ዩኒቨርሲቲዎች ከሀገራችን ተጨባጭ ችግሮች በመነሳት ህብረተሰቡን ባሳተፈ መልኩ ችግር ፈቺ ምርምሮች ማካሄድ አለባቸው

ዩኒቨርሲቲዎች ከሀገራችን ተጨባጭ ችግሮች በመነሳት ህብረተሰቡን ባሳተፈ መልኩ ችግር ፈቺ ምርምሮች ማካሄድ አለባቸው

12 - HE Meetings DebreBerehan Pic 1

ዩኒቨርሲቲዎች በተፈጥሮ ሃብት ልማት፣ ምርትና ምርታማነትን በማሳደግ፣ አዳዲስ ቴክኖሎጂዎችን በማስፋፋት ረገድ እያከናወኗቸው ያሉት የጥናትና ምርምር ስራዎች አበረታች ቢሆንም ህብረተሰቡን ባሰተፈ መልኩ ተጠናክሮ ሊቀጥል እንደሚገባ  የትምህርት ሚኒስቴር የከፍተኛ ትምህርት ሚኒስትር ዴኤታ ዶክተር ካባ ኡርጌሳ አሳስበዋል፡፡ ከጥር28-29/2008 . የተካሄደው 31ኛው የከፍተኛ ትምህርት ተቋማት የተቋማዊ ለውጥ ምክር ቤት መደበኛ ጉባኤ በመልካም አስተዳደር፣ በትምህርት ልማት ሰራዊት ግንባታ፣ በመማር ማስተማር፣ በማህበረሰብ ልማትና በጥናትና ምርምር ዙሪያ የተከናወኑ ተግባራት ላይ በስፋት መክሯል፡፡

የመልካም አስተዳደር ችግር እንደ ሌሎች አገልግሎት ሰጪ ተቋማት ሁሉ በዩኒቨርሲቲዎቻችንም የሚታይ ችግር መሆኑን የተናገሩት ሚኒስትር ዴኤታው በትምህርት ሚኒስቴርም የከፍተኛ ትምህርት ዘርፍም ሆነ ዩኒቨርሲቲዎች የመልካም አስተዳደር ማስፈኛ ዕቅድ አቅደው ወደ ተግባር መግባታቸውን ጠቁመዋል፡፡ የሴቶችን ተሳትፎ በሁሉም ደረጃ ለማሳደግ የጀመርነውን ጥረት አጠናክረን በመቀጠል በመምህርነት፣ በተመራማሪነትና በመሪነት ቁጥራቸው እየጨመረ መሄድ ይኖርበታል ያሉት / ካባ ለዚህም የዩኒቨርሲቲዎች አመራርና መላው ማህበረሰብ የተለየ ትኩረት ሊያደርግ እንደሚገባም አሳስበዋል፡፡

በጉባኤው ላይ የሀዋሳ፣ ወለጋ፣ ደብረብርሃን፣ ባህርዳር፣ አዲግራት፣ ሚዛንቴፒ እና መቱ ዩኒቨርሲቲዎች ባለፉት ስድስት ወራት በመማር ማስተማር፣ በምርምርና ጥናት እንዲሁም በማህበረሰብ ልማት ያከናወኗቸውን ተግባራትና የለውጥ ስራዎች ያሉበትን ደረጃ የሚያሳይ ሪፖርት አቅርበው ውይይት ተካሂዷል፡፡  በተጨማሪም በከፍተኛ ትምህርት ተቋማት ባለፉት ስድስት ወራት በመማር ማስተማር ሂደት የታዩትን ጠንካራና ደካማ ጎኖች በዝርዝር ያካተተ የከፍተኛ ትምህርት ተቋማት ሱፐር ቪዥን ሪፖርት የቀረበ ሲሆን  ሪፖርቱ በመልካም አስተዳደር፣ በግዥ፣ በሠራተኛ ቅጥር፣ ዕድገትና ዝውውር የሚስተዋሉ ችግሮችን ጠቁሟል፡፡

ተሳታፊዎች በበኩላቸው በቀረበው ሪፖርት ላይ ጥያቄዎችና አስተያየቶችን ያቀረቡ ሲሆን በተለይም በወረቀት፣ ላፕቶፕና ኮምፒዩተሮች ግዢ አፈጻጸም  የሚያጋጥሟቸውን ችግሮች በዝርዝር አቅርበዋል፡፡  ከግዢ ጋር በተያያዘ ለተነሳው ጥያቄ ምላሽ የሰጡት የትምህርት ሚኒስቴር ሚኒስትር ክቡር አቶ ሽፈራው ሽጉጤ እንደተናገሩት የቁሳቁስ ግዢ ለሁሉም የፌዴራል ተቋማት በጋራና በአንድ ማዕከል መፈፀሙ ጥራት ያለው ዕቃ ወጪ በሚቀንስ መልኩ ለመግዛት የሚረዳ በመሆኑ አሰራሩ የሚበረታታ መሆኑን ጠቁመው ይሁንና በግዢ ሂደት የሚያጋጥሙ የአሰራር ችግሮች መኖራቸውን ተናግረዋል፡፡

የፌዴራል ግዢና ንብረት ማስወገድ አገልግሎት ተገቢውን አገልግሎት እያቀረበ አለመሆኑን ከከፍተኛ ትምህርት ተቋማት የሚቀርቡ ቅሬታዎች መኖራቸውን የጠቆሙት ሚኒስትሩ በቀጣይም ጉዳዩ ከሚመለከታቸው አካላት ጋር በመሆን ችግሩን  ለመፍታት ጥረት ይደረጋል ብለዋል፡፡ በጉባኤው ማጠቃለያ ላይ የትምህርት ሚኒስቴር ሚኒስትር አቶ ሽፈራው ሽጉጤ እንደተናገሩት ባለፉት ስድስት ወራት መልካም አስተዳደርን  ከማስፈን አንፃር በዩኒቨርሲቲዎች ውስጥ ከተማሪዎች ተሳትፎ፣ ምግብና መኝታ እንዲሁም ግዢ ጋር ተያይዞ ይነሱ የነበሩ ችግሮች መሻሻል እያሳዩ መሆኑን ገልጸው አሁንም ያልተፈቱ ችግሮች በመኖራቸው ትኩረት ሰጥቶ መስራት እንደሚገባ አሳስበዋል፡፡

የመልካም አስተዳደር ፓኬጅን መሠረት በማድረግ የከፍተኛ ትምህርት ተቋማት ዕቅድ አዘጋጅተው ወደ ተግባር መግባታቸውን የገለፁት አቶ ሽፈራው  ውጤታማ ስራ መስራት የቻሉ ዩኒቨርሲቲዎች መኖራቸውንም ጠቁመዋል፡፡ በተማሪዎች፣ በመምህራን፣ በአስተዳደር ሠራተኞች እና በአካባቢው ማህበረሰብ ሲነሱ የነበሩና ቀደም ሲል በሰራተኛ ቅጥር፣ ዕድገትና ዝውውር፣ በተማሪዎች አገልግሎት አሰጣጥ ረገድ ሲስተዋሉ የነበሩ የመልካም አስተዳደር ችግሮች ለመቅረፍ ባለፉት ስድስት ወራት የተከናወኑ ተግባራትና የተገኘውን ውጤት የሚያሳይ የሱፐርቪዥን ሪፖርት ቀርቦም በጉባኤተኞቹ ውይይት ተካሂዶበታል፡፡

የመልካም አስተዳደር ማሻሻያ ፓኬጅን ተግባራዊ በማድረግ ረገድ ተጨባጭ የሆነ ለውጥ ለማምጣት የተደረጉ ጥረቶችን ለመመልከት መድረኩ መዘጋጀቱን አቶ ሽፈራው ጠቁመው የሱፐርቪዥኑ ሪፖርት ጉድለቶች ቢኖሩም አበረታች ለውጦች መኖራቸውን የሚያሳይ በመሆኑ ለውጦቹን አጠናክረን መቀጠል አለብን ብለዋል፡፡

እያንዳንዱ ዩኒቨርሲቲ ሁሉንም የሠራዊት አቅሞች በተደራጀ መንገድ እያንቀሳቀሰ መሆኑን መፈተሽ አለበት ያሉት ሚኒስትሩ ባለፉት ዓመታት የተገኙ የትምህርት ልማት ሠራዊት መልካም አፈፃፀሞች ላይ ጥናት በማካሄድ ሊሻሻሉና ሊጠናከሩ የሚገቡ ጉዳዮችን መለየት እንደሚያስፈልግ ተናግረዋል፡፡ የከፍተኛ ትምህርት ሚኒስትር ዴኤታ ክቡር / ካባ ኡርጌሳ እያንዳንዱ ዩኒቨርሲቲ ከሚያከናውነው መደበኛ ተግባር በተጓዳኝ ስትራቴጂያዊ ጉዳዮች ላይ ሊያተኩር እንደሚገባ  ተናግረዋል፡፡

ከፍተኛ ትምህርት ተቋማት ለጥናትና ምርምር ስራዎች ትኩረት ሰጥተው ሊሰሩ እንደሚገባ ያሳሰቡት / ካባ ለዚህም የዩኒቨርሲቲ የምርምር ምክትል ፕሬዚዳንቶችን ያካተተ የምርምር ካውንስል መቋቋሙን አስታውቀዋል፡፡ እያንዳንዱ ዩኒቨርሲቲ ከፕሮፖዛል ጀምሮ እስከ ቴክኖሎጂ ሽግግር ድረስ የሚዘልቅ የምርምር ስራ ለመስራት ማቀድ እንዳለበት የተናገሩት / ካባ  በቀጣይ መልካም ተሞክሮዎችን ለመለዋወጥ የሚረዱ መድረኮች እንደሚዘጋጁም አስታውቀዋል፡፡ መልካም አስተዳደርን በተመከለተ በከፍተኛ ትምህርት ተቋማት ውስጥ ለውጥ እየታየ ቢሆንም  ከዩኒቨርሲቲ ማህበረሰብ ለሚቀርቡ ቅሬታዎች ምላሽ የማይሰጡ አመራሮች መኖራቸውን ነው / ካባ የጠቆሙት፡፡  በመሆኑም የከፍተኛ ትምህርት ተቋማት አመራሮች ለሚነሱ ቅሬታዎች በቂ ምላሽ በመስጠት ለሌሎች ተቋማት አርአያ ሊሆኑ ይገባል ብለዋል፡፡

በዩኒቨርሲቲዎች የሚሰጠው ቲቶሪያል ትምህርት ለሴቶች በሚፈለገው መጠን አየተሰጠ እንዳልሆነ የተናገሩት ሚኒስትር ዴኤታው በማንም በጎ ፈቃድ የሚሰጥ ሳይሆን ህገ መንግስታዊ መብት በመሆኑ የግድ መተግበር አለበት ብለዋል፡፡


ዜናዎች

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡