የሂሳብና ሳይንስ ትምህርቶችን ጥራት ለማሻሻል የሚረደ ስልጠና ተሰጠ

የሂሳብና ሳይንስ ትምህርቶችን ጥራት ለማሻሻል የሚረደ ስልጠና ተሰጠ

በትምህርት ሚኒስቴር የሂሳብና ሳይንስ ትምህርቶች ማሻሸያ ማዕከል ከሁሉም ክልሎች ወረዳዎችና የከተማ አስተዳደሮች ለተውጣጡ የመጀመሪያ ደረጃ ትምህርት ቤቶች ርዕሳነ መምህራንና ሱፐርቫይዘሮች ከሥራቸው ጋር አግባብነት ባላቸው ሪዕሶች ላይ ሥልጠና ሰጠ፡፡

ሥልጠናው የተሰጠው ከታህሳስ 17-19/2009. በአደማ ከተማ ሲሆን የዚህ የሂሳብና ሳይንስ ትምህርቶች ማሻሸያ የሥራ ላይ ሥልጠና ዋነኛ ዓለማው ርዐሰነ መምህራንና ሱፐርቫይዘሮች ለመምህራን በእውቀት ላይ የተመሠረተ ክትትልና ድጋፍ በማድረግ ከማስተማር ጋር የተያያዙ ችግሮችን ለመፍታት እንደሆነ የማዕከሉ ኃላፊ የሆኑት አቶ በላይነህ ተፈራ ገልጸዋል።

የሥልጠናው ርዕሶች፦ የትምህርት እቅድ ይዘት፣የትምህርት ጥናት (Lesson Study) ምንነትና አስፈላጊነት እንዲሁም አተገባበር፣የክፍል ምልከታ ቼክሊስት ይዘትና አጠቃቀም እና የሂሳብና ሳይንስ ትምህርቶች የሥራ ላይ ሥልጠና መመሪያ ይዘት፣ አጠቃቀምና ትግበራ ናቸው።

 የሥልጠናውን ፋይዳዎች በሚመለከት ተሳታፊዎች በሰጡት አስተያየት በእውቀት ላይ የተመሠረተ ክትትል፣ ድጋፍ፣ግምገማና ግብረ-መልስ ለመምህራን በመስጠት በመማር ማስተማር ሂደት የሚከሰቱ ችግሮች በወቅቱ ተለይተው የሚፈቱበትን ምቹ የትምህርት አከባቢን ለመፍጠር የሚያግዝ መሆኑን ተናግረዋል።


ዜናዎች

የዩኒቨርሲቲ ተማሪዎች ለኤች አይቪ/ኤድስ ተጋላጭነት፤

የከፍተኛ ትምህርት ተቋማት የኤችአይቪ/ኤድስና ተያያዥ ጉዳዮች ዕቅድ አተገባበርና ውጤት በሚል ርዕሥ በአዳማ ከተማ ውይይት እየተደረገ ይገኛል፡፡ የትምህርት ሚኒስቴር ደኤታ አቶ ተሸማ ለማ በመድረኩ መክፈቻ ንግግራቸው እንደ ገለጹት በዚህን ሰዓት በሀገራችን 28 ሚሊዮን ማለትም ከ1/3ኛ በላይ ዜጎች በትምህርት ገበታ ላይ የሚገኙና ከእነዚህም በአፍላ ዕድሜ ክልል ውስጥ ያሉት አምራች ሃይል የሆኑት ወጣቶች ለኤችአይቪ/ኤድስ በሽታ ተጋላጭ እንደሆኑ ገልጸዋል፡፡ ዩኒቨርሲቲዎችም ተማሪዎች በሲስተር-ሲስተር፣ አቻ ለአቻ፣ የህይወት ክህሎት ፕሮግራሞች እንዲመካከሩ፣ የማስተባበሪያ አደረጃጀቶች እና ክበባትን ማቋቋም፣መርሀ-ግብር ማዘጋጀትና በዕቅድ አካተው የተሰራ ቢሆንም ተጋላጭነቱን ለመግታት የባህሪይ ለውጥ አሁንም አለመምጣቱን ገልጸዋል፡፡

የትምህርት ሚኒስቴር ሰራተኞች በ2010 በጀት ዓመት እቅድ አፈፃፀም ላይ ተወያዩ፤

የኢ.ፌ.ዴ.ሪ. ትምህርት ሚኒስቴር በ2010 በጀት ዓመት በቁልፍና አበይት ተግባራት ያከናወናቸውን ተግባራት የሚኒስቴር መስሪያ ቤቱ ከፍተኛ አመራሮችና መላው ሰራተኞች በተገኙበት ገምግሟል ፡፡ በግምገማው በርካታ ስኬታማ ስራዎች ቢሰሩም ከትምህርት ጥራት፣ ከትምህርት ግብዓት ማሟላት እንዲሁም ከባለሙያዎች ክህሎት ማነስ ጋር የተያያዙ መጠነ ሰፊ ችግሮች የነበሩበት በመሆኑ ሚኒስቴር መስሪያ ቤቱ ሪፎርም ማድረግ እንደሚገባውም ተጠቅሷል፡፡

የኢፌዲሪ ጠቅላይ ሚኒስትር ከከፍተኛ ትምህርት ተቋማት መምህራን ጋር ያደረጉት ውይይት፡

ተሳታፊ መምህራን ከ45ቱ የመንግስትና ከ4ቱ የግል ከፍተኛ ትምህርት ተቌማት የተውጣጡ 3ሺ175 ያህል ናቸው። በውይይቱም በርካታ ጥያቄዎች የተነሱ ቢሆንም ለተነሱት ጥያቄዎች የመምህርነት ሙያ የተከበረ እንደሆነና በቀጣይ በትምህርት ዘርፉ ለሚያጋጥሙና ለሚስተዋሉ ችግሮች መምህራን እና የከፍተኛ ትምህርት ተቌማት አመራር በጋራ ችግሮችን መፍታት እንደሚገባ ጠ/ሚኒስትሩ ገልፀዋል።

የሐረማያ ዩኒቨርሲቲ ተማሪዎች ምርቃት፡

የሐረማያ ዩኒቨርሲቲ በመደበኛና በተከታታይ መርሃ-ግብር 8,152 ተማሪዎችን በዩኒቨርሲቲው ቅጥር ግቢ ሐምሌ 7/2010 ዓ.ም አስመርቋል፡፡ በምረቃ ስነ-ስርዓቱ ላይ ክብርት ወ/ሮ ጠይባ ሐሰን የኦሮሚያ ብሔራዊ ክልላዊ መንግሥት ምክትል ፕሬዝዳንት በክብር እንግድነት የተገኙ ሲሆን ለተመራቂዎችም የስራ መመሪያ መልዕክት አስተላልፈዋል፡፡