የመማር ማስተማር ሂደቱ ሰላማዊና ውጤታማ እንዲሆን በቅንጅት መስራት ያስፈልጋል

የመማር ማስተማር ሂደቱ ሰላማዊና ውጤታማ እንዲሆን በቅንጅት መስራት ያስፈልጋል

የመማር ማስተማር ሂደቱ ሰላማዊና ውጤታማ እንዲሆን በቅንጅት መስራት ያስፈልጋል

በበጀት አመቱ የመማር ማስተማር ሂደቱ ሰላማዊና ውጤታማ እንዲሆን በቅንጅት መስራት እንደሚገባ ትምህርት ሚኒስቴር አስታወቀ፡፡

 

26ኛው የአጠቃላይ ትምህርት ዘርፍ ዓመታዊ ሀገር አቀፍ ጉባኤ በአፋር ብሔራዊ ክልላዊ መንግስት በሰመራ ከተማ  በተካሄደበት ወቅት የትምህርት ሚኒስቴር የአጠቃላይ ዘርፍ ሚኒስትር ዴኤታ / ጥላዬ ጌቴ ባደረጉት የመክፈቻ ንግግር የአጠቃላይ ትምህርት ዘርፍን ውጤታማ ለማድረግ በበጀት አመቱ በዝግጅት ምዕራፍ የአጠቃላይ ትምህርት የንቅናቄ መድረክ በማዘጋጀት፣ የመምህራን፣ ወላጆችና ተማሪዎች ስልጠና በማካሄድ እንዲሁም አምስተኛውን የትምህርት ልማት ዘርፍ መርሃ ግብር መሰረት በማድረግ ወደ ተግባር የተገባ መሆኑን ጠቁመው በበጀት አመቱ ሰላማዊና ውጤታማ የመማር ማስተማር ሂደት እንዲኖር የሚመለከታቸውና ባለድርሻ አካላት በቅንጅት መስራት እንደሚጠበቅባቸው አሳስበዋል፡፡

 

የቅድመ መደበኛ ትምህርት፣ የልዩ ፍላጎትና ተግባር ተኮር የጎልማሶች ትምህርት፣ የመምህራንና የትምህርት አመራርን ማጠናከር እንደሚገባ፣ የመረጃ አያያዝ ስርዓትን ከክልል እስከ ፌዴራል ወጥ ማድረግ  ላይ ትኩረት ተደርጎ እንደሚሰራ የገለፁት ሚኒስትር ዴኤታው የትምህርት አመራርና ባለሙያዎች በበጀት አመቱ ሊተገበሩ የተያዙ እቅዶችን በወቅቱ መፈፀም እንደሚገባቸው አስታውቀዋል፡፡

 

የአፋር ብሔራዊ ክልላዊ መንግስት ትምህርት ቢሮ ኃላፊ አቶ መሀመድ ኡዳ በበኩላቸው መንግስት ለትምህርትና ስልጠና ዘርፍ ልዩ ትኩረት በመስጠቱ  በተለይ ወጣቱ ትውልድ ከሃገራችን ነባራዊ ሁኔታ፣ ከህብረተሰቡ ማህበራዊና  ባህላዊ እሴቶች ጋር በማጣጣምና ጥራት ባለው ትምህርትና ስልጠና ራሱን በማነፅ ተወዳዳሪና ሥራ ፈጣሪ ዜጋ እንዲሆን ማስቻሉንና ሀገሪቱን መካከለኛ ገቢ ካላቸው የዓለም አገሮች ተርታ ለማሰለፍ በርካታ ተግባራት እያከናወነ እንደሚኝ ተናግረዋል፡፡

 

የአፋር ብሔራዊ ክልላዊ መንግስትም የትምህርት ዕድል ተነፍጎት የቆየውን የአርብቶ አደርና ከፊል አርብቶ አደር ህብረተሰብ የትምህርትና ስልጠና እድል እንዲያገኝ በማድረግ ረገድ ሰፊ ስራ መስራቱን የጠቆሙት ኃላፊው በዚህም ህብረተሰቡ የትምህርት ተጠቃሚ ከመሆን ባሻገር በሀገሪቱ ማህበራዊ፣ ኢኮኖሚያዊና ፖለቲካዊ መስኮች ተሳታፊ መሆን ችሏል ብለዋል፡፡ 

 

ከጉባኤው ተሳታፊዎች መካከል አንዳንዶች የመማሪያ ማስተማሪያ ግብዓቶች በበቂ ሁኔታ አለመኖር፣  የስነ ዜጋና ስነ ምግባር የሚያስተምሩ መምህራን ስነ ምግባር ላይ ትኩረት ተደርጎ ቢሰራ፣ የትምህርት ቤት አደረጃጀት ማስተካከል እንደሚገባ፣ የልዩ ፍላጎት ትምህርት እንቅስቃሴ ቢኖርም በሚፈለገው ደረጃ ስላልተሰራ ትኩረት ቢደረግበት በሀገሪቱ ትምህርት በፕላዝማ በአግባቡ እየተሰጠ መሆኑ ቢፈተሸ የሚሉና ሌሎች አስተያየቶችን አንስተው ከመድረኩ ምላሽ ተሰጥቷል፡፡

የአጠቃላይ ትምህርት ዘርፍ የዝግጅት ምዕራፍ የቁልፍና አበይት ተግባራት እቅዶች አፈፀፃም ሪፖርት፣ የሱፐርቪዥን የመስክ ምልከታ ሪፖርት፣ የትምህርት ልማት አጋር አካላት ሪፖርትና ሌሎች ሰነዶች ቀርበው ውይይት ተካሂዷል፡፡

 

ከህዳር 3 እስከ 4/2009 .  በተዘጋጀው የዘርፉ ዓመታዊ ጉባዔ ላይ የክልልና ከተማ አስተዳደር ትምህርት ቢሮዎች ኃላፊዎች፣ የትምህርት ሚኒስቴር የስራ ሂደት መሪዎችና ባለሙያዎች እንዲሁም የትምህርት ልማት አጋር አካላት ተወካዮች ተገኝተዋል፡፡


ዜናዎች

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡