የ2010 አዲስ ዓመት አቀባበል አስመልክቶ የኢ.ፌ.ዴ.ሪ. ትምህርት ሚኒስቴርና የተጠሪ ተቋማት አመራሮችና ሠራተኞች የብሔራዊ ሙዚየም ጉብኝት አደረጉ

የ2010 አዲስ ዓመት አቀባበል አስመልክቶ የኢ.ፌ.ዴ.ሪ. ትምህርት ሚኒስቴርና የተጠሪ ተቋማት አመራሮችና ሠራተኞች የብሔራዊ ሙዚየም ጉብኝት አደረጉ


ጉብኝቱ ለሠራተኞቹ እንዲያመች ተብሎ በሁለት ፈረቃ የተከፈለ ሲሆን ከፍል ሠራተኞች ከጠዋት 300 እስከ 500 ሰዓት የተቀሩት ከሰዓት በኃላ 830 እስከ 1030 ተከፋፍለው ጉብኝቱን አካሂደዋል፡፡
በጉብኝቱ ወቅት ስለ ጉብኝቱ የጠየቅናቸው አንዳንድ ሠራተኞች በሁኔታው በጣም እንደተደሰቱና እንደተደነቁ ገልጸው አስያየታቸውን እንደሚከተለው አብራርተዋል፡፡እኛ ኢትዮጵያውያን የራሳችን የሆነውን ቅርስ የመንከባከብና የመጎብኘት ልምድ የለንም፤ በተዘዋዋሪ ከሌሎች አካላት በብዛት ከአገር ውጭ ዜጎች ጎብኝዎች አድናቆታቸውን ስለ ሀገራችን ኢትዮጵያ ሲያወሩ ወይም ሲገልጹ እንሰማለን እንጂ በቦታው ላይ ተገኝተን እንደ ዛሬው ጉብኝት ትኩረት በመስጠት የባለቤትነት ስሜት ተሰምቶን የመጎብኘት ልምድ የለንም ይላሉ፡፡ ሆኖም ግን እንደዚህ ዓይነቱ የቸልተኝነት ባህል ተቀርፎ የሰው ዘር መገኛና የብዙ ሺህ ዘመናት ቅርስና ታሪክ ባለቤት የሆነች አገራችን ኢትዮጵያን እራሳችን አውቀን ሌሎችን የማሳወቅ ሀላፊነት አለብንበማለት አብራርተዋል፡፡
በመጨረሻም ሚኒስቴር መስሪያ ቤቱ 2010 አዲስ ዓመት አቀባበል ያቀዳቸውን በርካታ የበጎ ፍቃድ አገልግሎቶች እስከ ጳጉሜ 5/2009. ድረስ በአርአያነት እንደሚያከናውንና በቀጣይ በትምህርት ዘርፉ ቀጣይነት እንዲኖራቸው ለማስቻል አስፈላጊውን ክትትልና ድጋፍ እንደሚያደርግ አስታውቋል፡፡


ዜናዎች

የዩኒቨርሲቲ ተማሪዎች ለኤች አይቪ/ኤድስ ተጋላጭነት፤

የከፍተኛ ትምህርት ተቋማት የኤችአይቪ/ኤድስና ተያያዥ ጉዳዮች ዕቅድ አተገባበርና ውጤት በሚል ርዕሥ በአዳማ ከተማ ውይይት እየተደረገ ይገኛል፡፡ የትምህርት ሚኒስቴር ደኤታ አቶ ተሸማ ለማ በመድረኩ መክፈቻ ንግግራቸው እንደ ገለጹት በዚህን ሰዓት በሀገራችን 28 ሚሊዮን ማለትም ከ1/3ኛ በላይ ዜጎች በትምህርት ገበታ ላይ የሚገኙና ከእነዚህም በአፍላ ዕድሜ ክልል ውስጥ ያሉት አምራች ሃይል የሆኑት ወጣቶች ለኤችአይቪ/ኤድስ በሽታ ተጋላጭ እንደሆኑ ገልጸዋል፡፡ ዩኒቨርሲቲዎችም ተማሪዎች በሲስተር-ሲስተር፣ አቻ ለአቻ፣ የህይወት ክህሎት ፕሮግራሞች እንዲመካከሩ፣ የማስተባበሪያ አደረጃጀቶች እና ክበባትን ማቋቋም፣መርሀ-ግብር ማዘጋጀትና በዕቅድ አካተው የተሰራ ቢሆንም ተጋላጭነቱን ለመግታት የባህሪይ ለውጥ አሁንም አለመምጣቱን ገልጸዋል፡፡

የትምህርት ሚኒስቴር ሰራተኞች በ2010 በጀት ዓመት እቅድ አፈፃፀም ላይ ተወያዩ፤

የኢ.ፌ.ዴ.ሪ. ትምህርት ሚኒስቴር በ2010 በጀት ዓመት በቁልፍና አበይት ተግባራት ያከናወናቸውን ተግባራት የሚኒስቴር መስሪያ ቤቱ ከፍተኛ አመራሮችና መላው ሰራተኞች በተገኙበት ገምግሟል ፡፡ በግምገማው በርካታ ስኬታማ ስራዎች ቢሰሩም ከትምህርት ጥራት፣ ከትምህርት ግብዓት ማሟላት እንዲሁም ከባለሙያዎች ክህሎት ማነስ ጋር የተያያዙ መጠነ ሰፊ ችግሮች የነበሩበት በመሆኑ ሚኒስቴር መስሪያ ቤቱ ሪፎርም ማድረግ እንደሚገባውም ተጠቅሷል፡፡

የኢፌዲሪ ጠቅላይ ሚኒስትር ከከፍተኛ ትምህርት ተቋማት መምህራን ጋር ያደረጉት ውይይት፡

ተሳታፊ መምህራን ከ45ቱ የመንግስትና ከ4ቱ የግል ከፍተኛ ትምህርት ተቌማት የተውጣጡ 3ሺ175 ያህል ናቸው። በውይይቱም በርካታ ጥያቄዎች የተነሱ ቢሆንም ለተነሱት ጥያቄዎች የመምህርነት ሙያ የተከበረ እንደሆነና በቀጣይ በትምህርት ዘርፉ ለሚያጋጥሙና ለሚስተዋሉ ችግሮች መምህራን እና የከፍተኛ ትምህርት ተቌማት አመራር በጋራ ችግሮችን መፍታት እንደሚገባ ጠ/ሚኒስትሩ ገልፀዋል።

የሐረማያ ዩኒቨርሲቲ ተማሪዎች ምርቃት፡

የሐረማያ ዩኒቨርሲቲ በመደበኛና በተከታታይ መርሃ-ግብር 8,152 ተማሪዎችን በዩኒቨርሲቲው ቅጥር ግቢ ሐምሌ 7/2010 ዓ.ም አስመርቋል፡፡ በምረቃ ስነ-ስርዓቱ ላይ ክብርት ወ/ሮ ጠይባ ሐሰን የኦሮሚያ ብሔራዊ ክልላዊ መንግሥት ምክትል ፕሬዝዳንት በክብር እንግድነት የተገኙ ሲሆን ለተመራቂዎችም የስራ መመሪያ መልዕክት አስተላልፈዋል፡፡