በወልቂጤ ዩኒቨርስቲ የመምህራንና የአስተዳደር ሰራተኞች ውይይትና ሥልጠና እየተካሄደ ነው

በወልቂጤ ዩኒቨርስቲ የመምህራንና የአስተዳደር ሰራተኞች ውይይትና ሥልጠና እየተካሄደ ነው

ውይይቱና ሥልጠናው በዩኒቨርስቲው መማር ማስተማር ላይ የሚታዩ ክፍተቶችን በመለየትና የመፍትሔ አቅጣጫ በማስቀመጥ ምቹ የመማር ማስተማር ሂደት እንዲፈጠር የሚያስችል እንደሆነ ተገልጿል፡፡

የወልቂጤ ዩኒቨርስቲ ፕሮፌሰር ደጀኔ አየለ በስልጠናና በውይይቱ መምህራኑና የአስተዳደር ሠራተኞቹ በዩኒቨርስቲው የውስጥ ጉዳይና በመልካም አስተዳደር ዙሪያ አስተማሪና ገንቢ የሆኑ ውይይቶችን እንዳደረጉ ተናግረዋል፡፡ፕሮፌሰር ደጀኔ አየለ

የዩኒቨርስቲው የአመራር አካላት፣ የመምህራኑና የአስተዳደር ሠራተኛው ለዩኒቨርስቲው መማር ማስተማር መቃናት የሚጠበቅባቸውን ኃላፊነት የሚያሳይ ውይይትና ሥልጠና መሆኑን øሮፌሰር ደጀኔ ጠቁመው ይህም የ2ዐዐ9 ዓ/ም የትምህርት ዘመን ዕቅድ ትግበራ ላይ ግብዓት ከመሆኑም በላይ የጋራ መግባባት እንዲፈጠር በማድረግ በመማር ማስተማሩ ሂደት የተሻለ ውጤት ለማስመዝገብ ያግዛል ብለዋል፡፡

ውይይቱ በመምህራንና አስተዳደር ሠራተኞች ላይ በተለያዩ ማህበራዊ ሚዲያዎች እየተገለፀ ያለውን ብዥታ የቀረፈና ለቀጣዩ የትምህርት ዘመን ከዩኒቨርስቲው ማህበረሰብ ምን ይጠብቃል የሚለውን ጥያቄ በተገቢው ሁኔታ በመመለስ የጋራ አስተሳሰብና አንድነት እንዲኖርና በተግባርም እንዲገለጽ የሚረዳና አቅም የሚሆን እንደሆነም ፕሮፌሰሩ አክለው ተናግረዋል፡፡ 

መምህር ሻሎም አሊ እና ሜሮን ተስፋዬ የተባሉት ተሳታፊዎች በበኩላቸው በአሁኑ ወቅት ዩኒቨርስቲው ያለበትን ደረጃ በመገምገም በዋናነት የትምህርት ጥራትን ለማምጣት ከእያንዳንዱ ምን እንደሚጠበቅና የባለፈው ስህተታችንን ሳንደግም ወደፊት እንዴት የተሻለ ውጤት ማምጣት እንዳለብን የሚያነቃቃ ውይይትና ሥልጠና ነው ብለዋል፡፡

አቶ ኢብዱራህማን ሙሳ እና ውብሸት ወርቅነህ የተባሉት የአስተዳደር ሠራተኞች በበኩላቸው ውይይቱና ሥልጠናው ግልጽነት የተሞላበት በመሆኑም በሁሉም የዩኒቨርስቲው ማሕበረሰብ የጋራ መግባባት በመፍጠር ምቹ የመማር ማስተማር ሂደትን ለመፍጠር ከፍተኛ እገዛ ያደርጋል ብለዋል፡፡

ወልቂጤ ዩኒቨርስቲበመጨረሻም ውይይቱ ለዩኒቨርስቲው ግብዓት በሚሆን መልኩ ተካሂዶ የሚጠናቀቅ መሆኑንና በ2ዐዐ9 የትምህር ዘመን የነባርና የአዲስ ተማሪዎችን ቅበላ ዝግጅታቸውን እንዳጠናቀቁ ገልፀዋል፡፡


ዜናዎች

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡