News News

የከፍተኛ ትምህርት ተቋማትን የአመራርና የአስተዳደር ክህሎት ለማሳደግ ሲምፖዚየም እየተካሄደ ነው

ከፍተኛ የመንግስት አመራሮችን  ያሳተፈ  በዓለም አቀፍ ደረጃ የኢትዮጵያ ከፍተኛ ትምህርት በአሁኑ ወቅት ያለበትን ሁኔታ  ላይ በማተኮር ምሁራን በዘርፉ እምርታዊ ዕድገት ለማስመዝገብ  በሀገራችን የከፍተኛ ትምህርት ተቋማት የአመራር ሚናና አሰራር ምን መምሰል እንደሚገባ ጥናቶችን መሰረት ያደረገ  መድረክ እየተካሄደ ነው፡፡

 በኢፌዴሪ ትምህርት ሚኒስቴር የከፍተኛ ትምህርት ዘርፍ ሚኒስትር ዴኤታ ክቡር / ሳሙኤል ክፍሌ  መድረኩን በንግግር በከፈቱበት ወቅት እንደተናገሩት ለከፍተኛ ትምህርት አመራሮች በተለያዩ ጊዜያት በወቅታዊ ጉዳዮች ዙሪያ በአመት ሦሥት  ማለትም የአጭር የመካከለኛና የረጅም ጊዜ የግንኙነት እቅድና የአፈጻጸም ሪፖርት  መድረክ መኖሩን ጠቁመዋል፡፡

የከፍተኛ ትምህርት ጥራት በሚፈለገው ደረጃ ለማድረስ፣ በቂና ተወዳዳሪ የሰው ሃይል የማፍራት ተልዕኮን አጠናክረው ለማስቀጠል በዘርፉ የከፍተኛ አመራሮች አቅም ግንባታ ቀዳሚ አጄንዳ መሆኑንም ዶክተሩ ተናግረዋል፡፡

የከፍተኛ ትምህርት ተቋማት የሚመረቁ ምሩቃን ብቃትና የጥናት ምርምር መርሃ ግብር ተግባራዊነት ወደ ተሸለ ደረጃ ለማድረስ  የዩኒቨርሲቲ አማራሮች ሚና የላቀ መሆኑን ክቡር ሚኒስትሩ አክለው ገልጸዋል፡፡

እንደ / ሳሙኤል ገለጻ የከፍተኛ ትምህርት ጥራት በሚፈለገው ደረጃ ለማድረስ በሀገር አቀፍ ደረጃ የተያዘውን  አምሰተኛውን የትምህርት ዘርፍ ልማት መርሃ ግብርና ሁለተኛውን የዕድገትና ትራንስፎርሜሽን አቅድ እንዲሁም  የልማት ግቦች ማለትም መካከለኛ ገቢ ያላቸው ሀገራት ተርታ ሀገራችን ለመሰለፍ የዩኒቨርሲቲ  አመራሮች  ቁርጠኝነት ወሳኝ ነው ብለዋል፡፡

በአፍሪካ ደረጃ የከፍተኛ ትምህርት አለም አቀፍ ኔትዎርክና  በደቡብ አፍሪካ ከዋዙሉ ናታል ዩኒቨርሲቲ የከፍተኛ ትምህርት ስልጠና ልማት መሪ የሆኑት ፕሮፌሰር ዳምጤው ተፈራ  የአፍሪካ ከፍተኛ ትምህርት ተግዳሮቶች ወሳኝ ዝንባለን አስመልክቶ የምርምር ውጤታቸውን ባቀረቡበት ወቅት እንደገለጹት የዩኒቨርሲቲ አመራሮች የዓላማ፣ የስልጣን፣ የልምድና የስኬት ተጠራጣሪነት ወደኋላ በመተው እውቀት፣ ክህሎትና ልምድን በማቀናጀት የተቋማቸውንና የሀገራቸውን ተልዕኮ ማሳካት በቁርጠኝነት መስራት እንደሚገባቸው ተናግረዋል፡፡

የኢፌዴሪ ትምህርት ሚኒስቴር  ከአዲስ አበባ ዩኒቨርሲቲ፣ ከአዲስ አበባ ሳይንስና ቴክኖሎጂ ዩኒቨርሲቲ እንዲሁም በደቡብ አፍሪካ ከከዋዙሉ ናታል ዩኒቨርሲቲ ጋር በመተባበር በአዲስ አበባ ከተማ ኢንተርኮንቲኔንታል ሆቴል ከሚያዚያ 09-13/2009 . ለሦሥት ቀናት የሚቆይ መድረክ እያካሄዱ ነው፡፡

በመድረኩም  ከትምህርት ሚኒስቴር፣ ከመንግስት ከፍተኛ ትምህርት ተቋማት ከአፍሪካ ህብረት የተውጣጡ የመንግስት ሃላፊዎችና ዩኒቨርሲቲ ፕሬዚዳንቶች እንዲሁም የዘርፉ ምሁራን ተሳትፈዋል፡፡



No comments yet. Be the first.
News

የ2009 ዓ.ም የሁለተኛ ደረጃ መልቀቂያ (የ10ኛ ክፍል) ብሔራዊ ፈተና ከግንቦት 23- 25 እንዲሁም የከፍተኛ ትምህርት ተቋም መግቢያ ፈተና (የ12ኛ ክፍል) ከግንቦት 28 እስከ ሰኔ 1 2009 ዓ.ም. ይሰጣሉ

የትምህርት ሚኒስቴር የ2009 ዓ.ም የሁለተኛ ደረጃ መልቀቂያ (የ10ኛ ክፍል) ብሔራዊ ፈተና ከግንቦት 23- 25 እንዲሁም የከፍተኛ ትምህርት ተቋም መግቢያ ፈተናዎች (የ12ኛ ክፍል) ከግንቦት 28 እስከ ሰኔ 1 2009 ዓ.ም. እንደሚሰጡ ገለጸ፡፡ የፈተናው አጠቃላይ ዝግጅት የተጠናቀቀ ሲሆን በሀገሪቱ ለሚገኙ ተፈታኞች 3,467 የፈተና ጣቢያዎች ተዘጋጅተዋል፡፡ በዚህ ዓመትም ከ1.2 ሚሊየን በላይ የ10ኛ ክፍል እንዲሁም ከ288ሺህ በላይ የ12ኛ ክፍል ተፈታኞች ይኖራሉ ተብሎ ይጠበቃል፡፡

የትምህርት ሚኒስቴር በተፈጥሮ ሳይንስና ምህድስና ትምህርት መስክ ከፍተኛ ውጤት ያስመዘገቡ ሴት ተማሪዎችን ሸለመ

የኢ.ፌ.ዲ.ሪ ትምህርት ሚኒስቴር ሥርዓተ ጾታ ዳይሬክቶሬት ከደብረ ብርሃን ዩኒቨርሲቲ የሥርዓተ ጾታና ባለ ዘርፈ ብዙ ጉዳዮች ዳይሬክቶሬት ጋር በመተባበር በተፈጥሮ ሳይንስና ምህድስና ትምህርት መስክ ከፍተኛ ውጤት ላስመዘገቡ በደብረ ብርሃን ዩኒቨርሲቲ ከአንደኛ እስከ አምስተኛ አመት ያሉ ሴት ተማሪዎች፣ ድጋፍ ላደረጉላቸው መምህራንን እና አመራሮች የማበረታቻ ሽልማት ሰጠ፡፡ በዩኒቨርሲቲው የመሰብሰቢያ አደራሽ ...

ትምህርት ሚኒስቴር የትራፊክ አደጋን ትርጉም ባለው መልኩ ለመቀነስ በሚቻልበት ሁኔታ ላይ ከባለድርሻ አካላት ጋር ውይይት አካሄደ

ሚኒስቴር መሥሪያ ቤቱ ከመንገድ ትራንስፖርት ሚኒስቴር ጋር በመተባበር “ከትራፊክ አደጋ የጸዳ የትራንስፖርት አገልግሎት ለሀገራዊ ህዳሴ“ በሚል ሀገራዊ መሪ ቃል በሀገር ደረጃ የትራፊክ አደጋን ትርጉም ባለው መልኩ ለመቀነስ በሚቻልበት ሁኔታ ላይ ከባለድርሻ አካላት ጋር የምክክር መድረክ ያካሄደው በሚኒስቴር መሥሪያ ቤቱ የመሰብሰቢያ አደራሽ ሚያዝያ 20/2009 ዓ∙ም ነበር። የኢፌዲሪ ትምህርት ሚኒስቴር ሚስትር ዴኤታ የሆኑት የተከበሩ ዶ/ር ጥላዬ ጌቴ መድረኩን በእንኳን ዳህና መጣችሁ ንግግር በከፈቱበት ወቅት እንደተናገሩት የትራፊክ አደጋን ከምንጩ በመቀነስ የህዝባችንን ህይወት፣አካልና ንብረት፤እንዲሁም የሀገሪቱን ሀብት ከጥፋት ለመታደግ መላው ህብረተሰብ በትራፊክ ደህንነት ዙሪያ በባለቤትነት ስሜት እንድንቀሳቀስ ማድረግና ከዚህ አንጻር ዜጎችን በመልካም ሥነ-ምግባር መቅረፅ በአሁኑ ወቅት እጅግ በጣም አንገብጋቢ ጉዳይ መሆኑን ገልጸዋል። በአሁን ወቅት በትምህርት ዘርፉ ውስጥ በተለያዩ የትምህርት እርከኖች ላይ 30 ሚሊዮን የሚጠጉ ተማሪዎች፣ከግማሽ ሚሊዮን በላይ የሚሆኑ መምህራን፣ከተማሪዎች በስተጀርባ ያሉ በርካታ ወላጆችና መደበኛ ባልሆነ የተቀናጀ የጎልማሶች ትምህርት ላይ እየተሳተፉ ያሉ በርካታ ሠልጣኞች እንዳሉ ጠቅሰው ከሌሎች ባለድርሻ አካላት ጋር በሚገባ በመቀናጀት ከዚህ በፊት ሲሠራ ከነበረው ይበልጥ ሥራውን በማስፋትና በማጠናከር ከተሠራ በሀገር ደረጃ መሠረታዊ ለውጥ ማምጣት እንደሚቻል አስገንዝበዋል።

በሙያ ፍቃድ የምዘና ውጤት ትንተናና በመምህራን ትምህርት ኮሌጆች እውቅና አሰጣጥ ስታንዳርዶች ዙሪያ ምክክር መድረክ ተካሄደ

ሀገራችን የሙያ ፍቃድ አሰጣጥና እድሳት ስርዓት በመዘርጋት የመምራን፣ የርዕሰ መምህራንና የሱፐርቫይሮች ሙያዊ ብቃት ምዘና ሂደትን በወጥነት ለመተግበርና በሙያ ፍቃድ አሰጣጥ የአደረጃጀቶችን ሚናና የፈጻሚ ባለድርሻ አካለላትን ተግባርና ኃላፊነት ለይቶ ለማሳወቅና ተጠያቂነትን ለማስፈን የሚየስችል የአሰራር ስርዓት ዘርግታ እየሰራች ትገኛለች፡፡ በሙያ ፍቃድ አሰጣጥ ስርዓት ውስጥ ሶስት የሙያ ፍቃድ አይነቶች አሉ፡፡ እነዚህም፦ አንደኛው የመጀመሪያ ሙያ ፍቃድ ለጀማሪ መምህራንና በትምህርት ተቋማት አመራርነት ሰልጥነው ወደሙያው ለሚገቡ እንዲሁም ለደረጃው የብቃት መመዘኛ ላሟሉ የሚሰጥ ፣ ሁለተኛው ሙሉ የሙያ ፍቃድ፥ ለአምስት አመት የሚያገለግል ሆኖ የመጀመሪያ ሙያ ፍቃድ በማግኘት ሲሠሩ ቆይተው ላጠናቀቁ የሚሰጥ ሲሆን የሦሥተኛው ደግሞ ቋሚ የሙያ ፍቃድ ነው፡፡ ይህ ፍቃድ ሙሉ የሙያ ፍቃድ ከያዙ በኋላ ለደረጃው የሚመጥን አገልግሎት አጠናቀው የሙያ ፍቃድ ብቃት መመዘኛ ላሟሉ መምህራን፣ ለርዕሰ መምህራንና ሱፐርቫይዘሮች የሚሰጥና በየአምስት አመት የሚታደስ ቋሚ የሙያ ፍቃድ ነው፡፡

የተፋጠነ የትምህርት ቤት ዝግጁነት የትምህርት አቀራረብ ሥነ-ዘዴ እንደ አንድ የቅድመ መደበኛ ትምህርት ማስፋፊያ አመራጭ ተወስዶ በሀገር አቀፍ ደረጃ እንድተገበር የምመክር አውደ ጥናት ተካሄደ

የትምህርት ቤት መሻሻል ፕሮግራም ዳይሬክቶሬት በቤንሻንጉል ጉሙዝ ብሔራዊ ክልል ከ2007 ዓ.ም ክረምት ጀምሮ ለመጀመሪያ ጊዜ እየተተገበረ ያለውን የተፋጠነ የትምህርት ቤት ዝግጁነት የቅድመ መደበኛ ትምህርት አቀራረብ ውጤታማነትን ለማስተዋወቅና በሀገር አቀፍ ደረጃ ለማስፋት ከአዲስ አበባ ከተማ አስተዳደር ውጪ ከሁሉም ክልሎች፤ ከድሬደዋ ከተማ አስተዳደር፣ ከዩኒሴፍ ኢትዮጵያ እና ከህጻናት አድን ድርጅት እንዲሁም ከትምህርት ሚኒስቴር የተውጣጡ የሥራ ኃላፊዎችና የትምህርት ባለሙያዎች የተሳተፉበት አውደ ጥናት ሚያዚያ 2 እና 3/2009 ዓ.ም በትምህርት ሚኒስቴር የመሰብሰቢያ አደራሽ ተካሄደ። ይህ ፕሮግራም ከአራቱ የቅድመ መደበኛ ትምህርት አሰጣጥ ሥነ-ዘዴ መካከል አንዱ ሲሆን በሦስቱም (መዋዕለ ህጻናት፤ ኦ ክፍልና ህጻን ለህጻን) የቅድመ መደበኛ ትምህርት አሰጣጥ ዘዴ ተጠቅመው ለመደበኛ ትምህርት ቅድመ ዝግጅት ያላደረጉትን እድሜያቸው ስድስት ዓመትና ከዚያ በላይ የሆኑ ህጻናትን በስምንት ሳምንታት ውስጥ ለመደበኛ ትምህርት ዝግጁ ማድረግ ያሚያስችል ፕሮግራም ነው።

Communication and Media Communication and Media

Communication Address:

Tel: +251-11-156-14-94

Fax: