ኤች አይ ቪ/ ኤድስን ለመከላከልና ለመቆጣጠር በሚደረው እንቅስቃሴ ሁሉም ርብርብ ሊያደርግ ይገባል

ኤች አይ ቪ/ ኤድስን ለመከላከልና ለመቆጣጠር በሚደረው እንቅስቃሴ ሁሉም ርብርብ ሊያደርግ ይገባል

ኤች አይ ቪ/ ኤድስን ለመከላከልና ለመቆጣጠር በሚደረው እንቅስቃሴ ሁሉም ርብርብ ሊያደርግ ይገባል

በትምህርት ዘርፍ  የኤች ኤ ቪ/ኤድስና ተዛማጅ በሽታዎች መከላከያና መቆጣጠሪያ ማስተባበሪያ ከመስሪያ ቤቱ የተለያዩ የስራ ሂደቶች ለተውጣጡ ሴት ሰራተኞች በኤች አይ ቪ/ኤድስ ዙሪያ የግንዛቤ ማስጨበጫ ስልጠና መስጠቱን አስታወቀ፡፡ 
የማስተባበሪያው ኃላፊ አቶ ሙሴ ተስፋው ሚኒስቴር መስሪያ ቤቱ የተቋሙ ሰራተኞች ለኤች አይ ቪ/ኤድስ እንዳይጋለጡ ራሳቸውንና ቤተሰባቸውን እንዲጠብቁ ማድረግ እንዲሁም በትምህርትና ስልጠና ተቋማት ትምህርት ቤቶች፣ ዩኒቨርሲቲዎችና ቴክኒክና ሙያ ትምህርትና ስልጠና ተቋማት የሚገኙ ተማሪዎች ለኤች አይ ቪ/ኤድስ እንዳይጋለጡ በማስተማር ጤናማና ብቁ ዜጋ ለማፍራት የበኩሉን እንቅስቃሴ እያደረገ ይገኛል ብለዋል፡፡

ስልጠናው ትኩረት ያደረገው ከሚኒስቴር መስሪያ ቤቱ ለተውጣጡ ሴት ሰራተኞች መሆኑን የጠቆሙት አሰተባባሪው ሴቶችን ማስተማር ህብረተሰቡን ማስተማር እንደሆነ በመገንዘብ፣ ሴቶች ለልጆቻቸውና ለቤተሰቦቻቸው ቅርብ በመሆናቸው ያገኙትን እውቀት ማካፈል እንደሚችሉ ታሳቢ ተደርጎ ነው ብለዋል፡፡

ሰልጣኞች ከኤች አይ ቪ/ኤድስ ራሳቸውንና ቤተሰቦቻቸውን በመጠበቅ ረገድ ከፍተኛ ሚና መጫወት ይገባቸዋል ያሉት አቶ ሙሴ ከመድረኩ ያገኙትን እውቀት በስራ ቦታ እንዲሁም በአካባቢያቸው ለሚገኙ ህብረተሰቦች ግንዛቤ በማስጨበጥ እንዲሁም  ኤች አይ ቪ/ኤድስን በመከላከልና በመቆጣጠር ረገድ በሚደረገው እንቅስቃሴ ርብርብ እንዲያደርጉ ጥሪ አቅርበዋል፡፡

አንዳንድ ተሳታፊዎች ስልጠናው ስለ ኤች አይ ቪ/ኤድስና የአባለዘር በሽታዎች በግልፅ እንድንወያይ ያደረገና ግንዛቤ ያገኘንበት ነው በማለት በቀጣይም ሚኒስቴር መስሪያ ቤቱ እንደዚህ አይነት መድረኮችን በተከታታይነት ማዘጋጀት እንደሚገባው ተናግረዋል፡፡
በስልጠናው በሥራ ቦታ የፀረ ኤች አይ ቪ/ኤድስ ስራዎች ማካተት(HIV/AIDS MAINSTREAMING)፣ የኤች አይ ቪ/ኤድስ መሠረታዊ እውነታዎች ላይ ያተኮሩ ፅሁፎች እንዲሁም  የኤች አይ ቪ/ኤድስ የሥራ ቦታ ፖሊሲ ሰነድ ቀርቦ በማስተባበሪያው ባለሙያዎች ትምህርት ተሰጥቷል፡፡


ዜናዎች

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡