ዩኒቨርሲቲዎቻችን የፌዴራላዊት ኢትዮጵያ ተምሳሌቶች በመሆናቸው ብዝሃነትን ለማስተናገድ ብዙ መስራት ይጠበቅባቸዋል

ዩኒቨርሲቲዎቻችን የፌዴራላዊት ኢትዮጵያ ተምሳሌቶች በመሆናቸው ብዝሃነትን ለማስተናገድ ብዙ መስራት ይጠበቅባቸዋል

የባህር ዳር ዩኒቨርሲቲ ማህበረሰብ

የባህር ዳር ዩኒቨርሲቲ ማህበረሰብ ስልጠና በመካሄድ ላይ ነው፡፡ ስልጠናውን የመሩት የባህር ዳር ዩኒቨርሲቲ የቦርድ ሰብሳቢ አቶ አለምነው መኮንን እንደተናገሩት ብዝሃነትን ማስተናገድ የፌዴራል ስርዓቱን ለማጠናከር የሚያበረክተው አስተዋፅኦ ከፍተኛ በመሆኑ አንድ የጋራ የፖለቲካና የኢኮኖሚ ማህበረሰብ የመገንባት አስፈላጊነት ላይ በዩኒቨርሲቲው ማህበረሰብ ዘንድ የጋራ መግባባት መፍጠር አስፈላጊ መሆኑን ተናግረዋል፡፡

ሀገራችን የቋንቋ፣የሐይማኖት እና የማንነት ብዝሃነት የሚንፀባረቅባት ሀገር ብትሆንም ፈተናዎች መኖራቸውን የጠቆሙት አቶ አለምነው ብዝሃነትን ማስተናገድ ለፌዴራሊዝም ሥርዓቱ መጎልበት በሚኖረው አስተዋፅኦ ላይ የስልጠናው ተሳታፊዎች በስፋት ሊወያዩበት እንደሚገባ ተናግረዋል፡፡

ከዚህም በተጨማሪ በ2009 ዓ.ም የትምህርት ዘመን ጥራት ያለው ትምህርት ፣የማህበረሰብ ልማት አገልግሎትን በስፋትና በጥልቀት ማዳረስ እንዲሁም ሰላማዊ የመማር ማስተማር ሂደት እንዲኖር ማድረግ በሚቻልበት ሁኔታ ላይ ግንዛቤ መፍጠር የስልጠናው ዋነኛ ዓላማ መሆኑን ተናግረዋል፡፡

የዩኒቨርሲቲው ምክትል ፕሬዚዳንት ዶ/ር ማተቤ ታፈረ በበኩላቸው የከፍተኛ ትምህርት ተቋማት ባለፉት 25 ዓመታት የተመዘገቡ ስኬቶችን በጥናትና ምርምር በማዳበር ለሚያጋጥሙ ክፍተቶችና ፈተናዎች መፍትሄ የማምጣት ሃላፊነታቸውን እንዲወጡ የሚያስችላቸው ቁመና ላይ ማድረስ በማስፈለጉ ስልጠናው መዘጋጀቱን ተናግረዋል፡፡


ዜናዎች

የዩኒቨርሲቲ ተማሪዎች ለኤች አይቪ/ኤድስ ተጋላጭነት፤

የከፍተኛ ትምህርት ተቋማት የኤችአይቪ/ኤድስና ተያያዥ ጉዳዮች ዕቅድ አተገባበርና ውጤት በሚል ርዕሥ በአዳማ ከተማ ውይይት እየተደረገ ይገኛል፡፡ የትምህርት ሚኒስቴር ደኤታ አቶ ተሸማ ለማ በመድረኩ መክፈቻ ንግግራቸው እንደ ገለጹት በዚህን ሰዓት በሀገራችን 28 ሚሊዮን ማለትም ከ1/3ኛ በላይ ዜጎች በትምህርት ገበታ ላይ የሚገኙና ከእነዚህም በአፍላ ዕድሜ ክልል ውስጥ ያሉት አምራች ሃይል የሆኑት ወጣቶች ለኤችአይቪ/ኤድስ በሽታ ተጋላጭ እንደሆኑ ገልጸዋል፡፡ ዩኒቨርሲቲዎችም ተማሪዎች በሲስተር-ሲስተር፣ አቻ ለአቻ፣ የህይወት ክህሎት ፕሮግራሞች እንዲመካከሩ፣ የማስተባበሪያ አደረጃጀቶች እና ክበባትን ማቋቋም፣መርሀ-ግብር ማዘጋጀትና በዕቅድ አካተው የተሰራ ቢሆንም ተጋላጭነቱን ለመግታት የባህሪይ ለውጥ አሁንም አለመምጣቱን ገልጸዋል፡፡

የትምህርት ሚኒስቴር ሰራተኞች በ2010 በጀት ዓመት እቅድ አፈፃፀም ላይ ተወያዩ፤

የኢ.ፌ.ዴ.ሪ. ትምህርት ሚኒስቴር በ2010 በጀት ዓመት በቁልፍና አበይት ተግባራት ያከናወናቸውን ተግባራት የሚኒስቴር መስሪያ ቤቱ ከፍተኛ አመራሮችና መላው ሰራተኞች በተገኙበት ገምግሟል ፡፡ በግምገማው በርካታ ስኬታማ ስራዎች ቢሰሩም ከትምህርት ጥራት፣ ከትምህርት ግብዓት ማሟላት እንዲሁም ከባለሙያዎች ክህሎት ማነስ ጋር የተያያዙ መጠነ ሰፊ ችግሮች የነበሩበት በመሆኑ ሚኒስቴር መስሪያ ቤቱ ሪፎርም ማድረግ እንደሚገባውም ተጠቅሷል፡፡

የኢፌዲሪ ጠቅላይ ሚኒስትር ከከፍተኛ ትምህርት ተቋማት መምህራን ጋር ያደረጉት ውይይት፡

ተሳታፊ መምህራን ከ45ቱ የመንግስትና ከ4ቱ የግል ከፍተኛ ትምህርት ተቌማት የተውጣጡ 3ሺ175 ያህል ናቸው። በውይይቱም በርካታ ጥያቄዎች የተነሱ ቢሆንም ለተነሱት ጥያቄዎች የመምህርነት ሙያ የተከበረ እንደሆነና በቀጣይ በትምህርት ዘርፉ ለሚያጋጥሙና ለሚስተዋሉ ችግሮች መምህራን እና የከፍተኛ ትምህርት ተቌማት አመራር በጋራ ችግሮችን መፍታት እንደሚገባ ጠ/ሚኒስትሩ ገልፀዋል።

የሐረማያ ዩኒቨርሲቲ ተማሪዎች ምርቃት፡

የሐረማያ ዩኒቨርሲቲ በመደበኛና በተከታታይ መርሃ-ግብር 8,152 ተማሪዎችን በዩኒቨርሲቲው ቅጥር ግቢ ሐምሌ 7/2010 ዓ.ም አስመርቋል፡፡ በምረቃ ስነ-ስርዓቱ ላይ ክብርት ወ/ሮ ጠይባ ሐሰን የኦሮሚያ ብሔራዊ ክልላዊ መንግሥት ምክትል ፕሬዝዳንት በክብር እንግድነት የተገኙ ሲሆን ለተመራቂዎችም የስራ መመሪያ መልዕክት አስተላልፈዋል፡፡