የመቐለ ዩኒቨርሲቲ ለ2009 የትምህርት ዘመን ነባርና አዲስ ተማሪዎችን ለመቀበል ዝግጅት ማጠናቀቁን አስታወቀ

የመቐለ ዩኒቨርሲቲ ለ2009 የትምህርት ዘመን ነባርና አዲስ ተማሪዎችን ለመቀበል ዝግጅት ማጠናቀቁን አስታወቀ

የዩኒቨርሲቲው ፕሬዚዳንት ዶ/ር ክንደያ ገብረህይወት እንዳስታወቁት በዘንድሮ የትምህርት ዘመን ከ5ሺህ በላይ አዲስ ተማሪዎች ለመቀበል ዝግጅቱን አጠናቅቋል፡፡

ነባርም ሆነ አዲስ ተማሪዎች ወደ ዩኒቨርሲቲው እንዳይሄዱ በአንዳንድ የጥፋት ሃይሎች የሚነዙ አሉባልታዎች መኖራቸውን የተናገሩት ዶክተር ክንደያ የዩኒቨርሲቲው ማህበረሰብም ሆነ የመቀሌ ከተማ ነዋሪ ህዝብ ወደ መቀሌ ዩኒቨርሲቲ የሚመጡ ተማሪዎችን እንደወትሮው ሁሉ በፍቅር ለመቀበል በዝግጅት ላይ መሆናቸውን አስታውቀዋል፡፡

ሰላማዊ የመማር ማስተማር ሂደት እንዲኖር ቅድመ ዝግጅት መደረጉን የገለፁት ዶ/ር ክንደያ ከዚህ በተጨማሪም የምግብ፣የመኝታ፣የመማሪያ ክፍሎች የማዘጋጀት ስራ መጠናቀቁንና ወደ ዩኒቨርሲቲው የሚገቡ ተማሪዎች አንዳችም የመልካም አስተዳደር ችግር እንዳይገጥማቸው በቂ ዝግጅት መደረጉንም ተናግረዋል፡፡


ዜናዎች

የዩኒቨርሲቲ ተማሪዎች ለኤች አይቪ/ኤድስ ተጋላጭነት፤

የከፍተኛ ትምህርት ተቋማት የኤችአይቪ/ኤድስና ተያያዥ ጉዳዮች ዕቅድ አተገባበርና ውጤት በሚል ርዕሥ በአዳማ ከተማ ውይይት እየተደረገ ይገኛል፡፡ የትምህርት ሚኒስቴር ደኤታ አቶ ተሸማ ለማ በመድረኩ መክፈቻ ንግግራቸው እንደ ገለጹት በዚህን ሰዓት በሀገራችን 28 ሚሊዮን ማለትም ከ1/3ኛ በላይ ዜጎች በትምህርት ገበታ ላይ የሚገኙና ከእነዚህም በአፍላ ዕድሜ ክልል ውስጥ ያሉት አምራች ሃይል የሆኑት ወጣቶች ለኤችአይቪ/ኤድስ በሽታ ተጋላጭ እንደሆኑ ገልጸዋል፡፡ ዩኒቨርሲቲዎችም ተማሪዎች በሲስተር-ሲስተር፣ አቻ ለአቻ፣ የህይወት ክህሎት ፕሮግራሞች እንዲመካከሩ፣ የማስተባበሪያ አደረጃጀቶች እና ክበባትን ማቋቋም፣መርሀ-ግብር ማዘጋጀትና በዕቅድ አካተው የተሰራ ቢሆንም ተጋላጭነቱን ለመግታት የባህሪይ ለውጥ አሁንም አለመምጣቱን ገልጸዋል፡፡

የትምህርት ሚኒስቴር ሰራተኞች በ2010 በጀት ዓመት እቅድ አፈፃፀም ላይ ተወያዩ፤

የኢ.ፌ.ዴ.ሪ. ትምህርት ሚኒስቴር በ2010 በጀት ዓመት በቁልፍና አበይት ተግባራት ያከናወናቸውን ተግባራት የሚኒስቴር መስሪያ ቤቱ ከፍተኛ አመራሮችና መላው ሰራተኞች በተገኙበት ገምግሟል ፡፡ በግምገማው በርካታ ስኬታማ ስራዎች ቢሰሩም ከትምህርት ጥራት፣ ከትምህርት ግብዓት ማሟላት እንዲሁም ከባለሙያዎች ክህሎት ማነስ ጋር የተያያዙ መጠነ ሰፊ ችግሮች የነበሩበት በመሆኑ ሚኒስቴር መስሪያ ቤቱ ሪፎርም ማድረግ እንደሚገባውም ተጠቅሷል፡፡

የኢፌዲሪ ጠቅላይ ሚኒስትር ከከፍተኛ ትምህርት ተቋማት መምህራን ጋር ያደረጉት ውይይት፡

ተሳታፊ መምህራን ከ45ቱ የመንግስትና ከ4ቱ የግል ከፍተኛ ትምህርት ተቌማት የተውጣጡ 3ሺ175 ያህል ናቸው። በውይይቱም በርካታ ጥያቄዎች የተነሱ ቢሆንም ለተነሱት ጥያቄዎች የመምህርነት ሙያ የተከበረ እንደሆነና በቀጣይ በትምህርት ዘርፉ ለሚያጋጥሙና ለሚስተዋሉ ችግሮች መምህራን እና የከፍተኛ ትምህርት ተቌማት አመራር በጋራ ችግሮችን መፍታት እንደሚገባ ጠ/ሚኒስትሩ ገልፀዋል።

የሐረማያ ዩኒቨርሲቲ ተማሪዎች ምርቃት፡

የሐረማያ ዩኒቨርሲቲ በመደበኛና በተከታታይ መርሃ-ግብር 8,152 ተማሪዎችን በዩኒቨርሲቲው ቅጥር ግቢ ሐምሌ 7/2010 ዓ.ም አስመርቋል፡፡ በምረቃ ስነ-ስርዓቱ ላይ ክብርት ወ/ሮ ጠይባ ሐሰን የኦሮሚያ ብሔራዊ ክልላዊ መንግሥት ምክትል ፕሬዝዳንት በክብር እንግድነት የተገኙ ሲሆን ለተመራቂዎችም የስራ መመሪያ መልዕክት አስተላልፈዋል፡፡