የ2009 የትምህርት ዘመን የከፍተኛ ትምህርት መግቢያ ውጤት ይፋ ሆነ

የ2009 የትምህርት ዘመን የከፍተኛ ትምህርት መግቢያ ውጤት ይፋ ሆነ

በተፈጥሮ ሳይንስ ዘርፍ በመደበኛና በማታው የትምህርት መርሃ ግብር ትምህርታቸውን ለተከታተሉ ተማሪዎች ለወንዶች 354 እና በላይ፤ ለሴቶች 340 እና በላይ፣ ሁሉም የግል ተፈታኝ ወንዶች 360 እና በላይ፤ ለሴቶች 355 እና በላይ፣ በአወንታዊ ድጋፍ መሰረት ለታዳጊና የአርብቶ አደር ተማሪዎች ለወንዶች 340 እና በላይ፤ ለሴቶች 335 እና በላይ፣ ሁሉም መስማት ለተሳናቸው ተማሪዎች ወንዶችም ሴቶችም 297 እና በላይ ውጤት ያስመዘገቡ ተማሪዎች በመንግስት ከፍተኛ ትምህርት ተቋም ይመደባሉ፡፡

በማህራዊ ሳይንስ ትምህርት ዘርፍ ሁሉም መደበኛና የማታው የትምህርት መርሃ ግብር ትምህርታቸውን ለተከታተሉ ተማሪዎች ለወንዶች 330 እና በላይ፤ ለሴቶች 320 እና በላይ፣ ሁሉን የግል ተፈታኝ ወንዶች 360 እና በላይ፤ ሴቶች 355 እና በላይ፣ በአወንታዊ ድጋፍ መሰረት ለታዳጊና አርብቶ አደር ተማሪዎች ለወንዶች 320 እና በላይ፤ ለሴቶች 315 እና በላይ፣ ሁሉም መስማት ለተሳናቸው ተማሪዎች ወንዶችም ሴቶችም 275 እና በላይ፣ ሁሉም ዓይነስውራን ተማሪዎች ወንዶችም ሴቶችም 200 እና በላይ ውጤት ያስመዘገቡ ተማሪዎች በመንግስት ከፍተኛ ትምህርት ተቋም ይመደባሉ፡፡

በግል ከፍተኛ የትምህርት ተቋማት በቀን፤ በመንግሥት የከፍተኛ ትምህርት ተቋማት በማታ እንዲሁም በርቀት ትምህርት ትምህርታቸውን መከታተል የሚችሉት 295 እና በላይ ውጤት ያስመዘገቡ  ይሆናሉ፡፡


ዜናዎች

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡