News News

የህፃናት የቋንቋ ክህሎትና የትምህርት ውጤት ለማሻሻል የወላጆች ሚና ወሳኝ ነው

የህፃናት አስተዳደግና  የትምህርት ውጤት እንዲሁም ስነ ምግባር ማደግ  ዙሪያ የወላጆች ሚና የላቀ ነው፡፡ የህፃናት አካላዊ ፣አዕምሮዊና ማህበራዊ ዕድገት ለማነቃቃት የአሳዳጊ/የወላጅ ድርሻ ምትክ የለውም፡፡

 

ህፃናት በትምህርታቸው  የበለጠ ውጤታማ የሚሆኑት፥ የተዘጋጀው የትምህርት ይዘት ከህፃናት ዕድሜ ደረጃና አዕምሮ ብስለት ጋር የሚጣጣም፣ ሳቢና ጫወታ አዘል አቀራረብ በመከተል እና በአፍ መፍቻ ቋንቋቸው  ከተማሩ ነው፡፡

 

በአዲሱ ያልተማከለ የትምህርት ስርዓት አደረጃጀት ብሔር ብሔረሰቦች የአንደኛ ደረጃ ትምህርትን በቋንቋቸው ኢንዲማሩ የትምህርት ፖሊሲያችን እንዲሁም ሕገ መንግስታችን ወላጆች ወይም በሕግ የማሳደግ መብት ያላቸው ሰዎች የማወቅና የነሱንም እንክብካቤ የማግኘት በትምህርት ቤቶች ወይም በህፃናት ማሳደጊያ ተቋማት ውስጥ በአካሉ ከሚፈጸም ኢሰብዓዊ ቅጣት ነጻ የመሆን  መብት ይደነግጋል፡፡

 

ይህንኑ መሰረት በማድረግ የኢፌዴሪ ትምህርት ሚኒስቴር የትምህርት ቤት መሻሻል ፕሮግራም ዳይሬክቶሬት  ከጎልማሶችና መደበኛ ያልሆነ ትምህርት ማስተባበሪያ ጋር በመተባበር  በህፃናት አስተዳደግና እንክብካቤ ትምህርት ወላጆችን/አሳዳጊዎችን  ለማስተማር በተዘጋጀ ሰነድ ዙሪያ በአዲስ አበባ ከተማ በሚኒስቴር /ቤቱ መሰባሰቢያ አዳራሽ ከመጋቢት 27-29 . አውደ ጥናት አካሄዷል፡፡

 

በሚኒስቴር /ቤቱ ዳይሬክተር አቶ ያሳቡ ብርቅነህ  መድረኩን በንግግር ሲከፍቱ እንዳሉት የህፃናት አስተዳደግና እንክብካቤ በተቀናጀ ተግባር ተኮር የጎልማሶች ትምህርት ፕሮግራም ጋር አካቶ ለመስጠት ከጎልማሶችና መደበኛ ያልሆነ ትምህርት ማስተባበሪያ ከባለድርሻ አካላት ጋር በአስር ርዕሰ ጉዳዮች ላይ የመማማሪያ ጽሑፍ መዘጋጀቱ ሚታወስ ነው ብለዋል፡፡

 

የወላጆች ትምህርት (Parental Education) ከአስሩ ርዕሰ ጉዳዮች የሚያተኩሪባቸው መካከል ጥቅቶቹ፥ የህፃናት የቋንቋ ክህሎት ዕድገት ሂደት፣ የጥሩ ጤና እንክብካቤና አያያዝ አመጋገብና ንጽህና አጠባበቅ እንዲሁም የሕፃናትን ማህበራዊ ዕድገትና መንፈስ ደህንነት መሆኑን ዳይሬክተሩ ጠቅሰዋል፡፡

በሚኒስቴር /ቤቱ  የትምህርት ቤት መሻሻል ፕሮግራም ዳይሬክቶሬት  የቅድመ መደበኛ ትምህርት  ከፍተኛ ባለሙያ የሆኑት አቶ ማተቤ አለማየሁ መድረኩ የህፃናት አስተዳደግና እንክብካቤ ትምህርት ወላጆችን ለማስተማር በተቀናጀ ተግባር ተኮር የጎልማሶች ትምህርት የመማማሪያ ጽሁፍ አስመልክቶ በተዘጋጀ ሰነድ ላይ በመወያየት የማዳበሪያ ሃሳቦችን ለማሰባሰብ እና  የጋራ መግባባት በመፍጠር የቀጣይ አቅጣጫ ለማስቀመጥ ያለመ መሆኑን ተናግረዋል፡፡

 

አንዳንድ ተሳታፊዎች እንደተናገሩት በአውደ ጥናቱ  ጥሩ ግንዛቤ እንደፈጠረላቸው በመግለፅ የቅድመ መደበኛ ትምህርት መርሃ ግብርን ከማጠናከር አኳያ ይህ  የህፃናት አስተዳደግና እንክብካቤ ትምህርትን ወላጆችን ለማስተማር የተዘጋጀው የመማማሪያ ጽሑፍ በክልሎች በአግባቡ ከተተገበረ ለሕፃናትን ሁለንተናዊ ዕድገት አስፈላጊ መሆኑን እና  በአውደ ጥናቱ የተሰጡ አስተያየቶች ተካተው በአፋጣኝ ለትግበራ እንዲላክ እንዲሁም የመማማሪያ ጽሁፉ በሚላክበት ጊዜ አመቻቾች የሚሰለጠኑበት  በጀት እንዲያዝ ሃሳብ ሰጥተዋል፡፡

 

በመድረኩ ከሚኒስቴር /ቤቱ የትምህርት ቤት መሻሻል ፕሮግራም ዳይሬክቶሬትና የጎልማሶችና መደበኛ ያልሆነ ትምህርት ማስተባበሪያ ሃላፊዎችና ባለሙያዎች እንዲሁም ከክልል ትምህርት ቢሮዎች የተውጣጡ የጎልማሶችና መደበኛ ያልሆነ ትምህርት ማስተባበሪያ እና የቅድመ መደበኛ ትምህርት ባለሙያዎች ተሳትፈዋል፡፡



No comments yet. Be the first.
News

በከፍተኛ ትምህርት ተቋማት ለሚካሄዱ የትምህርትና ሥልጠና ሥራዎች ውጤታማነት ተማሪዎች፣ መምህራን ፣ወላጆችና ህብረተሰቡ ኃላፊነታቸውን በላቀ ደረጃ ሊወጡ እንደሚገባ ተገለጸ

በከፍተኛ ትምህርት ተቋማት ለሚካሄዱ የትምህርትና ሥልጠና ሥራዎች ውጤታማነት ተማሪዎች፣ መምህራን ፣ወላጆችና ህብረተሰቡ ኃላፊነታቸውን በላቀ ደረጃ ሊወጡ እንደሚገባ የትምህርት ሚኒስትሩ ክቡር ዶ/ር ጥላዬ ጌቴ አስታወቁ፡፡ የከፍተኛ ትምህርት ተቋማት ህብረ-ብሔራዊነትና ኢትዮጵያዊነት የሚገነባባቸው ተቋማት እንጂ ተግባራቸው በጥቂት ችግር ፈጣሪዎች የሚስተጓጎል አለመሆኑንም ገለጹ 141ሺህ አዲስ ተማሪዎችን ጨምሮ ከ700 ሺህ በላይ ተማሪዎች በመንግስት ዩኒቨርስቲዎች በመማር ላይ መሆናቸውን ጠቁመዋል፡፡

ከ2011 የትምህርት ዘመን ጀምሮ በሁሉም የቅድመ ምረቃ ትምህርት መስኮች የብቃት መለኪያ አጠቃላይ ምዘና (የመውጫ ፈተና) ልተገበር ነው

ከ2011 የትምህርት ዘመን ጀምሮ በሁሉም የቅድመ ምርቃ ትምህርት መስኮች ተማሪዎች ከመመረቃቸው በፊት የብቃት መለኪያ አጠቃላይ ምዘና (የመውጫ ፈተና) ወስደው አጥጋቢና ከዚያ በላይ ውጤት ማስመዝገብ እንደሚጠበቅባቸው የኢ.ፌ.ዴ.ሪ ትምህርት ሚኒስቴር አስታወቀ። የከፍተኛ ትምህርት ጥራትን በተለይም የምሩቃንን ብቃትና ተወዳዳሪነት ለማረጋገጥ ተማሪዎች ትምህርታቸውን ካጠናቀቁ በኋላ አጠቃላይ ምዘና ወይም የመውጫ ፈተና መስጠት የምሩቃንን ዕውቀት፣ ክህሎትና አመለካከት ለመመዘን የላቀ ሚና ከመጫወቱም በተጨማሪ የተመራቂ ተማሪዎች በራስ መተማመን ያጎለብታል፡፡

የምርምርና የፈጠራ ስራ ውድድር ኤግዚቪሽን ተካሄደ

የሂሳብና ሣይንስ ትምህርቶች ማሻሻያ ማዕከል ከስቴምስ ሲነርጂ ፣ከዩኔስኮ እና ከኢትዮጵያ ሣይንስ አካዳሚ ጋር በመተባበር "በሣይንስና ቴክኖሎጂ ፈጠራ የበለፀገ ህብረተሰብ ለዘላቂ ሠላምና ልማት "በሚል መሪ ቃል አገር አቀፍ የምርምርና ፈጠራ ስራ ውድድር ኤግዚቪሽን በኢትዮጵያ ሣይንስ አካዳሚ ተካሄደ፡፡ የምርምርና የፈጠራ ስራ አውደ- ርዕይ መከፈቱን አስመልክቶ የእንኳን ደህና መጣችሁ መልዕክት ያስተላለፉት ፕሮፌሰር ማስረሻ ፈጠነ የኢትዮጵያ ሣይንስ አካዳሚ ዋና ዳይሬክተር ሲሆኑ የኢትዮጵያ ሣይንስ አካዳሚ የኢትዮጵያን ሣይንስ ለማበልፀግ የተቋቋመ መሆኑን አስታውሰው ይህ ማዕከል የህብረተሰቡን የሳይንስና ቴክኖሎጂ ፈጠራ እንዲሁም ቴክኖሎጂን የመጠቀም አቅሙን ለማጎልበት ለማስተማርና የሣይንስ ፖርሽን ለመፍጠር የተሰራ ሲሆን ቋሚ የሳይንስ ማዕከል ለመፍጠር ሰፊ እንቅስቃሴ እየተደረገ ነው፡፡ በመሆኑም በቅርቡም የሳይንስ ማዕከሉ ወደ ስራ ይገባል በዚህም ወጣቱ ወደ ሣይንስ በሄደ ቁጥር የሀገራችን ተስፋ እየለመለመ ይሄዳል ብለዋል፡፡

የሥርዓተ-ፆታ ማካተትና ተቋማዊ ማድረግ መከታተያ፣ መመዘኛና በደረጃ የመለያ ማዕቀፍ ላይ ስልጠና ተሰጠ

የትምህርት ሚኒስቴር ሥርዓተ ፆታ ጉዳዮች ዳይሬክቶሬት ከሚኒስቴር መስሪያ ቤቱ ሁሉም የሥራ ክፍሎች እና ከተጠሪ ተቋማት ለተውጣጡ ከፍተኛ ባለሙያዎች እየተሰጠ ባለው ስልጠና የሁለተኛ ቀን ውሎ በሥርዓተ-ፆታ ማካተትና ተቋማዊ ማድረግ መከታተያ፣ መመዘኛና በደረጃ የመለያ ማዕቀፍ ላይ ስልጠና ሰጠ ፡፡ ስልጠናውን የሰጡት በዳይሬክቶሬቱ የስርዓተ ፆታ ክትትልና ድጋፍ ከፍተኛ ባለሙያ የሆኑት አቶ ብርሃኑ አረጋ ሲሆኑ የዚህ ስልጠና ዋና አላማ በሚኒስቴር መስሪያ ቤታችን ያሉ የስራ ክፍሎች የሥርዓተ ፆታ እኩልነትና ሴቶችን ማብቃት ተቋማዊ ለማድረግ የሚያከናውኑትን ተግባራት በመመዘንና ተከታታይ ድጋፍ በመስጠት የሥርዓተ ፆታ እኩልነት በሁሉም ዘርፍ ለማረጋገጥ ብሎም የሀገራችንን የልማት ራዕይ ለማሳካት ነው ብለዋል፡፡

የመንግስታዊና ግብረሰናይ ድርጅቶች የጋራ ፎረም ውይይት ተካሄደ፡፡

ዛሬ ጥቅምት 20/2010 ዓ.ም በትምህርት ሚኒስቴር አዳራሽ መንግስታዊና መንግስታዊ ያልሆኑ ድርጅቶች በትምህርት ስልጠና ዘርፍ የ2010 ዓ.ም ዋና ዋና ዕቅዶች ላይ ተገናኝተው ውይይት አድርገዋል፡፡ በምክክር መድረኩ ተገኝተው የመድረኩን አላማ የገለጹት በትምህርት ሚኒስቴር የእቅድ ዝግጅትና ሃብት ማፈላለግ ዳይሬክቶሬት ዳይሬክተር አቶ ኤልያስ ግርማ የመድረኩ ዋና አላማ የትምህርት ሴክተሩ እቅድ አፈጻጸም ላይ ውይይት ማድረግ ነው ብለዋል፡፡