የእንግሊኛ ቋንቋ ማሻሻያ ማዕከላት ዓመታዊ ጉባኤ ተካሄደ

የእንግሊኛ ቋንቋ ማሻሻያ ማዕከላት ዓመታዊ ጉባኤ ተካሄደ

28 - 5ኢንስፔክሽን

በአጠቃላይ ትምህርት ዘርፍ ሥር ያለው የአፍ መፍቻና የእንግሊዝኛ ቋንቋ ትምህርት ልማት ዳይሬክቶሬት 2008 በጀት ዓመት ሊያከናውናቸው ከያዛቸው ዕቅዶች አንዱ ከእንግሊዝኛ ቋንቋ ማሻሻያ ማዕከላት ጋር ዓመታዊ ጉባኤ በማካሄድ የጋራ ግምገማ ማድረግና አቅጣጫ ማስቀመጥ ነው። 

በመሆኑም የአፍ መፍቻና የእንግሊዝኛ ቋንቋ ትምህርት ልማት ዳይሬክቶሬት ጉባኤውን ከመምህራን ስልጠና ጋር ቀጥተኛ ግንኙነት ካላቸው ከሃያዎቹ ዩኒቨርስቲዎችና 36 የመምህራን ትምህርት ኮሌጆች፣ የእንግሊዝኛ ቋንቋ ማሻሻያ ማዕከላት( ELICs) አስተባባሪዎችና GEQIP ተወካዮች እንዲሁም ጉዳዩ በቀጥታ ከሚመለከታቸው የክልል ትምህርት ቢሮ ተወካዮች በድምሩ 113 ተሳታፊዎች በተገኙበት ጉባኤውን ለሶስት ተከታታይ ቀናት በአዳማ ከተማ ኮምፎርት ሆቴል አካሂዷል።

የአፍ መፍቻና የእንግሊዝኛ ቋንቋ ትምህርት ልማት ዳይሬክቶሬት ዳይሬክተር አቶ ታያቸው አያሌው እንደተናገሩት የጉባኤው ዓላማ የዓመቱን የእንግሊዝኛ ቋንቋ ማሻሻያ ማዕከላት ዕቅድ አፈጻጸም በመገምገም እንዲሁም ያጋጠሙ ችግሮችና ትኩረት የሚሹ ጉዳዮችን በመለየት የትኩረት አቅጣጫዎችን ማስቀመጥ ነው። 

ከእንግሊዝኛ ቋንቋ ማሻሻያ ማዕከላት እና ከአፍ መፍቻና እንግሊዝኛ ቋንቋ ትምህርት ልማት ዳይሬክቶሬት ከቀረበው የመስክ ምልከታ ሪፖርት በመነሳት ባጋጠሙ ተግዳሮቶችና የመፍትሄ ሀሳቦች ላይ ሰፊ ውይይት የተካሄደ መካሄዱን አቶ ታያቸው ጠቁመዋል፡፡

የማዕከላቱ ዕቅዶችና አፈጻጸም ወጥ አለመሆንና ማዕከላቱ ከተቋቋሙበት ዓላማ አንጻር የተጠበቀውን ውጤታማ ተግባራት አለማከናወን፣ የአፈጻጸም ስታንዳርድ አለመኖር፣ በማዕከላቱ ስልጠና ድጋፍ የሚሰጣቸው አካላት ተለይቶ ያለመቀመጥ እንዲሁም የአፈጻጸም ሪፖርቶች በአብዛኛው መረጃንና ውጤትን እንዲሁም የበጀት አጠቃቀም ሁኔታን ያለማሳየት በዋናነት የሚጠቀሱ ችግሮች መሆናቸውንም ዳይሬክተሩ አስታውቀዋል፡፡


ዜናዎች

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡