራን በተለያዩ የክልሉ ዞኖችና ወረዳዎች ውስጥ ከሚገኙ የመጀመሪያ ደረጃ ትምህርት ቤቶች የተውጣጡ 497 የ”ኦ” ክፍል መምህራን ናቸው። ሥልጠናው በክልል ደረጃም ሆነ በሀገር አቀፍ ደረጃ ስሰጥ ለመጀመሪያ ጊዜ ሲሆን እየተካሄደ ያለው ”የቅድመ መደበኛ ትምህርት ለመደበኛ ትምህርት ውጤታማነት መሠረት ነው” በሚል መሪ ቃል ነው።

የህፃናት የቋንቋ ክህሎትና የትምህርት ውጤት ለማሻሻል የወላጆች ሚና ወሳኝ ነው

የህፃናት አስተዳደግና የትምህርት ውጤት እንዲሁም ስነ ምግባር ማደግ ዙሪያ የወላጆች ሚና የላቀ ነው፡፡ የህፃናት አካላዊ ፣አዕምሮዊና ማህበራዊ ዕድገት ለማነቃቃት የአሳዳጊ/የወላጅ ድርሻ ምትክ የለውም፡፡ ህፃናት በትምህርታቸው የበለጠ ውጤታማ የሚሆኑት፥ የተዘጋጀው የትምህርት ይዘት ከህፃናት ዕድሜ ደረጃና አዕምሮ ብስለት ጋር የሚጣጣም፣ ሳቢና ጫወታ አዘል አቀራረብ በመከተል እና በአፍ መፍቻ ቋንቋቸው ከተማሩ ነው፡፡ በአዲሱ ያልተማከለ የትምህርት ስርዓት አደረጃጀት ብሔር ብሔረሰቦች የአንደኛ ደረጃ ትምህርትን በቋንቋቸው ኢንዲማሩ የትምህርት ፖሊሲያችን እንዲሁም ሕገ መንግስታችን ወላጆች ወይም በሕግ የማሳደግ መብት ያላቸው ሰዎች