የከፍተኛ ትምህርት ተቋማት የለውጥ ምክር ቤት ጉባኤ በወሎ ዩኒቨርሲቲ አስተናጋጅነት በደሴ ከተማ ተካሄደ

የከፍተኛ ትምህርት ተቋማት የለውጥ ምክር ቤት ጉባኤ በወሎ ዩኒቨርሲቲ አስተናጋጅነት በደሴ ከተማ ተካሄደ

የከፍተኛ ትምህርት ተቋማት የተቋማዊ ለውጥ ምክር ቤት ጉባኤ ጥር 23 እና 24 2009 በደሴ ከተማ አማራ ክልል ተካሄደ፡፡ ጉባኤውን ያዘጋጀው የወሎ ዩኒቨርሲቲ አስተዳደር ቦርድ ሰብሳቢ ክቡር አቶ ወርቅነህ መኮንን የእንኳን ደህና መጣችሁ ንግግር ያደረጉ ሲሆን በንግግራቸው ውስጥ የሚከተሉትን መልዕክት አስተላልፈዋል።

 

ዩኒቨርሲቲውን ከተቋቋመ ጀምሮ እስከ አሁን 2 ጀነሬሽን ዩኒቨርሲቲ አንደመሆኑ መጠን በቆይታው አቻዎቹን ካገጠሙት አይነት በርካታ ችግሮች በተጨማሪ በተለየ መልኩ ጋና ከጅምሩ የአመራር አለመረጋጋት ችግሮች ያገጠሙት መሆኑንና ከቅርብ አመታት ወዲህ እነዚህን ችግሮች በሙሉ ፈቶ ዘሬ ድህነትን ለማስወገድ በሚደረገው  ትግል ውስጥ በአስተሳሰቡና በእውቀቱ የበቃ የሰው ኃይል ከማሰልጠን ጎን ለጎን ከደሴ ከተማ፣ ከደቡብ ወሎና ከኦሮሞ ብሔረሰብ ዞኖች ጋር በመቀናጀት በጋራ እቅድ የሚመራ የምርምርና ማህበረሰብ አገልግሎት ሥራ እየተከናወነ መሆኑንና እስከ አሁን የተገኙ ውጤቶችም በህብረተሰቡ ዘንድ  ከፍተኛ ይሁንታን ማስገኘታቸውን ጠቅሰው ነገር ግን መጠንን በማሳደግና ፍጥነትን ከመጨመር አንጻር ከፍተኛ ትኩረት ሰጥተው መስራት እንዳለባቸው ገልጸዋል። ክቡር አቶ ወርቅነህ አክለው የሀገራችን ከፍተኛ ትምህርት ተቋማት በየጊዜው የመጨመርና የሚጠይቀውን የመምራት አቅም ለማሟላት የዚህ የለውጥ ምክር ቤት መድረክ ፋይዳ ትልቅ በመሆኑ ተቋማት በሀገራችን በሁለንተናዊ መልክ የሚገለጸውን ድህነት ማስወገድ ብቻ ሳይሆን ዘመኑ የፈጠራቸውን ፍላጎቶች ለማሟላት ይችሉ ዘንድ የተቋማቱ ማህበረሰብ የፈርጀ ብዙ እውቀትና ክህሎት ስብስብ እንደመሆናቸው መጠን ባላቸው አቅም ከመተግበር ጎን ለጎን የጎደላቸውን እርስ በርስ እየተማማሩ እየሞሉ እንዲሄዱ በማድረግ ረገድ ይህ መድረክ ትልቅ መሳሪያ እንደሆነ ያላቸውን እምነት ገልጸዋል።

 

የኢ... ትምህርት ሚኒስቴር ሚኒስትር ዴኤታ (ከፍተኛ ትምህርት ዘርፍ) የሆኑት  ክቡር / ሳሙኤል ክፍሌ በመክፈቻ ንግግራቸው የሚከተሉትን መልዕክቶች አስተላልፈዋል። ባለፉት የተቋማዊ ለውጥ ምክር ቤት ጉባኤዎች የትምህርት ጥራትን፣አግባብነት፣ተደራሽነት፣ፍትሃዊነትና ተቋማዊ መልካም አስተዳደርን ለማሻሻል የተካሄዱ ምክክሮች፣ የልምድ ልውውጦች፣ በጋራ ተወስነው የተቀመጡ አቅጣጫዎችና በአቅጣቻዎቹ መሠረት በተሠሩ ሥራዎች ከጊዜ ወደ ጊዜ እያደጉ የመጡ ውጤቶች የተመዘገቡ መሆናቸውን ጠቅሰው በያዝነው የበጀት ዘመን በልዩ ትኩረት መፈጸም የሚባቸው በዚህ አመት መጀመሪያ ላይ 26ኛው የትምህርትና ሥልጠና ጉባኤ ወቅት በተናጥልና በጋራ መድረክ የተቀመጡ የትኩረት አቅጣጫዎች መሆናቸውን ገልጸዋል።  ክቡር / ሳሙሙል 34ኛው የከፍተኛ ትምህርት ተቋማዊ ለውጥ ምክር ቤት ጉባኤ ዋነኛ ዓለማም የነዚህ አቅጣጫዎችን አፈጻጸምና የትምህርትና ሥልጠናን በኢንፎርሜሽን ኮሙኒኬሽን ቴክኖሎጂ ከመደገፍ አንጻር ባሉት ቀሪ ጉዳዮች ላይ እንደሚሆን ጠቅሰው የመምህራን ልማት ሥራችን ያለበትድ ደረጃ በመለየት የወደፊት አቅጣጫ ማስቀመጥ እና የዩኒቨርሲቲ ፕሬዝዳንቶች፣ምክትል ፕሬዝዳንቶችና የአስተዳደር ቦርድ አመራር አባላት ምልመላና ስምሪት መመሪያን የማዳበር ሥራ የሚከናወን መሆኑን ገልጸዋል።

 

በመድረኩ የከፍተኛ ትምህርትና ምርምር ኔትዎርክ ከሚሰጣቸው ዘርፈ ብዙ ጥቅሞች መካከል በጥቅም ላይ የዋለውና ያልዋለውን በማነጻጸር ገለጻ የቀረበ መሆኑ፣በICT አጠቃቀም ዙሪያ የጅማ ዩኒቨርሲቲ ተሞክሮ፣የከፍተኛ ትምህርት 6 ወራት አበይተ ተግባራት፣የለውጥ ሥራዎችና የመልካም አስተዳደር ጉዳዮች አፈጻጸም፣የከፍተኛ ትምህርት የግምገማ ስታንዳርድና የምርጥ ተሞክሮ ቅመራን በተመለከተ የተዘጋጀ ረቂቅ ሀሳብ፣በከፍተኛ ትምህርት የመምህራን ልማት 07030 ምጣኔ ማሳኪያ ስልቶችን በተመለከተ እና የከፍተኛ ትምህርት የአመራር ምልመላና ስምሪት መመሪያ ረቂቅ ገለጻና ሪፖርት ቀርበው ውይይት ተካሂዶበቸዋል።

 

በመጨረሻም ክቡር ሚኒስትር / ሽፈራው /ማሪያም ባሉበት በጋራ ስምምነት ላይ የተመሠረቱ የትኩረት አቅጣጫዎች ተቀምጠው መድረኩ ፍጻሜውን አግኝቷል። ከተቀመጡት የትኩረት አቅጣጫዎች መካከል የሚከተሉትን ለአብነት መጥቀስ ይቻላል። እያንዳንዱ ዩኒቨርሲቲ በያዘነው 2 የእድገትና ትራንስፎርሜሽን ዘመን አንድ 2 ደረጃ ትምህርት ቤትን ከሁለንተናዊ የትምህርት ጥራት ወወጤቶች አንጻር ማበልጸግ ያለበት መሆኑ፣ በቀጣይ በሁለንተናዊ መልኩ ICT የተደገፈ የመማር ማስተማር፣ምርምርና ማህበረሰብ አገልግሎት ሥራዎች መከናወን እንዳለባቸው፣ኪራይ ሰብሳቢነትን ለማክሰም የሚደረገውን ትግል ተጠናክሮ መቀጠል ያለበት መሆኑ፣ ያለፉትን የኦዲት ግኝቶች ከማረም በተጨማሪ ለወደፊቱ የኦዲት ግኝቶችን በሚገባ ለመቀነስ ህግና መመሪያን ብቻ ተከትሎ የመሥራት ጉዳይ ተጠናክሮ መቀጠል ያለበት መሆኑ፣ ሰላማዊ የመማር ማስተማር ሂደትን የማረጋገጥ በእቅድ ተይዞ ቅድሚያ ተሰጥቶት መሠራት ያለበት ጉዳይ መሆኑን፣ለየመምህራን ልማትን እንደ አጠቃላይም ሆነ ከጾታ ስብጥር አንጻር በሚገባ ለማሳደግ ግለሰብን ጭምር የሚያመላክት ዝርዝር እቅድ ታቅዶ ሊሠራበት እንደሚገባና የመሳሰሉት አቅጣጫዎች ተቀምጠዋል።


ዜናዎች

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡