አለም አቀፍ የሴቶች ቀን /March 8/ በደማቅ ሁኔታ ተከበረ

አለም አቀፍ የሴቶች ቀን /March 8/ በደማቅ ሁኔታ ተከበረ

አለም አቀፍ የሰቶች ቀን “March 8” በኢ.... ትምህርት ሚኒስቴር በስርዓተ ጾታ ዳይሬክቶሬት አዘጋጅነት ዛሬ የካቲት 29/2010. በደማቅ ሁኔታ ተከበረ፡፡
በተደራጀ የሴቶች ተሳትፎና ንቅናቄ የሴቶችን ሁለንተናዊ ተጠቃሚነት እናረጋግጣለንበሚል መሪ ቃል በሀገራችን 42 ጊዜ በአለም ደረጃ 107 ጊዜ የሚከበረውን አለም አቀፍ የሰቶች ቀን ሁሉም የሚኒስቴር መስሪያ ቤቱ ሠራተኞች በተገኙበት ተከብሮ ውሏል፡፡
ሁሉም የመስሪያ ቤቱ ሠራተኞች ለስርዓተ ጾታ ስርጸት ትኩረት ሰጥተው መስራት እንዳለባቸው አቶ ንጉሴ በየነ የትምህርት ሚኒስትር ቢሮ ኃላፊ በበዓሉ መክፈቻ ንግግራቸው አሳስበዋል፡፡
የፆታ እኩልነት ማለት የሴቶችን ውጤታማነት በማጎልበት ተወዳዳሪነትን ማረጋገጥ፣ በትምህርት ተቋማት ከፆታዊ ትንኮሳና ጥቃቶች ነጻ የመማር ማስተማር አከባቢ መፍጠር ሲሆን ቀደም ተብሎ የወጡትን የፖሊሲ ማዕቀፎች ማለትም የስርዓተ ጾታ ጉዳዮችን ተቋማዊ ማድረግ፣ የሴቶችን አቅም መገንባት የህብረሰቡን ተሳትፎ መጨመር ዙሪያ እየተሰራ መሆኑን የስርዓተ ጾታ ዳይሬክቶሬት ዳይረክተር / ኤልሳቤጥ ገሠሠ ገልጸዋል፡፡
በበዓሉ ላይ ከኢትዮጵያ ቤተሰብ መምሪያና ከተለያዩ ተቋማት በመጡት ባለሙያዎች ስለ ማህጸን በር ካንሰር፣ ስለ ደም ልገሳ፣ ስለ HIV/AIDs ወቅታዊ ሁኔታ ግንዛቤ ተሰጥተዋል፡፡
በመጨረሻም በሚኒስቴር መስሪያ ቤቱ የላቀ የስራ አፈጻጸም ላሳዩት ሴቶች የማበረታቻ የምስክር ወረቀት ተበርክቷል፡፡


ዜናዎች

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡