በሀዋሳ ዩኒቨርስቲ ከመስከረም 4- 12/ 2009 ዓ.ም ድረስ ሲካሄድ የቆየው የመምህራንና የአስተዳደር ሰራተኞች ስልጠናና ውይይት በተሳካ ሁኔታ ተጠናቀቀ

በሀዋሳ ዩኒቨርስቲ ከመስከረም 4- 12/ 2009 ዓ.ም ድረስ ሲካሄድ የቆየው የመምህራንና የአስተዳደር ሰራተኞች ስልጠናና ውይይት በተሳካ ሁኔታ ተጠናቀቀ

በሀዋሳ ዩኒቨርስቲ

የሀዋሳ ዩኒቨርስቲ ፕሬዝዳንት አቶ አያኖ በራሶ የስልጠናና ውይይቱን መጠናቀቅ አስመልክተው በሰጡት አስተያየት በ2009 የትምህርት ዘመን ሰላማዊ የመማር ማስተማር ሂደት እንዲኖር በማድረግ የትምህርት ጥራትን ለማስጠበቅ የሁሉንም የየኒቨርስቲ ማህረሰብ ግንዛቤ ወደ አንድ ደረጃ ያደረሰ መሆኑን አስገንዝበዋል፡፡

ስልጠናና ውይይቱ ከተለያዩ የአገሪቱ ክልል የሚመጡ ተማሪዎችን ተቀብሎ አገልግሎት የሚሰጠው የዩኒቨርስቲው ማህበረስብ በአመለካከት የጋራ መግባባት ላይ የሚያደርስ በመሆኑ ዩኒቨርስቲው የሚጠበቅበትን የሰው ኃይል ለማፍራት የጎላ አስተዋጽኦ ያበረክታል ብለዋል አቶ አያኖ፡፡

በ2009 የትምህርት ዘመን ፍጹም በዩኒቨርስቲው ምቹና ሰላማዊ የመማር ማስተማር ሂደት በመፍጠር የትምህርት ጥራትን ለማስጠበቅ ዩኒቨርስቲው በቂ ዝግጅት ማድረጉንና ተማሪዎችን ለመቀበል በዝግጅት ላይ መሆናቸውን አቶ አያኖ ጠቁመዋል፡፡ 

የደቡብ ክልል ትምህርት ቢሮ ኃላፊና የሀዋሳ ዩኒቨርስቲ የቦርድ አባልና የቦርድ ሰብሳቢ ተወካይ የሆኑት አቶ ሚሊዮን ማቲዮስ በበኩላቸው ዩኒቨርሲቲው የሰላም ምንጭ እንዲሆን ከማድረግም በላይ በዩኒቨርስቲው የነበረውን ሰላማዊ የመማር ማስተማር ሂደት ማስቀጠል በሚያስችል ሁኔታ መላው የዩኒቨርስቲው ባለድርሻ አካላት የድርሻውን እንዲወጣ መግባባት ላይ ያደረሰና ግንዛቤ የፈጠረ እንደሆነ ተናግረዋል፡፡ 

ትምህርት ለልማትና ለዲሞክራሲ ስርዓት ግንባታ መሰረት መሆኑን ጠቁመው ውይይቱና ስልጠናው እስካሁን በሀገሪቱ የተገኙ ድሎችን ለማስቀጠል የትምህርት ማህበረሰቡ ተልእኮ በግልጽ መግባባት ላይ የሚያደርስ መሆኑንም አቶ ሚሊዩን ጨምረው ገልጸዋል፡፡

በሀዋሳ ዩኒቨርስቲ


ዜናዎች

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡