የትምህርት ሚኒስቴርና የተጠሪ ተቋማት አመራርና ሠራተኞች የችግኝ ተከላ አካሄዱ

የትምህርት ሚኒስቴርና የተጠሪ ተቋማት አመራርና ሠራተኞች የችግኝ ተከላ አካሄዱ

ሚኒስቴር መስሪያ ቤቱ አዲሱን ዓመት ለመቀበል በዕቅድ ከያዛቸው ልዩ ልዩ ዝግጅቶች መካከል የችግኝ ተከላና ከዚህ በፊት የተተከሉትን ችግኞች መንከባከብ የሚገኝበት ሲሆን በዛሬው ዕለት ነሐሴ 19/2009. ከኣንድ በላይ የሚሆኑ የተለያዩ ሀገር በቀል ችግኞችን በአዲስ አበባ ሳይንስና ቴክኖሎጂ ዩኒቨርሲቲ ግቢ ውስጥ የትምህርት ሚኒስቴር ሚኒስትር ክቡር ዶክተር ጥላዬ ጌቴ፤ ሚኒስቴር ዴኤታዎች እና የተጠሪ ተቋማት አመራሮችና ሠራተኞች በተገኙበት የችግኝ ተከላ ፕሮግራሙ ተካሂዷል፡፡
ችግኝ ተከላው የሁሉም ዜጋ ሀላፊነት በመሆኑ ከአከባቢ አየር ንብረት ጥበቃ አንጻር የመንከባከብ ግዴታ አለብን፤ የካርቦን ልቀት መጠን መቋቋምና የአረንጓዴ ልማትን ከማፋጠን አኳያ አንድ ዛፍ ቀርቶ አንድ ዛፍም አስተዋጽዖ እንደሚኖረው በማብራራት ይህንን እውን ለማድረግ ከአከባቢያችን አልፎም እንደ አገር የደን መመናመንና የአከባቢ ጥበቃ ችግርን ለመቅረፍ ዛፍ ከመትከሉ ባሻገር መንከባከቡ ላይ መተኮር እንደሚገባም ሚኒስትሩ መልዕክት አስተላልፈዋል፡፡
ሚኒስቴር መስሪያ ቤቱ 2010 አዲስ ዓመት አቀባበል ያቀዳቸውን በርካታ የበጎ ፍቃድ አገልግሎቶች እስከ ጳጉሜ 5/2009. ድረስ በአርአያነት እንደሚያከናውንና በቀጣይ በትምህርት ዘርፉ ቀጣይነት እንዲኖራቸው ለማስቻል አስፈላጊውን ክትትልና ድጋፍ እንደሚያደርግ አስታውቋል፡፡


ዜናዎች

የዩኒቨርሲቲ ተማሪዎች ለኤች አይቪ/ኤድስ ተጋላጭነት፤

የከፍተኛ ትምህርት ተቋማት የኤችአይቪ/ኤድስና ተያያዥ ጉዳዮች ዕቅድ አተገባበርና ውጤት በሚል ርዕሥ በአዳማ ከተማ ውይይት እየተደረገ ይገኛል፡፡ የትምህርት ሚኒስቴር ደኤታ አቶ ተሸማ ለማ በመድረኩ መክፈቻ ንግግራቸው እንደ ገለጹት በዚህን ሰዓት በሀገራችን 28 ሚሊዮን ማለትም ከ1/3ኛ በላይ ዜጎች በትምህርት ገበታ ላይ የሚገኙና ከእነዚህም በአፍላ ዕድሜ ክልል ውስጥ ያሉት አምራች ሃይል የሆኑት ወጣቶች ለኤችአይቪ/ኤድስ በሽታ ተጋላጭ እንደሆኑ ገልጸዋል፡፡ ዩኒቨርሲቲዎችም ተማሪዎች በሲስተር-ሲስተር፣ አቻ ለአቻ፣ የህይወት ክህሎት ፕሮግራሞች እንዲመካከሩ፣ የማስተባበሪያ አደረጃጀቶች እና ክበባትን ማቋቋም፣መርሀ-ግብር ማዘጋጀትና በዕቅድ አካተው የተሰራ ቢሆንም ተጋላጭነቱን ለመግታት የባህሪይ ለውጥ አሁንም አለመምጣቱን ገልጸዋል፡፡

የትምህርት ሚኒስቴር ሰራተኞች በ2010 በጀት ዓመት እቅድ አፈፃፀም ላይ ተወያዩ፤

የኢ.ፌ.ዴ.ሪ. ትምህርት ሚኒስቴር በ2010 በጀት ዓመት በቁልፍና አበይት ተግባራት ያከናወናቸውን ተግባራት የሚኒስቴር መስሪያ ቤቱ ከፍተኛ አመራሮችና መላው ሰራተኞች በተገኙበት ገምግሟል ፡፡ በግምገማው በርካታ ስኬታማ ስራዎች ቢሰሩም ከትምህርት ጥራት፣ ከትምህርት ግብዓት ማሟላት እንዲሁም ከባለሙያዎች ክህሎት ማነስ ጋር የተያያዙ መጠነ ሰፊ ችግሮች የነበሩበት በመሆኑ ሚኒስቴር መስሪያ ቤቱ ሪፎርም ማድረግ እንደሚገባውም ተጠቅሷል፡፡

የኢፌዲሪ ጠቅላይ ሚኒስትር ከከፍተኛ ትምህርት ተቋማት መምህራን ጋር ያደረጉት ውይይት፡

ተሳታፊ መምህራን ከ45ቱ የመንግስትና ከ4ቱ የግል ከፍተኛ ትምህርት ተቌማት የተውጣጡ 3ሺ175 ያህል ናቸው። በውይይቱም በርካታ ጥያቄዎች የተነሱ ቢሆንም ለተነሱት ጥያቄዎች የመምህርነት ሙያ የተከበረ እንደሆነና በቀጣይ በትምህርት ዘርፉ ለሚያጋጥሙና ለሚስተዋሉ ችግሮች መምህራን እና የከፍተኛ ትምህርት ተቌማት አመራር በጋራ ችግሮችን መፍታት እንደሚገባ ጠ/ሚኒስትሩ ገልፀዋል።

የሐረማያ ዩኒቨርሲቲ ተማሪዎች ምርቃት፡

የሐረማያ ዩኒቨርሲቲ በመደበኛና በተከታታይ መርሃ-ግብር 8,152 ተማሪዎችን በዩኒቨርሲቲው ቅጥር ግቢ ሐምሌ 7/2010 ዓ.ም አስመርቋል፡፡ በምረቃ ስነ-ስርዓቱ ላይ ክብርት ወ/ሮ ጠይባ ሐሰን የኦሮሚያ ብሔራዊ ክልላዊ መንግሥት ምክትል ፕሬዝዳንት በክብር እንግድነት የተገኙ ሲሆን ለተመራቂዎችም የስራ መመሪያ መልዕክት አስተላልፈዋል፡፡