በከፍተኛ ትምህርት ተቋማት የአመራሮች ምልመላና ምደባ ረቂቅ መመሪያ ላይ የሚመክር አውደ-ጥናት ተካሄደ

በከፍተኛ ትምህርት ተቋማት የአመራሮች ምልመላና ምደባ ረቂቅ መመሪያ ላይ የሚመክር አውደ-ጥናት ተካሄደ

የመንግሥት ዩኒቨርሲቲዎች የአመራር ምልመላና ምደባን በሚመለከት በተዘጋጀው ረቂቅ መመሪያ ላይ የሚመክር አውደ-ጥናት በኢ... ትምህርት ሚኒስቴርና በከGIZ ኢትዮጵያ ትብብር ተዘጋጅቶ ታህሳስ 6/2009. በአዲስ አበባ ከተማ በካፒታል ሆቴል ተካሄደ። የትምህርት ሚኒስቴር  ሚኒስትር ዴኤታ ክቡር / ሳሙኤል ክፍሌ በወቅቱ ከጋዜጠኞች ጋር በካሄዱት ቃለ ምልልስ እንደተናገሩት ታክስ ፎርሱ ረቂቅ  መመሪያውን  በትምህርት ሚኒስቴር በተሰጠው ኃላፊነት መሠረት  ከትምህርትና ሥልጠና ፖሊሲ እና ከከፍተኛ ትምህርት አዋጅ በተጨማሪ  እስከ አሁን ከነበረን አሠራርና ከሌሎች ሀገራት ጠቃሚ ልምዶችን በመውሰድ ከሀገራችን ተጨባጭ ሁኔታ ጋር በማጣጣም ያዘጋጀ  መሆኑን ጠቅሰው የተዘጋጀው ረቂቅ መመሪያም በትምህርትና ሥልጠና ፖሊሲው እና በከፍተኛ ትምህርት አዋጅ ውስጥ  በተበታተነ መልኩ የተጠቀሱ መመሪያ -ነክ ይዘቶችን በተቀነጃና ወጥነት ባለው መልኩ በአንድ ሰነድ አሰባስቦ ተግባራዊ ለማድረግ በሚያመች መልኩ የማዘጋጀት ያህል ከነባር አሠራራችንና ሰነዶቻችን ጋር የማይፈለስ ይዘት ያለው መሆኑን ገልጸዋል።

 

ረቂቅ መመሪያውን  የዘጋጀው ተክስ ፎርስ አስተባባሪ የሆኑት የአዲስ አበባ ዩኒቨርሲቲ የትምህርት ጉዳዮች ምክትል ፕሬዝዳንት / ጀይሉ ኡመር በቀጣይ ጊዜያት ይህ መመሪያ በተለያዩ ባለድርሻ አካላት ግብዓት ዳብሮ ከጸደቀ በኋላ ከድፓርትሜንት ኃላፊዎች እስከ  ዩኒቨርሲቲ ፕሬዝዳንቶች ያሉትን አመራሮች ለመምረጥና ለመመደብ ለየኃላፊነት ደረጃ የተቀመጠ  የትምህርት ዝግጅት፣ የሥራ ልምድና እንደየሙያቸው ያስመዘገቡት ውጤት በመስፈርትነት ተወስዶ የሚሠራበት መሆኑን  ጠቅሰው  መመሪያውም  ወጥነት ባለው መልኩ በሁሉም  ዩኒቨርሲቲዎች  በፍትሃዊነት ተግባራዊ  የሚሆን ስለሆነ ብቃት ያላቸውን አመራር ወደ ኃላፊነት በማምጣት ከዚህ ረገድ ሊስተዋሉ የሚችሉ ክፍተቶችን በማጥበብ በአሁኑ ወቅት ሀገራችን ለተያያዘችው መልካም አስተዳደር የማስፈን ሥራና የትምህርት ጥራትን የማሻሻል  ሥራ ስኬታማ እንዲሆን ከፍተኛ አስተዋጽኦ እንደሚያበረክት ገልጸዋል። / ጀይሉ አክለውም  አሠራሩ በመንግሥት ከፍተኛ ትምህርት ተቋማት  ያሉ አመራሮች ሁለንተናዊ ብቃታቸውን  በማሳደግ የተቋማቸውን አፈጻጸም  ውጤታማ እንዲያደርጉ የሚያግዝ ተገቢ አሠራር መሆኑንም ተናግረዋል።

 

 አንዳንድ የመድረኩ ተሳታፊዎች በሰጡት አሰተያት እስከ አሁን በነበረው አሠራር በዩኒቨርሲቲዎች ስካሄድ የነበረው የአመራር ምልመላና ምደባ መሥፈርት  መሠረታዊ ሊባል በሚችል ደራጃም ባይሆን ለግለሰቦች አረዳድና ግንዛቤ የተጋለጠ በመሆኑ ምክንያት ከዩኒቨርሲቲ- ዩኒቨርሲቲ ልዩነት እንደነበረው በማስታወስ  መመሪያው ወጥነት ባለው መልኩ ተግባራዊ ሲሆን እነዚህንና መሰል ችግሮችን እንደሚቀርፍ ያላቸውን እምነት ገልጸዋል።


ዜናዎች

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡