ዜናዎች ዜናዎች

ከ2011 ዓ.ም ጀምሮ በከፍተኛ ትምህርት በሁሉም የትምህርት ዓይነቶች ለሚሰጠው የመውጫ ምዘና / EXIT EXAM / በተመለከተ የተሰጠ መግለጫ

በህክምናና በህግ ትምህርት ተሞክሮ ከፍተኛ ውጤት ያስገኘው የከፍተኛ ትምህርት የመውጫ ምዘና / EXIT EXAM / 2011 .ም ጀምሮ በሁሉም የትምህርት ዓይነቶች እንደሚካሄድ የከፍተኛ ትምህርት ዘርፍ ሚኒስትር ደኤታው ክቡር ዶክተር ሳሙኤል ክፍሌ አስታወቁ፡፡

የትምህርት ሚኒስትር ደኤታ ክቡር ዶክተር ሳሙኤል ክፍሌ ዛሬ ለጋዜጠኞች በሰጡት መግለጫ ከመጪው 2011 የትምህርት ዘመን ጀምሮ ተግባራዊ የሚደረገው የመውጫ ምዘና / EXIT EXAM / የከፍተኛ ትምህርት ምሩቃን በዩኒቨርስቲ ቆይታቸው ተፈላጊውን ዕውቀት ክህሎትና አመለካከት እንዲላበሱ ያስችላል፡፡

የመውጫ ምዘና / EXIT EXAM / ተመራቂዎች ተፈላጊውን አነስተኛ የምሩቅ ፕሮፋይል ለማሟላታቸው ማረጋገጫ የሚሰጥ ተማሪዎች ከመመረቃቸው በፊት ብቃታቸውን የሚያረጋግጡበት የምዘና አይነት መሆኑን ሚኒስትር ደኤታው አስታውቀዋል፡፡

የመውጫ ምዘና /EXIT EXAM / በብዙ አገራት የተለመደና ተማሪዎች ከመመረቃቸው በፊት በገለልተኛ አካል / ኢንዱስትሪ / የተዘጋጀን ምዘና ወስደው ብቃታቸውን የሚያረጋግጡበት አሠራር መሆኑን ጠቁመው በአገራችንም ባለፉት ዓመታት በህግ ትምህርትና በህክምና ትምህርት ተሞክሮ ከፍተኛ ውጤት ማስገኘቱን ተናግረዋል፡፡

የመውጫ ፈተና/ EXIT EXAM/ ተመራቂ ተማሪዎች በቂ ዝግጅት በማድረግ በራሳቸው እንዲተማመኑና ብቁ ተወዳዳሪ እንዲሆኑ እንደሚያስችል፣ ከፍተኛ ትምህርት ተቋማትም ተማሪዎቻቸውን በጥሩ ውጤት ለማሳለፍና ያላቸውን ተፈላጊነት ለማሳደግ እንደሚያግዛቸው ዶክተር ሳሙኤል አመልክተዋል፡፡

መምህራንም ተማሪዎቻቸው ብቃት ተላብሰው እንዲመረቁ ለማስቻል በኃላፊነት ተከታታይ ምዘና በማካሄድ ክትትልና ድጋፍ በማድረግ ክፍተቶች እንዲሞሉ ቀጣሪ ኢንዱስትሪዎችም በተማሪው ላይ አመኔታ እንዲያሳድሩና ብቃት አላቸው ብለው እንዲያምኑ እንደሚያስችላቸው ሚኒስትር ደኤታው አብራርተዋል፡፡

በመሆኑም ባለፉት ዓመታት በህክምና እና በህግ ትምህርት ከተገኘው ልምድ በመነሳት ከመጪው ዓመት ጀምሮ የመውጫ ምዘና / EXIT EXAM / 35 የመንግስት ዩኒቨርሲቲዎች የቅደመ -ምረቃ ተማሪዎች ከመመረቃቸው በፊት በሁሉም የትምህርት ዓይነቶች የመውጫ ምዘና እንዲወስዱ እንደሚደረግ ዶክተር ሳሙኤል አስረድተዋል።

የመውጫ ፈተና/ EXIT EXAM / /በውጤታማ ትግበራ ስኬት አሠራር (DELIVEROLOGY) በአጭ ጊዜ አመርቂ ውጤት ለማስመዝገብ ትኩረት ከተሰጣቸው ሰባት የትምህርት ጥራት ማሻሻያ መርሃ-ግብሮች አንደኛው መሆኑንም ሚኒስትር ዴኤታው ጨምረው መግለጻቸውን የትምህርት ሚኒስቴር የኮሙኒኬሽን ጉዳዮች ዳይሬክቶሬት ዘግቧል፡፡



No comments yet. Be the first.
ዜናዎች

ከ2011 ዓ.ም ጀምሮ በከፍተኛ ትምህርት በሁሉም የትምህርት ዓይነቶች ለሚሰጠው የመውጫ ምዘና / EXIT EXAM / በተመለከተ የተሰጠ መግለጫ

በህክምናና በህግ ትምህርት ተሞክሮ ከፍተኛ ውጤት ያስገኘው የከፍተኛ ትምህርት የመውጫ ምዘና / EXIT EXAM / ከ2011 ዓ.ም ጀምሮ በሁሉም የትምህርት ዓይነቶች እንደሚካሄድ የከፍተኛ ትምህርት ዘርፍ ሚኒስትር ደኤታው ክቡር ዶክተር ሳሙኤል ክፍሌ አስታወቁ፡፡ የትምህርት ሚኒስትር ደኤታ ክቡር ዶክተር ሳሙኤል ክፍሌ ዛሬ ለጋዜጠኞች በሰጡት መግለጫ ከመጪው 2011 የትምህርት ዘመን ጀምሮ ተግባራዊ የሚደረገው የመውጫ ምዘና / EXIT EXAM / የከፍተኛ ትምህርት ምሩቃን በዩኒቨርስቲ ቆይታቸው ተፈላጊውን ዕውቀት ክህሎትና አመለካከት እንዲላበሱ ያስችላል፡፡

የነጭ ሪቫን ቀን ተከበረ

የኢ.ፌ.ዴ.ሪ. ትምህርት ሚኒስቴር የተጠሪ ተቋማትና የዋናው ጊቢ ሠራተኞች በአንድ ላይ የነጭ ሪቨን ቀን አከበሩ፡፡ የነጭ ሪቫን ቀን ‹‹ በሴቶች ላይ የሚደርሱ ጥቃቶቸን ለመከላከልና ለማስወገድ የወንዶች አጋርነትን ማጠናከር ›› በሚል የዓመቱ መሪ ቃል በአለም አቀፍ ደረጃ ለ26ኛ በሀገራችን ደግሞ ለ12ኛ ጊዜ ከህዳር 16-27 ተከብሮ ይውላል ያሉት በትምህርት ሚኒስቴር የስርዓተ-ጾታ ዳይሬክቶሬት ባለሙያ የሆኑት አቶ ብርሃኑ ናቸው፡፡

በከፍተኛ ትምህርት ተቋማት ለሚካሄዱ የትምህርትና ሥልጠና ሥራዎች ውጤታማነት ተማሪዎች፣ መምህራን ፣ወላጆችና ህብረተሰቡ ኃላፊነታቸውን በላቀ ደረጃ ሊወጡ እንደሚገባ ተገለጸ

በከፍተኛ ትምህርት ተቋማት ለሚካሄዱ የትምህርትና ሥልጠና ሥራዎች ውጤታማነት ተማሪዎች፣ መምህራን ፣ወላጆችና ህብረተሰቡ ኃላፊነታቸውን በላቀ ደረጃ ሊወጡ እንደሚገባ የትምህርት ሚኒስትሩ ክቡር ዶ/ር ጥላዬ ጌቴ አስታወቁ፡፡ የከፍተኛ ትምህርት ተቋማት ህብረ-ብሔራዊነትና ኢትዮጵያዊነት የሚገነባባቸው ተቋማት እንጂ ተግባራቸው በጥቂት ችግር ፈጣሪዎች የሚስተጓጎል አለመሆኑንም ገለጹ 141ሺህ አዲስ ተማሪዎችን ጨምሮ ከ700 ሺህ በላይ ተማሪዎች በመንግስት ዩኒቨርስቲዎች በመማር ላይ መሆናቸውን ጠቁመዋል፡፡

ከ2011 የትምህርት ዘመን ጀምሮ በሁሉም የቅድመ ምረቃ ትምህርት መስኮች የብቃት መለኪያ አጠቃላይ ምዘና (የመውጫ ፈተና) ልተገበር ነው

ከ2011 የትምህርት ዘመን ጀምሮ በሁሉም የቅድመ ምርቃ ትምህርት መስኮች ተማሪዎች ከመመረቃቸው በፊት የብቃት መለኪያ አጠቃላይ ምዘና (የመውጫ ፈተና) ወስደው አጥጋቢና ከዚያ በላይ ውጤት ማስመዝገብ እንደሚጠበቅባቸው የኢ.ፌ.ዴ.ሪ ትምህርት ሚኒስቴር አስታወቀ። የከፍተኛ ትምህርት ጥራትን በተለይም የምሩቃንን ብቃትና ተወዳዳሪነት ለማረጋገጥ ተማሪዎች ትምህርታቸውን ካጠናቀቁ በኋላ አጠቃላይ ምዘና ወይም የመውጫ ፈተና መስጠት የምሩቃንን ዕውቀት፣ ክህሎትና አመለካከት ለመመዘን የላቀ ሚና ከመጫወቱም በተጨማሪ የተመራቂ ተማሪዎች በራስ መተማመን ያጎለብታል፡፡

የምርምርና የፈጠራ ስራ ውድድር ኤግዚቪሽን ተካሄደ

የሂሳብና ሣይንስ ትምህርቶች ማሻሻያ ማዕከል ከስቴምስ ሲነርጂ ፣ከዩኔስኮ እና ከኢትዮጵያ ሣይንስ አካዳሚ ጋር በመተባበር "በሣይንስና ቴክኖሎጂ ፈጠራ የበለፀገ ህብረተሰብ ለዘላቂ ሠላምና ልማት "በሚል መሪ ቃል አገር አቀፍ የምርምርና ፈጠራ ስራ ውድድር ኤግዚቪሽን በኢትዮጵያ ሣይንስ አካዳሚ ተካሄደ፡፡ የምርምርና የፈጠራ ስራ አውደ- ርዕይ መከፈቱን አስመልክቶ የእንኳን ደህና መጣችሁ መልዕክት ያስተላለፉት ፕሮፌሰር ማስረሻ ፈጠነ የኢትዮጵያ ሣይንስ አካዳሚ ዋና ዳይሬክተር ሲሆኑ የኢትዮጵያ ሣይንስ አካዳሚ የኢትዮጵያን ሣይንስ ለማበልፀግ የተቋቋመ መሆኑን አስታውሰው ይህ ማዕከል የህብረተሰቡን የሳይንስና ቴክኖሎጂ ፈጠራ እንዲሁም ቴክኖሎጂን የመጠቀም አቅሙን ለማጎልበት ለማስተማርና የሣይንስ ፖርሽን ለመፍጠር የተሰራ ሲሆን ቋሚ የሳይንስ ማዕከል ለመፍጠር ሰፊ እንቅስቃሴ እየተደረገ ነው፡፡ በመሆኑም በቅርቡም የሳይንስ ማዕከሉ ወደ ስራ ይገባል በዚህም ወጣቱ ወደ ሣይንስ በሄደ ቁጥር የሀገራችን ተስፋ እየለመለመ ይሄዳል ብለዋል፡፡