በኢንስፔክሽን ስራ ብዙ የትምህርት ጥራት ውጤቶች መታየት እንደጀመሩ ተገለጸ

በኢንስፔክሽን ስራ ብዙ የትምህርት ጥራት ውጤቶች መታየት እንደጀመሩ ተገለጸ

በኢ.ፌ.ዴ.ሪ. ትምህርት ሚኒስቴር የአጠቃላይ ትምህርት ኢንስፔክሽን በዳይሬክቶሬት ደረጃ ከተቋቋመበት ከ2004ዓ.ም ጀምሮ የትምህርት ጥራት ላይ አትኩሮ በመስራቱ ሰፊ ለውጥ እያመጣ መሆኑ ተገለጸ፡፡

የዳይሬክቶሬቱ ዳይሬክተር አቶ አስፋው መኮንን የ2010 ትምህርት ዘመን የ9 ወር ዕቅድ አፈጻጸም ግምገማ እና የተሻለ ተሞክሮ ካለው የአዲስ አበባ ከተማ የትምህርት ጥራትና አግባብነት ሬጉላቶሪ ኤጀንሲ ከክልሎችና የድሬ ዳዋ ከተማ ትምህርት ኢንስፔክሽን ጋር ከ15-19/2010ዓ.ም በተካሄደው የልምድ ልውውጥ መድረክ ላይ እንደተናገሩት ባለፉት 5 ዓመታት ዳረክቶሬቱ በሰራቸውና በወሰዳቸው የተለያዩ እርምጃዎች ትምህርት ጥራት ከማስጠበቅ አንጻር እምርታ ውጤቶች እየታዩ መምጣታቸውን ገልጸዋል፡፡

በትምህርት ኢንስፔክሽን በተካሄደው የትምህርት ቤቶች ደረጃ ፍረጃ ባሉበት ደረጃ የሚቆዩትን እና ከደረጃቸው የሚያፈገፍጉ ትምህርት ቤቶች ላይ በመስራት፣ በህብረተሰቡ ዘንድ ግንዛቤ መፍጠር እና የባለሙያዎችን የክህሎት ክፍተት መሙላት ንቅናቄዎች ላይ በመስራት ለበለጠ ውጤታማነት ወደ ስራ የተገባ መሆኑን ዳይሬክተሩ ተናግረዋል፡፡በዚህም የግምገማ ግብረመልስ ተቀብለው ጥሩ ውጤት ዳይሬክቶሬቱ ከክልሎች ጋር በቅርበት መስራት የግንዛቤ ክፍተቶችን እንደሞላላቸው፣ የሁሉም ትምህርት ቤቶች ኮድ መዘጋጀት እንደ ሀገሪቱ የትኛው ትምህርት ቤት በኢንስፔክሽን ክፍተት እንደሚያሳይ ይገልጻል፣ አሁንም ለበለጠ ውጤታማነት የአዲስ አበባ የትምህርት ጥራት እና አግባብነት ሬጉሌቶሪ ኤጀንሲ ተሞክሮ ከትምህርት ሚኒስቴር ጀምሮ በሁሉም ክልሎች ቢስፋፋ፣ ለአመራሮችም ተመሳሳይ የግንዛቤ መድረክ ቢዘጋጅ፣ የኢንስፔክሽን ግብረመልስ ተቀብለው የማይተገብሩት ትምህርት ቤቶችና ባለድርሻዎች ወደ ስራ የሚስያገባ የተጠያቂነት አሠራር ቢጠብቅ በማለት ተሳታፊዎቹ መድረኩን በአድናቆት ገልጸዋል፡፡

35 ሺ አከባቢ ትምህርት ቤቶችን ይዘን የወጣለት ስራ ሠርተናል ማለት አይቻልም፣ ሆኖም ግን ወደ ፊት የሚያራምዱን ሰፊ ሁኔታዎች በብዙ ጥረት እንደተዘጋጁ በመግለጽ ባሉበት ደረጃ የሚቆዩ ብቻ ሳይሆን የሚያፈገፍጉ ትምህርት ቤቶች መኖራቸውን፣ ለአሰራር ግልጽ ያልሆኑ መረጃዎች ከክልሎች አልፎ አልፎ እንደሚታዩ በዳይሬክቶሬቱ ባለሙያዎች በአቶ አላምረው እና በወ/ሮ ገነት የተጠቆመ ሲሆን እነዚህን በምክንያታዊ መረጃ ማቅረብ እንደሚገባ ዳይሬክተሩ አሳስበዋል፡፡

ከክልሎቹ በቀረበው ሪፖርት መሠረት በተለያዩ ደረጃዎች ያሉ ትምህርት ቤቶች ከነተማሪዎቻቸው ዳታ በቀረበው የኢትዮጵያ ሱማሌ ክልል ሪፖርት ምን ያህል ተማሪዎች እንዳላቸው ጭምር መግለጹ ለአመራሮች በቀላሉ ግንዛቤ ማስያዝ እንደሚቻል አድንቀውታል፡፡ የትምህርት ጥራት እና አግባብነት በኢንስፔክሽን እንዴት ውጤታማ መሆን ይችላል በሚለው ዙሪያ በዳየይሬክቶሬቱ ባለሙያ በአቶ ሲሳይ የቀረበውን የጥናት ዕቅድ በመተቸት መድረኩ ተጠናቋል፡፡            

ዜናዎች

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡