በአገራችን በአሁኑ ወቅት 28 ሚሊዬን ተማሪዎች በትምህርት ገበታ ላይ ናቸው

በአገራችን በአሁኑ ወቅት 28 ሚሊዬን ተማሪዎች በትምህርት ገበታ ላይ ናቸው

ባለፉት 25 ዓመታት ለሃገራችን ዜጎች ትምህርትን በፍትሐዊነት ለማዳረስ በተደረገው ጥረት በአሁኑ ወቅት 28 ሚሊዬን ተማሪዎች በትምህርት ገበታ ላይ መሆናቸውን የትምህርት ሚኒስትሩ ክቡር አቶ ሽፈራው ሽጉጤ አስታወቁ፡፡

ሚኒስትሩ የትምህርትን ተገቢነት፣ ፍትሐዊነትና ጥራትን ለማምጣት በአዳማ ከተማ በተዘጋጀው የህዝብ ንቅናቄ መድረክ ዜጎች ከቅድመ መደበኛ እስከ ከፍተኛ ትምህርት ድረስ ፍትሐዊ ትምህርት እንዲያገኙ ከአካባቢው ነባራዊ ሁኔታ ጋር በሚመጥን መልኩ ቢያንስ በየ 2.5 ኪሎ ሜትር ርቀት አንድ ትምህርት ቤት በመሰራቱ በሴቶችና በወንዶች፣ በገጠርና በከተማ፣ ልዩ ፍላጎት ባላቸው ዜጎች የትምህርት ፍትሐዊነትን በማረጋገጥ ረገድ ውጤት መመዝገቡን ተናግረዋል፡፡ Image

በትምህርትና ስልጠና ዘርፉ ባለፉት ጊዜያት የተመዘገቡ ውጤቶች አመርቂ መሆናቸውን የጠቆሙት አቶ ሽፈራው በቀጣይም የዘርፉን አፈፃፀም የተሻለ ለማድረግ የትምህርት ጥራት ማስጠበቅ ላይ ትኩረት ሰጥቶ መስራት፣በግብዓትና አቅርቦት በተገቢ ሁኔታ ማሟላት እንዲሁም የመማር ማስተማር ሂደቱን ሰላማዊ በሆነ መልኩ ለማስቀጠል ሁሉም የሚመለከታቸው አካላት ርብርብ እንዲያደርጉ አስገንዝበዋል፡፡ 

በመጪው የትምህርት ዘመን በሰላማዊ የመማር ማስተማር ላይ፣ በትምህርት ቤቶች ደረጃ፣ በመጠነ ማቋረጥና መጠነ መድገም፣ በልዩ ፍላጎት እንዲሁም ብቃት ያላቸው መምህራንን በማፍራት ተወዳዳሪና ብቁ እንዲሁም ምክንያታዊ ትውልድ ለመፍጠር ትኩረት ሰጥቶ መስራት እንደሚገባም አቶ ሽፈራው አስገንዝበዋል፡፡

የኦሮሚያ ክልል ትምህርት ቢሮ ኃላፊ አቶ መርጊያ ፈይሳ በአሁኑ ወቅት ያደጉ ሀገሮች ሚስጥር ለትምህርት በሰጡት ትኩረት መሆኑን ጠቅሰው የክልሉ መንግስትም አሳታፊና ጥራት ያለው የትምህርት ዕድል ለዜጎች ለማድረስ በተደረገው ጥረት 8.7 ሚሊዬን ዜጎች ትምህርት እንዲያገኙ ተደርጓል፡፡ ወደፊትም በክልሉ ሰላማዊ የመማር ማስተማር ሂደት የተረጋጋና የተቃና እንዲሆን ከማድረግ ባሻገር የመጠነ ማቋረጥ ችግርን ለማስወገድ ከህብረተሰቡ ጋር በጋራ በመሆን የዕለት ተዕለት ስራ ለማድረግ ጥረት እንደሚደረግ ኃላፊው ተናግረዋል፡፡


ዜናዎች

የዩኒቨርሲቲ ተማሪዎች ለኤች አይቪ/ኤድስ ተጋላጭነት፤

የከፍተኛ ትምህርት ተቋማት የኤችአይቪ/ኤድስና ተያያዥ ጉዳዮች ዕቅድ አተገባበርና ውጤት በሚል ርዕሥ በአዳማ ከተማ ውይይት እየተደረገ ይገኛል፡፡ የትምህርት ሚኒስቴር ደኤታ አቶ ተሸማ ለማ በመድረኩ መክፈቻ ንግግራቸው እንደ ገለጹት በዚህን ሰዓት በሀገራችን 28 ሚሊዮን ማለትም ከ1/3ኛ በላይ ዜጎች በትምህርት ገበታ ላይ የሚገኙና ከእነዚህም በአፍላ ዕድሜ ክልል ውስጥ ያሉት አምራች ሃይል የሆኑት ወጣቶች ለኤችአይቪ/ኤድስ በሽታ ተጋላጭ እንደሆኑ ገልጸዋል፡፡ ዩኒቨርሲቲዎችም ተማሪዎች በሲስተር-ሲስተር፣ አቻ ለአቻ፣ የህይወት ክህሎት ፕሮግራሞች እንዲመካከሩ፣ የማስተባበሪያ አደረጃጀቶች እና ክበባትን ማቋቋም፣መርሀ-ግብር ማዘጋጀትና በዕቅድ አካተው የተሰራ ቢሆንም ተጋላጭነቱን ለመግታት የባህሪይ ለውጥ አሁንም አለመምጣቱን ገልጸዋል፡፡

በ2010 ዓ.ም የዩኒቨርሲቲ መግቢያ ፈተና ለወሰዳችሁ ተማሪዎች

የከፍተኛ ትምህርት ተቋማት የኤችአይቪ/ኤድስና ተያያዥ ጉዳዮች ዕቅድ አተገባበርና ውጤት በሚል ርዕሥ በአዳማ ከተማ ውይይት እየተደረገ ይገኛል፡፡ የትምህርት ሚኒስቴር ደኤታ አቶ ተሸማ ለማ በመድረኩ መክፈቻ ንግግራቸው እንደ ገለጹት በዚህን ሰዓት በሀገራችን 28 ሚሊዮን ማለትም ከ1/3ኛ በላይ ዜጎች በትምህርት ገበታ ላይ የሚገኙና ከእነዚህም በአፍላ ዕድሜ ክልል ውስጥ ያሉት አምራች ሃይል የሆኑት ወጣቶች ለኤችአይቪ/ኤድስ በሽታ ተጋላጭ እንደሆኑ ገልጸዋል፡፡ ዩኒቨርሲቲዎችም ተማሪዎች በሲስተር-ሲስተር፣ አቻ ለአቻ፣ የህይወት ክህሎት ፕሮግራሞች እንዲመካከሩ፣ የማስተባበሪያ አደረጃጀቶች እና ክበባትን ማቋቋም፣መርሀ-ግብር ማዘጋጀትና በዕቅድ አካተው የተሰራ ቢሆንም ተጋላጭነቱን ለመግታት የባህሪይ ለውጥ አሁንም አለመምጣቱን ገልጸዋል፡፡

የትምህርት ሚኒስቴር ሰራተኞች በ2010 በጀት ዓመት እቅድ አፈፃፀም ላይ ተወያዩ፤

የኢ.ፌ.ዴ.ሪ. ትምህርት ሚኒስቴር በ2010 በጀት ዓመት በቁልፍና አበይት ተግባራት ያከናወናቸውን ተግባራት የሚኒስቴር መስሪያ ቤቱ ከፍተኛ አመራሮችና መላው ሰራተኞች በተገኙበት ገምግሟል ፡፡ በግምገማው በርካታ ስኬታማ ስራዎች ቢሰሩም ከትምህርት ጥራት፣ ከትምህርት ግብዓት ማሟላት እንዲሁም ከባለሙያዎች ክህሎት ማነስ ጋር የተያያዙ መጠነ ሰፊ ችግሮች የነበሩበት በመሆኑ ሚኒስቴር መስሪያ ቤቱ ሪፎርም ማድረግ እንደሚገባውም ተጠቅሷል፡፡

የኢፌዲሪ ጠቅላይ ሚኒስትር ከከፍተኛ ትምህርት ተቋማት መምህራን ጋር ያደረጉት ውይይት፡

ተሳታፊ መምህራን ከ45ቱ የመንግስትና ከ4ቱ የግል ከፍተኛ ትምህርት ተቌማት የተውጣጡ 3ሺ175 ያህል ናቸው። በውይይቱም በርካታ ጥያቄዎች የተነሱ ቢሆንም ለተነሱት ጥያቄዎች የመምህርነት ሙያ የተከበረ እንደሆነና በቀጣይ በትምህርት ዘርፉ ለሚያጋጥሙና ለሚስተዋሉ ችግሮች መምህራን እና የከፍተኛ ትምህርት ተቌማት አመራር በጋራ ችግሮችን መፍታት እንደሚገባ ጠ/ሚኒስትሩ ገልፀዋል።

የሐረማያ ዩኒቨርሲቲ ተማሪዎች ምርቃት፡

የሐረማያ ዩኒቨርሲቲ በመደበኛና በተከታታይ መርሃ-ግብር 8,152 ተማሪዎችን በዩኒቨርሲቲው ቅጥር ግቢ ሐምሌ 7/2010 ዓ.ም አስመርቋል፡፡ በምረቃ ስነ-ስርዓቱ ላይ ክብርት ወ/ሮ ጠይባ ሐሰን የኦሮሚያ ብሔራዊ ክልላዊ መንግሥት ምክትል ፕሬዝዳንት በክብር እንግድነት የተገኙ ሲሆን ለተመራቂዎችም የስራ መመሪያ መልዕክት አስተላልፈዋል፡፡