አዲግራት ዩኒቨርሲቲ 16,000 ነባርና አዲስ ተማሪዎች ለመቀበል በቂ ዝግጅት ማድረጉን ገለጸ

አዲግራት ዩኒቨርሲቲ 16,000 ነባርና አዲስ ተማሪዎች ለመቀበል በቂ ዝግጅት ማድረጉን ገለጸ

ይህ የተገለጸው በኢፌዴሪ ትምህርት ሚኒስቴር የአድግራት ዩኒቨርሲቲ የ2009 በጀት አመት የዘግጅት ምዕራፍ አስመልክቶ ለመምህራንና አስተዳደር ሰራተኞች ለሰባት ተከታታይ ቀናት ስልጠና ባካሄደበት ወቅት ነው፡፡

የስልጠናው ዋና አላማ ሀገራችን ከሃያ አምስት አመታት ከማሽቆልቆል ጉዞ ወጥታ ወደ ልማትና ዴሞክራሲ ጎዳና የገባችበትን ሂደት ለከፍተኛ ትምህርት ዘርፍ ማህብረሰብ ግንዛቤ ለማስጨበጥና የ2008 በጀት ዓመት አፈጻፀም በመገምገም ተግዳሮቶች ነቅሶ በማውጣት የመፍትሄ አቅጣጫ ለመጠቆም ታስቦ መሆኑን የአዲግራት ዩኒቨርሲቲ ፕሬዚዳንት ዶ/ር ዛይድ ነጋሽ ተናግረዋል፡፡አድግራት ዩኒቨርሲቲ

በመድረኩ የትምህርት ልማት ሰራዊት ግንባታ በተመለከተ፣ ትምህርት ጥራት የማረጋገጥ፣ የትምህርት ስራን በአግባቡ ለማሳለጥ ግብዓትን የማሟላት ፣ መልካም አስተዳደር የማስፈን፣ ሰላማዊ የመማር ማሰተማር አካባቢ የመፍጠርና በዩኒቨርሲቲው ውስጥ የሚታዩ የኪራይ ሰብሳቢነት ድርጊት የቁጥጥር ስርዓቱን ተከትሎ ተግባራዊ በማድረግ ምንጩን ማድረቅ በሚቻልበት ሁኔታ ላይ በሰፊው ውይይት ተካሄዷል፡፡
የዩንቨርሲቲው ፕሬዝዳንት የተማሪዎች ቅበላን በተመለከተ በሰጡት አስተያየት ተማሪዎች በክልላቸው በሚገኙ ዩኒቨርሲቲዎች የመመደብ እድላቸው 40 በመቶ ሲሆን ከክልላቸው ውጪ ደግሞ 60 በመቶ እንደሚመደቡ ጠቁመው ከወቅታዊ ሁኔታ ጋር በተያያዘ ተማሪዎች ከክልላቸው ውጪ ወጥተው እንዳይሄዱ በተለያዩ ማህበራዊ ድረ ገጾች የሚናፈሱ መረጃዎች መሰረት ቢስና ፈጽሞ ከእውነት የራቀ መሆኑን ተገንዝበው ያለ ምንም ስጋት ወደተመደቡበት ዩኒቨርሲቲ እንዲሄዱ ጥሪያቸውን አስተላልፈዋል፡፡

ከመስከረም 26-30ዓ.ም ለአምስት ተከታታይ ቀናት ለ11,000 ነባር ተማሪዎች እንዲሁም 5,600 ለሚሆኑ አዲስ ተማሪዎች ደግሞ በጥቅምት ወር መጀመሪያ ላይ ስልጠና እንደሚሰጥም ፕሬዝዳንቱ አስታውቀዋል፡፡

ፕሬዚዳንቱ አክለውም ለተማሪዎች የመኝታ ቤት፣ የምግብና ውኃ አገልግሎት እንዲሁም የመማሪያ ክፍሎችን ጨምሮ የተለያዩ ቅድመ ዝግጅቶች መጠናቀቃቸውንም ተናግረዋል፡፡

ከመስከረም 5 እስከ 12/2009ዓ.ም በተካሄደው ስልጠና ከ3,000 በላይ የሚሆኑ የዩኒቨርሲቲው መምህራንና አሰተዳደር ሰራተኞች ተሳትፈዋል፡፡


ዜናዎች

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡