የድሬዳዋ ዩኒቨርሲቲ የመምህራንና የአስተዳደር ሰራተኞች ውይይት በመግባባት ተጠናቀቀ

የድሬዳዋ ዩኒቨርሲቲ የመምህራንና የአስተዳደር ሰራተኞች ውይይት በመግባባት ተጠናቀቀ

ውይይቱ በመምህራንና በአስተዳደር ሰራተኛው የነበረውን ብዥታ በማስወገድ የ2009 እቅድን በተሻለ ለመፈፀም የስራ መነሳሳትንና መነቃቃትን የፈጠረ እንደሆነ የድሬዳዋ ዩኒቨርሲቲ ፕሬዚዳንት ዶ/ር ግርማ ጎሮ ተናግረዋል ከ2008 የትምህርት ዘመን አፈፃፀም ከነበረው ጥንካሬና ጉድለት በመማር በዩኒቨርሲቲው የነበረውን ሰላማዊ የመማር ማስተማር ሂደት ለማስቀጠል የሚረዳ ውይይት እንደሆነም ፕሬዚዳንቱ ተናግረዋል፡፡

በአሁኑ ወቅትም የያዝነው የትምህርት ዘመን በተሳካ ሁኔታ ለማካሄድ የሚያስችል የቅድመ ዝግጅት ስራው መጠናቀቁን ፕሬዚዳንቱ አክለው ተናግረዋል የፌደራልና አርብቶአደር ልማት ጉዳዮች ሚንስትር ዴኤታ እና የዩኒቨርሲቲው የቦርድ ሰብሳቢ አቶ ሙሉጌታ ውለታው በበኩላቸው የአገራችን እድገት ፍጥነቱ ሳይቀንስ እንዲቀጥል የከፍተኛ ትምህርት ተቋማት አስተዋፅኦ ከፍተኛ መሆኑን ግንዛቤ የፈጠረና መግባባት ላይ ያደረሰ ውይይት መሆኑን ተናግረዋል፡፡ news

ዩኒቨርሲቲዎች ዘመናዊ አስተሳሰቦች የሚመነጩበት ፣መከባበር የሰፈነባቸው፣ እኩልነት የሚታይባቸው እንዲሁም የዲሞክራሲ ባህል የሚዳብርባቸው ተቋማት እንዲሆኑ የማድረግን አስፈላጊነት ላይ በመወያት መግባባት የፈጠረ መሆኑንም አቶ ሙሉጌታ አብራርተዋል
በአለም ላይ ያለውን ከፍተኛ የገበያ ውድድር ለመቋቋም ዩኒቨርሲቲዎች የሚሰጡት ጥራት ያለው ትምህርት ወሳኝ ነው ያሉት አቶ ሙሉጌታ ለዚህም የመንግስት ፣የመምህራን፣የማህበረሰቡና የራሳቸው የተማሪዎች ሚና ምን መሆን እንዳለበት በውይይቱ መግባባት ላይ ተደርሷል ብለዋል፡፡

በውይይቱ የተሳተፉት አንዳንድ መምህራንና የአስተዳደር ሰራተኞች በበኩላቸው የተሻለ የመፈፀምና የማስፈፀም አቅም እንደፈጠረላቸው ተናግረዋል፡፡ 

በተለያዩ ሰልጣኞች የሚነሱ አዳዲስ ሃሳቦች ግንዛቤያቸውን በማሳደግ በቀጣይ በዩኒቨርሲቲው የተሻለ ውጤት ለማስመዝገብ እንዳነሳሳቸውም ተሳታፊዎቹ ተናግረዋልnews


ዜናዎች

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡