በሂሳብና ሳይንስ የትምህርት አይነቶች ለ544 አሰልጣኞች የተግባር ስልጠና ተሰጠ

በሂሳብና ሳይንስ የትምህርት አይነቶች ለ544 አሰልጣኞች የተግባር ስልጠና ተሰጠ

በግማሽ አመቱ 544 በሂሳብና ሳይንስ የትምህርት አይነቶች ክልላዊ አሰልጣኞችን የተግባር ስልጠና ማሰልጠን መቻሉን በትምህርት ሚኒስቴር የሂሳብና ሳይንስ ትምህርቶች ማሻሻያ ማእከል አስታወቀ፡፡

ማእከሉ የስድስት ወር እቅድ አፈጻጸሙን በገመገመበት ወቅት የማእከሉ ተጠባባቂ ኃላፊ አቶ በላይነህ ተፈራ በግማሽ አመቱ 560 ክልላዊ አሰልጣኞችን ለማሰልጠን ታቅዶ 544ቱን ማሰልጠን የተቻለ ሲሆን እነዚህም በየክልላቸው የተለዩ የሂሳብና ሳይንስ መምህራንን በማሰልጠን ላይ እንደሚገኙ አስታውቀዋል፡፡

ስልጠናው በተግባር የተደገፈ መሆኑ ተማሪዎቹ ለሳይንስና ቴክኖሎጂ ማደግ መሰረት የሆኑትን የሂሳብና ሳይንስ ትምህርቶችን በይበልጥ እንዲረዱት በማድረግ ክህሎትና እውቀታቸውን አሳድገው የአስተሳሰብ ለውጥ እንዲያመጡ አቅም እንደሚፈጥርላቸው አቶ በላይነህ አስረድተዋል፡፡

በተለይም ለሂሳብና ሳይንስ የትምህርት አይነቶች ትኩረት በመስጠት እንዲህ አይነት ተግባር ተኮር ስልጠናዎችን ማዘጋጀት ተማሪዎች በየደረጃው ሊያውቋቸው የሚገባቸውን እውቀቶች አግኝተው እንዲሄዱ ከማድረጉም ባሻገር መንግስት ያስቀመጠውን 7030 የመስኮች ምጣኔ ለማስጠበቅ የላቀ አስዋጽኦ እንደሚያበረክት ኃላፊው ገልጸዋል፡፡

ስልጠናውን የተሳካና ውጤታማ ለማድረግ የስልጠና ሞጁሎች ተዘጋጅተው እንደነበር አቶ በላይነህ ጠቅሰው በክልል፣ በክላስተርና በትምህርት ቤቶች ስልጠና ለመስጠት የሚያስችል የስልጠና መመሪያና በሳይንስና ሂሳብ የትምህርት አይነቶች መጻህፍት መዘጋጀታቸውንም ተናግረዋል፡፡ ስልጠናው በሰባተኛና በስምንተኛ ክፍሎች በሙከራ ፕሮጀክት የተሰራ እንደነበር የሚናገሩት አቶ በላይነህ በቀጣይ በዘጠነኛና በአስረኛ ክፍሎች እንዲሁም በአምስተኛና በስድስተኛ ክፍሎች ለመስጠት የመማር ማስተማሩን ሂደት ክፍተቶች የመለየት ስራ ተሰርቷል ብለዋል፡፡

በአፈጻጸም ግምገማ መድረኩ ላይ ከሁሉም ክልሎችና ከተማ መስተዳድሮች የተውጣጡ የሂሳብና ሳይንስ ትምህርቶች ባለሙያዎችና የህዝብ ክንፎች ተሳታፊ ሲሆኑ በስልጠና አሰጣጥ ሂደቱ የክልሎችና የከተማ አስተዳደሮች አደረጃጀት ወጥ ያለመሆንና የበጀት እጥረት ገጥሟቸው እንደነበር ጠቁመው የቀጣይ የስድስት ወራት እቅድ ላይ በጋራ ውይይት በማድረግ መግባባት ላይ በመድረስ የእቅድ አፈጻጸም ግምገማቸውን አጠናቀዋል፡፡

 

 


ዜናዎች

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡