የኢፌዴሪ ትምህርት ሚኒስቴር ሰራተኞች 10ኛውን የሰንደቅ አላማ በዓል አከበሩ፡፡

የኢፌዴሪ ትምህርት ሚኒስቴር ሰራተኞች 10ኛውን የሰንደቅ አላማ በዓል አከበሩ፡፡

የኢፌዴሪ ትምህርት ሚኒስቴር ሰራተኞች 10ኛውን የሰንደቅ አላማ በዓል ጥቅምት 02/2010 . በሚኒስቴር መስሪያ ቤቱ ግቢ በደማቅ የፓናል ውይይት አክበረው ውለዋል፡፡

የኢፌዴሪ ትምህርት ሚኒስቴር ሚኒስትር ክቡር ዶክተር ጥላየ ጌቴ 10ኛው የሰንደቅ አላማ በዓል ላይ ተገኝተው የሻማ ማብራት ስነ-ስርዓቱን የመሩና የመክፈቻ ንግግር ያደረጉ ሲሆን አቶ ለገሰ ነጋሽ የስነ-ዜጋና ስነ-ምግባር ጀኔራል ዳይሬክተር ስለ ሰንደቅ አላማ ምንነት ስለሀገራችን ሰንደቅ ዓላማ ታሪካዊ አጀማመርና ምልክቶች ትርጉም ለሰራተኛው ገለፃ አድርገዋል፡፡
የሚኒስቴር መስሪያ ቤቱ ሰራተኞች እንደተናገሩት በፓናል ውይይቱ ላይ የተነሱ ሃሳቦች ስለ ሰንደቅ አላማ የነበራቸውን ግንዛቤ ይበልጥ እንዳጎለበተላቸው አስተያየታቸውን ገልጸው እንድህ አይነቱ የውይይት መድረክ መዘጋጀቱ ወጣቱ ትውልድ ስለሀገሩ ሰንደቅ አላማ ትርጉም የበለጠ እንድገነዘብ እድል ይፈጥራል ብለዋል።

በመጨረሻም ሁሉም ሰራተኞች የኢፌዴሪ ብሄራዊ መዝሙርን በመዘመር የእለቱ ስነ-ስርዓት ተጠናቋል፡፡

የዘንድሮው ብሄራዊ የሰንደቅ አላማ ቀንራዕይ ሰንቀናል፤ ለላቀ ድል ተነስተናል፡፡በሚል መሪ ቃል 10 ጊዜ በሃገር አቀፍ ደረጃ የፊታችን ሰኞ ጥቅምት 6/ 2010 .. በደማቅ ስነ- ሥርዓት የሚከበር ይሆናል።


ዜናዎች

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡