ከተባበሩ እጆች በስተጀርባ ሁል ጊዜ ስኬት አለ

ከተባበሩ እጆች በስተጀርባ ሁል ጊዜ ስኬት አለ

የአርቦዬ 1 ደረጃ ትምህርት ቤት በኦሮሚያ ብሔራዊ ክልላዊ መንግስት በአርሲ ዞን ጀጁ ወረዳ አርቦዬ ከተማ ውስጥ ይገኛል፡፡ ትምህርት ቤቱ 2009. በትምህርት ስራ አፈጻጸም እንደ ሀገር ተሸላሚ ሆኗል፡፡
አካባቢው የወይናደጋ አየር ጠባይ ያለውና ለኑሮ ተስማሚ የሆነው ጀጁ ወረዳ ከዞኑ ርዕሠ መስተዳድር ከአሰላ ከተማ በስተ ሰሜን ምስራቅ 120 / ርቀት ላይ ይገኛል፡፡ በከተማው የተለያዩ ብሔርና ብሔረሰብ በይበልጥ አማራና ኦሮሞ ለዘመናት ተቻችለውና ተከባብረው እየኖሩባት ይገኛሉ፡፡
የአርቦዬ 1 ደረጃ ትምህርት ቤት 2008. በኦሮሚያ ብሔራዊ ክልላዊ መንግስት መስተዳድር ውስጥ ከሚገኙት 1 ደረጃ ትምህርት ቤቶች በትምህርት ስራ አፈጻጸም ተወዳድሮ 1 ደረጃ በመውጣት እንደ ክልል ብሎም እንደ ሀገሪቱ ተሸላሚ ሆኗል፡፡ ትምህርት ቤቱ ደረጃውን በማስጠበቅ 2009 የትምህርት ዘመን ዳግም 1 ወጥቷል፡፡
የትምህርት ቤቱ ርዕሠ መምህር አቶ ሙሳ ፌኮ ትምህርት ቤቱ 1 ደረጃ የሚወጣበትን ሚስጥር ሲገልጹ የሁሉም የትምህርት ባለ ድርሻ አካላት ያልተገደበ ጥረት ታክሎበት ትምህርትቤታችን ለዚህ ማዕረግ በቅቷል፣ አሁንም እድሉ በእጃችን ነው ይላሉ፡፡ የትኛውም የትምህርት ቤቱ ስራና እንቅስቃሴ በዕቅድና በውይይት ብቻ በመተባበር ነው የሚፈጸመው ያሉት ደግሞ የቀድሞው የትምህርት ቤቱ ርዕሠ መምህር የአሁኑ የወረዳው ትምህርት ጽህፈት ቤት ሃላፊ አቶ ዑመር አሊይ ናቸው፡፡ አቶ ዑመር አክለውም ከላይ በውይይት የዳበረው የስራ ዕቅድ በበሳል አካሄድ እስከ ታችኛው ፈጻሚ አካል መውረዱ ሁሉም የትምህርት ባለድርሻ አካላት የያገባኛል መንፈስን እና ይቻላልን በውስጣቸው በመሰነቅ ለዚህ ደረጃ እንዲንበቃ ተረባርቧል ይላሉ፡፡
በትምህርት ቤቱ ጠንካራ የትምህርት ልማት አደረጃጀት መገንባቱ ለመማር ማስተማር ስራ ውጤታማነት አበርክቷል፣ የሁሉን ባለድርሻ አካላት፤ የተማሪዎች፣ የወ... የመምህራን፣ የድጋፍ ሰጭ ሠራተኞች ተነሳሽነትና በመናበብ እንደሚሰሩ እያንዳንዳቸው በግልጽ ከሚያደርጉት ገለጻና ካሳዩን የስራ አፈጻጸም ተረድተናል፡፡ አሁንም ዋንጫውን ላለመልቀቅ የበለጠ በርትተው እንደሚሠሩ ሲገልጹልን እምቅ ሃይል እንዳላቸው በመረዳት ለካስ ከተባበሩት እጆች በስተጀርባ እምርት ውጤት ይገኛል፣ ሶስተኛውን ዋንጫ በማስቀረት ታሪክ ስሩ በማለት እኛም አርቦዬዎች በርቱ ተበራቱ ብለናቸዋል፡፡


ዜናዎች

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡