በትምህርት ዘርፍ የስርዓተ ጾታ እኩልነትን ለማረጋገጥ የሚያስችሉ ሰነዶችን ሊተገበሩ ነው

በትምህርት ዘርፍ የስርዓተ ጾታ እኩልነትን ለማረጋገጥ የሚያስችሉ ሰነዶችን ሊተገበሩ ነው

በትምህርት ሚኒስቴር የስርዓተ ጾታ ዳይሬክቶሬት በትምህርትና ስልጠና ዘርፍ የስርዓተ ጾታ እኩልነትን ለማረጋገጥ በሚደረጉ እንቅስቃሴዎች ተቋማዊ የአሰራር ስርዓት ለመዘርጋት የሚያስችሉ አምስት ሰነዶች ለሚኒስቴር /ቤቱ መካከለኛ አመራር አካላት እያስተዋወቀ ነው፡፡article (1)

በትውውቅ መድረኩ መግቢያ ላይ የስርዓተ ጾታ ዳይሬክተሯ / ኤልሳቤጥ ገሰሰ እንደገለፁት የተዘጋጁት ሰነዶች የስርዓተ ጾታ ማካተቻ ማንዋል፣ የሴቶች የትምህርት ስትራቴጂ፣ በትምህርት ቤቶች የሚፈጸም ጥቃትን ለመከላከል የወጣ መመሪያ፣ የስርዓተ ጾታ ምላሽ መስጫ ማሰልጠኛ ማንዋል እና ለሴቶች ድጋፍ መስጫ መመሪያ ናቸው። የመድረኩ ዋና ዓላማም መካከለኛ አመራሩ የሴቶችን እኩል ተሳታፊነትና ተጠቃሚነት ለማረጋገጥ መንግስት ካወጣቸው  ህጎች በተጨማሪ እነዚህን ሰነዶች በማስፈጸም ለስርዓተ ጾታ እኩልነት መስፈን የድርሻቸውን እንዲወጡ ለማድረግ ነው ብለዋል፡፡

ዳይክቶሬቱ በመጀመሪያው የአምስት ዓመት እድገትና ትራንስፎርሜሽን እቅድና በአራተኛው የትምህርት ዘርፍ ልማት መርሀ ግብር በትምህርትና ስልጠና ዘርፉ የስርዓተ ጾታ እኩልነትን ለማስፈን ተቋማዊ የአሰራር ስርዓት ለመዘርጋት እነዚህን ሰነዶች ለማሻሻልና ለማዘጋጀት አቅዶ ሲንቀሳቀስ መቆየቱን ዳይሬክተሯ አስረድተዋል፡፡

በዳይሬክቶሬቱ የክትትልና ድጋፍ ባለሙያ የሆኑት አቶ ተመስገን ክበበው በበኩላቸው የሰነዶቹ ዝግጅትና ትውውቅ መደረግ በቀጣይ አምስት ዓመታት ውስጥ አመራርና ድጋፍ ሰጪው ክፍል የስርዓተ ጾታ ጉዳዮችን በሶስት ዋና ዋና ፕሮግራሞች አካተው እንዲሰሩ በእውቀት፣ በክህሎትና በአመለካከት ያላቸውን ግንዛቤ በማሳደግ 2015 የዘላቂ ልማት ግቦች ጋር ለማጣጣም መሆኑን ተናግረዋል፡፡

አሁን እየተዋወቁ ካሉት አምስት ሰነዶች በተጨማሪ ቀደም ሲል የህይወት ክህሎት ስልጠና ማንዋል፣ እያወቃችሁ እደጉ መጽሀፈ እድ እና ስትራቴጂያዊ አተገባበር ማእቀፍ የተሰኙ ሰነዶች ተዘጋጅተው አስከ ክልል ድረስ ላሉ /ቤቶች ተሰራጭተው አገልግሎት ላይ መዋላቸውንም አቶ ተመስገን ጨምረው ገልጸዋል፡፡ ከመድረኩ ተሳታፊዎች መካከል / አሰፋሽ ተካልኝ እና አቶ እሸቱ ይመር የሀገራችንን እድገት ለማስቀጠል የሴቶች የልማት ተሳታፊነት ወሳኝ መሆኑን ጠቅሰው በቀጣይ የስርዓተ ጾታ ጉዳይን ከልማት እቅዶቻቸው ጋር በማካተት የተናበበና የተጠናከረ ስራ እንደሚሰሩ ተናግረዋል፡፡


ዜናዎች

የዩኒቨርሲቲ ተማሪዎች ለኤች አይቪ/ኤድስ ተጋላጭነት፤

የከፍተኛ ትምህርት ተቋማት የኤችአይቪ/ኤድስና ተያያዥ ጉዳዮች ዕቅድ አተገባበርና ውጤት በሚል ርዕሥ በአዳማ ከተማ ውይይት እየተደረገ ይገኛል፡፡ የትምህርት ሚኒስቴር ደኤታ አቶ ተሸማ ለማ በመድረኩ መክፈቻ ንግግራቸው እንደ ገለጹት በዚህን ሰዓት በሀገራችን 28 ሚሊዮን ማለትም ከ1/3ኛ በላይ ዜጎች በትምህርት ገበታ ላይ የሚገኙና ከእነዚህም በአፍላ ዕድሜ ክልል ውስጥ ያሉት አምራች ሃይል የሆኑት ወጣቶች ለኤችአይቪ/ኤድስ በሽታ ተጋላጭ እንደሆኑ ገልጸዋል፡፡ ዩኒቨርሲቲዎችም ተማሪዎች በሲስተር-ሲስተር፣ አቻ ለአቻ፣ የህይወት ክህሎት ፕሮግራሞች እንዲመካከሩ፣ የማስተባበሪያ አደረጃጀቶች እና ክበባትን ማቋቋም፣መርሀ-ግብር ማዘጋጀትና በዕቅድ አካተው የተሰራ ቢሆንም ተጋላጭነቱን ለመግታት የባህሪይ ለውጥ አሁንም አለመምጣቱን ገልጸዋል፡፡

የትምህርት ሚኒስቴር ሰራተኞች በ2010 በጀት ዓመት እቅድ አፈፃፀም ላይ ተወያዩ፤

የኢ.ፌ.ዴ.ሪ. ትምህርት ሚኒስቴር በ2010 በጀት ዓመት በቁልፍና አበይት ተግባራት ያከናወናቸውን ተግባራት የሚኒስቴር መስሪያ ቤቱ ከፍተኛ አመራሮችና መላው ሰራተኞች በተገኙበት ገምግሟል ፡፡ በግምገማው በርካታ ስኬታማ ስራዎች ቢሰሩም ከትምህርት ጥራት፣ ከትምህርት ግብዓት ማሟላት እንዲሁም ከባለሙያዎች ክህሎት ማነስ ጋር የተያያዙ መጠነ ሰፊ ችግሮች የነበሩበት በመሆኑ ሚኒስቴር መስሪያ ቤቱ ሪፎርም ማድረግ እንደሚገባውም ተጠቅሷል፡፡

የኢፌዲሪ ጠቅላይ ሚኒስትር ከከፍተኛ ትምህርት ተቋማት መምህራን ጋር ያደረጉት ውይይት፡

ተሳታፊ መምህራን ከ45ቱ የመንግስትና ከ4ቱ የግል ከፍተኛ ትምህርት ተቌማት የተውጣጡ 3ሺ175 ያህል ናቸው። በውይይቱም በርካታ ጥያቄዎች የተነሱ ቢሆንም ለተነሱት ጥያቄዎች የመምህርነት ሙያ የተከበረ እንደሆነና በቀጣይ በትምህርት ዘርፉ ለሚያጋጥሙና ለሚስተዋሉ ችግሮች መምህራን እና የከፍተኛ ትምህርት ተቌማት አመራር በጋራ ችግሮችን መፍታት እንደሚገባ ጠ/ሚኒስትሩ ገልፀዋል።

የሐረማያ ዩኒቨርሲቲ ተማሪዎች ምርቃት፡

የሐረማያ ዩኒቨርሲቲ በመደበኛና በተከታታይ መርሃ-ግብር 8,152 ተማሪዎችን በዩኒቨርሲቲው ቅጥር ግቢ ሐምሌ 7/2010 ዓ.ም አስመርቋል፡፡ በምረቃ ስነ-ስርዓቱ ላይ ክብርት ወ/ሮ ጠይባ ሐሰን የኦሮሚያ ብሔራዊ ክልላዊ መንግሥት ምክትል ፕሬዝዳንት በክብር እንግድነት የተገኙ ሲሆን ለተመራቂዎችም የስራ መመሪያ መልዕክት አስተላልፈዋል፡፡