ዜናዎች ዜናዎች

27ኛው ሀገር አቀፍ የትምህርትና ስልጠና ዘርፍ ጉባኤ አካል የሆነው የአጠቃላይ ትምህርት የዘርፍ የውይይት መድረክ እየተካሄደ ይገኛል።

በቤንሻልጉል ጉሙዝ ብሔራዊ ክልላዊ መንግስት አዘጋጅነት በአሶሳ ከተማ 27ኛው ሀገር አቀፍ የትምህርትና ስልጠና ጉባኤ የዘርፎች የተናጠል የውይይት መድረክ ከጥቅምት 06-07 /2010 . የሚካሄደው ሀገር አቀፍ መድረክ ዛሬ ተጀምሯል፡፡
መድረክ ላይ በመገኘት የእንኳን ደህና መጣችሁ መልዕክት ያስተላለፉት የቤንሻንጉል ጉሙዝ ብሔራዊ ክልላዊ መንግስት ትምህርት ቢሮ ኃላፊ አቶ ሀብታሙ ታዬ ሲሆኑ የእንኳን ደህና መጣችሁ መልዕክታቸውን ባስተላለፉበት ወቅት በአጠቃላይ ትምህርት ዘርፍ የክልሉ የትምህርት ተሳትፎ ያለበትን ደረጃ በመጥቀስ በተለይም ዜጎች በአፍመፍቻ ቋንቋ የመማር እድል እንዲያገኙ ከማድረግ አንፃር አመርቂ ውጤት የተገኘ መሆኑን ተቁመዋል፡፡

ኃላፊው አክለውም በሁለተኛ ደረጃ ትምህርት ጥቅል ተሳትፎም 54 በመቶ መድረሱን የጠቆሙ ሲሆን ነገር ግን አሁንም የውጤታማ አሰራር ስረዓትን በመዘርጋት የትምህርት ብቃትን ማስጠበቅ ላይ ያሉ ክፍተቶችን ማረም እንደሚጠበቅ መልዕክታቸውን አስተላልፈዋል፡፡

የትምህርት ሚኒስቴር ሚኒስትር ክቡር / ጥላዬ ጌቴ በመድረኩ በመገኘት የመክፈቻ ንግግር ባደረጉበት ወቅት የሀገራችን የትምህርትና ስልጠና ስርዓት ከፍተኛ ለውጥ ሊመጣ የቻለው በሁሉም የትምህርት ባለድርሻ አካላት ርብርብ መሆኑን ተናግረዋል፡፡ የተጀመረውን ውጤት አጠናክሮ ለማስቀጠል የዚህ የተናጠል የዘርፎች ውይይትና የሀገር አቀፉ የትምህርትና ስልጠና ጉባኤ አስፈላጊነትን አብራርተዋል፡፡

እንደሚንስትሩ ገለፃ በአጠቃላይ ትምህርት ዘርፍ የውይይት መድረክ 2009 .. አፈፃፀም ሪፖርት የመገምገም፣የ2010 ዕቅድና የመጀመሪያው ሩብ ዓመት የቅድም ዝግጅት ምዕራፍ ያለበት ደረጃ ይገመገማል እንዲሁም በዚህ ውይይት መድረክ የመምህርን ገዢ መመሪያ በዘርፍ የመጨረሻ ውይይት ተደረጎበት ለውሳኔ ለከፍተኛ አመራሩ የሚቀርብ መሆኑን ገልፀዋል፡፡
በውይይቱ የሁሉም ክልሎችና ከተማ አስተዳደር የትምህርት ቢሮ ኃላፊዎች፣ የመምህራን ትምህርት ኮሌጅ ዲኖች፣ የህዝብ ክንፍ ተወካዮች የህዝብ ተወካዮች ምክር ቤት የቋሚ ኮሚቴ አባላት ተወካዮች የትምህርት ሚኒስቴር ባለሙያዎችና ዳይሬክተሮች እየተሳተፉበት ይገኛሉ፡፡

በመድረኩም የተለያዩ የስራ የስምምነት ሰነዶች ፊርማና ልዩ ልዩ ውሳኔዎች ይተላለፋሉ እንዲሁም የሶስቱም የትምህርትና ስልጠና ዘርፎች የተናጥል ውይይታቸውን ከጠናቀቁ በኃላ የውይይቱ ተሳታፊዎች የታላቁ ህዳሴ ግድብ ግንባታ ጉብኝ ያደርጋሉ ተብሎ ይጠበቃል ፡፡



No comments yet. Be the first.
ዜናዎች

በከፍተኛ ትምህርት ተቋማት ለሚካሄዱ የትምህርትና ሥልጠና ሥራዎች ውጤታማነት ተማሪዎች፣ መምህራን ፣ወላጆችና ህብረተሰቡ ኃላፊነታቸውን በላቀ ደረጃ ሊወጡ እንደሚገባ ተገለጸ

በከፍተኛ ትምህርት ተቋማት ለሚካሄዱ የትምህርትና ሥልጠና ሥራዎች ውጤታማነት ተማሪዎች፣ መምህራን ፣ወላጆችና ህብረተሰቡ ኃላፊነታቸውን በላቀ ደረጃ ሊወጡ እንደሚገባ የትምህርት ሚኒስትሩ ክቡር ዶ/ር ጥላዬ ጌቴ አስታወቁ፡፡ የከፍተኛ ትምህርት ተቋማት ህብረ-ብሔራዊነትና ኢትዮጵያዊነት የሚገነባባቸው ተቋማት እንጂ ተግባራቸው በጥቂት ችግር ፈጣሪዎች የሚስተጓጎል አለመሆኑንም ገለጹ 141ሺህ አዲስ ተማሪዎችን ጨምሮ ከ700 ሺህ በላይ ተማሪዎች በመንግስት ዩኒቨርስቲዎች በመማር ላይ መሆናቸውን ጠቁመዋል፡፡

ከ2011 የትምህርት ዘመን ጀምሮ በሁሉም የቅድመ ምረቃ ትምህርት መስኮች የብቃት መለኪያ አጠቃላይ ምዘና (የመውጫ ፈተና) ልተገበር ነው

ከ2011 የትምህርት ዘመን ጀምሮ በሁሉም የቅድመ ምርቃ ትምህርት መስኮች ተማሪዎች ከመመረቃቸው በፊት የብቃት መለኪያ አጠቃላይ ምዘና (የመውጫ ፈተና) ወስደው አጥጋቢና ከዚያ በላይ ውጤት ማስመዝገብ እንደሚጠበቅባቸው የኢ.ፌ.ዴ.ሪ ትምህርት ሚኒስቴር አስታወቀ። የከፍተኛ ትምህርት ጥራትን በተለይም የምሩቃንን ብቃትና ተወዳዳሪነት ለማረጋገጥ ተማሪዎች ትምህርታቸውን ካጠናቀቁ በኋላ አጠቃላይ ምዘና ወይም የመውጫ ፈተና መስጠት የምሩቃንን ዕውቀት፣ ክህሎትና አመለካከት ለመመዘን የላቀ ሚና ከመጫወቱም በተጨማሪ የተመራቂ ተማሪዎች በራስ መተማመን ያጎለብታል፡፡

የምርምርና የፈጠራ ስራ ውድድር ኤግዚቪሽን ተካሄደ

የሂሳብና ሣይንስ ትምህርቶች ማሻሻያ ማዕከል ከስቴምስ ሲነርጂ ፣ከዩኔስኮ እና ከኢትዮጵያ ሣይንስ አካዳሚ ጋር በመተባበር "በሣይንስና ቴክኖሎጂ ፈጠራ የበለፀገ ህብረተሰብ ለዘላቂ ሠላምና ልማት "በሚል መሪ ቃል አገር አቀፍ የምርምርና ፈጠራ ስራ ውድድር ኤግዚቪሽን በኢትዮጵያ ሣይንስ አካዳሚ ተካሄደ፡፡ የምርምርና የፈጠራ ስራ አውደ- ርዕይ መከፈቱን አስመልክቶ የእንኳን ደህና መጣችሁ መልዕክት ያስተላለፉት ፕሮፌሰር ማስረሻ ፈጠነ የኢትዮጵያ ሣይንስ አካዳሚ ዋና ዳይሬክተር ሲሆኑ የኢትዮጵያ ሣይንስ አካዳሚ የኢትዮጵያን ሣይንስ ለማበልፀግ የተቋቋመ መሆኑን አስታውሰው ይህ ማዕከል የህብረተሰቡን የሳይንስና ቴክኖሎጂ ፈጠራ እንዲሁም ቴክኖሎጂን የመጠቀም አቅሙን ለማጎልበት ለማስተማርና የሣይንስ ፖርሽን ለመፍጠር የተሰራ ሲሆን ቋሚ የሳይንስ ማዕከል ለመፍጠር ሰፊ እንቅስቃሴ እየተደረገ ነው፡፡ በመሆኑም በቅርቡም የሳይንስ ማዕከሉ ወደ ስራ ይገባል በዚህም ወጣቱ ወደ ሣይንስ በሄደ ቁጥር የሀገራችን ተስፋ እየለመለመ ይሄዳል ብለዋል፡፡

የሥርዓተ-ፆታ ማካተትና ተቋማዊ ማድረግ መከታተያ፣ መመዘኛና በደረጃ የመለያ ማዕቀፍ ላይ ስልጠና ተሰጠ

የትምህርት ሚኒስቴር ሥርዓተ ፆታ ጉዳዮች ዳይሬክቶሬት ከሚኒስቴር መስሪያ ቤቱ ሁሉም የሥራ ክፍሎች እና ከተጠሪ ተቋማት ለተውጣጡ ከፍተኛ ባለሙያዎች እየተሰጠ ባለው ስልጠና የሁለተኛ ቀን ውሎ በሥርዓተ-ፆታ ማካተትና ተቋማዊ ማድረግ መከታተያ፣ መመዘኛና በደረጃ የመለያ ማዕቀፍ ላይ ስልጠና ሰጠ ፡፡ ስልጠናውን የሰጡት በዳይሬክቶሬቱ የስርዓተ ፆታ ክትትልና ድጋፍ ከፍተኛ ባለሙያ የሆኑት አቶ ብርሃኑ አረጋ ሲሆኑ የዚህ ስልጠና ዋና አላማ በሚኒስቴር መስሪያ ቤታችን ያሉ የስራ ክፍሎች የሥርዓተ ፆታ እኩልነትና ሴቶችን ማብቃት ተቋማዊ ለማድረግ የሚያከናውኑትን ተግባራት በመመዘንና ተከታታይ ድጋፍ በመስጠት የሥርዓተ ፆታ እኩልነት በሁሉም ዘርፍ ለማረጋገጥ ብሎም የሀገራችንን የልማት ራዕይ ለማሳካት ነው ብለዋል፡፡

የመንግስታዊና ግብረሰናይ ድርጅቶች የጋራ ፎረም ውይይት ተካሄደ፡፡

ዛሬ ጥቅምት 20/2010 ዓ.ም በትምህርት ሚኒስቴር አዳራሽ መንግስታዊና መንግስታዊ ያልሆኑ ድርጅቶች በትምህርት ስልጠና ዘርፍ የ2010 ዓ.ም ዋና ዋና ዕቅዶች ላይ ተገናኝተው ውይይት አድርገዋል፡፡ በምክክር መድረኩ ተገኝተው የመድረኩን አላማ የገለጹት በትምህርት ሚኒስቴር የእቅድ ዝግጅትና ሃብት ማፈላለግ ዳይሬክቶሬት ዳይሬክተር አቶ ኤልያስ ግርማ የመድረኩ ዋና አላማ የትምህርት ሴክተሩ እቅድ አፈጻጸም ላይ ውይይት ማድረግ ነው ብለዋል፡፡