ዜናዎች ዜናዎች

በቤኒሻንጉል ጉምዝ ብሔራዊ ክልላዊ መንግሥት ለሚገኙ የ”ኦ” ክፍል መምህራንና አመቻቾች በማስተማር ሥነ-ዘዴ ላይ ሥልጠና እየተሰጠ ይገኛል

የሥራ ላይ ሥልጠናው እየተካሄደ ያለው በቤኒሻንጉል ጉምዝ ብሔራዊ ክልላዊ መንግሥት ትምህርት ቢሮ፣ በኢ... ትምህርት ሚኒስቴርና አጋር ድርጅቶች ትብብር ነው፣እየተካሄደ ያለው በክልሉ የሥራ አመራር ኢንስቲትዩት ውስጥ ሲሆን ቆይታው የአንድ ወር ያክል ከመጋቢት 25/2009 . እስከ ሚያዝያ 24/2009. ድረስ የሚቆይ ነው። ሥልጠናውን እየሰጡ ያሉት ቀደም ሲል በትምህርት ሚኒስቴር፣በዩኒሴፍና በዓለም ባንክ ትብብር በአዳማ ከተማ ላይ 10 ቀናት የአሰልጣኞች ሥልጠና የወሰዱ አግባብነት ያላቸው 44 የክልሉ የትምህርት ዘርፍ ባለሙያዎች ናቸው። በሥልጠናው ላያ እየተሳተፉ ያሉት መምህራን በተለያዩ የክልሉ ዞኖችና ወረዳዎች ውስጥ ከሚገኙ ክፍል ደረጃ ትምህርት ቤቶች የተውጣጡ 499 (170 ወንዶችና 329 ሴቶች) ክፍል መምህራንና አመቻቾች ናቸው። ሥልጠናው በክልል ደረጃም ሆነ በሀገር አቀፍ ደረጃ ስሰጥ ለመጀመሪያ ጊዜ ሲሆን እየተካሄደ ያለውየቅድመ መደበኛ ትምህርት ለመደበኛ ትምህርት ውጤታማነት መሠረት ነውበሚል መሪ ቃል ነው።

 

የክልሉ ትምህርት ቢሮ ኃላፊ አቶ ሀብታሙ ታዬ በክልሉ የሥራ አመራር ኢንስቲትዩት ተገኝተው ሥልጠናውን በእንኳን ደህና መጣችሁ ንግግር ባስጀመሩበት ወቅት እንደተናገሩት  ከዚህ በፊት ክልሉ ለቅድመ መደበኛ ትምህርት የሚገባውን ትኩረት ሰጥቶ በሁሉም የመጀመሪያ ደረጃ ትምህርት ቤቶች ተደራሽ ባለማድረጉ በርካታ ህጻናት በሚገባቸው መልኩ የትምህርት ቤት አከባቢን ሳይተዋወቁና መደበኛ ትምህርት ለመማር የሚያስችል መሠረት ሳይጣልባቸው በቀጥታ መደበኛ ትምህርት ቤት እንዲገቡ ሲደረግ እንደነበረ ገልጸዋል።ይህም በመሆኑ በመደበኛ ትምህርት ቤቶች በርካታ ተማሪዎች ለመጠነ ማቋረጥናከትምህርት ገበታ ላይ ለመቅረት የተዳረጉ መሆኑን ጠቅሰው ከዚሁ ጋር በተያያዘ የተማሪዎች የማንበብ፣የመጻፍና የማስላት ክህሎታቸውም ሲፈተሽ ከሚጠበቀው በታች መሆኑን ገልጸዋል። እነዚህንና መሰል ችግሮችን ለመፍታትክፍልን ማስፋፋትና ክፍል መምህራንን አቅም መገንባት ወሳኝ ሥራ መሆኑን ጠቅሰው፤ ሰልጣኞቹም መንግሥት ለፕሮግራሙ የሰጠውን ልዩ ትኩረት ከግምት በማስገባት የሥልጠናው ዓለማ ከግብ እንዲደርስ በንቃት ተሳትፈው በዚህ አንድ ወር ቆይታቸው ማግኘት የሚገባቸውን ዕውቀትና ክህሎት መጨበጥ እንዳለባቸው አስገንዝበዋል። አቶ ሀብታሙ በማከል ክልሉ የሥልጠናውን የመጀመሪያ ዕድል እንዲያገኝም ሆነ በአጠቃላይ ትምህርት ጥራት ማሻሻያ ፕሮግራም በኩል ለሥልጠናው አስፈላጊው በጀት እንዲመደብ በማድረግ ለተደረገው ድጋፍ ትምህርት ሚኒስቴርና አጋር ድርጅቶችን አመስግነው፤የክልሉ መንግሥትም ሥልጠናውንም ሆነ ቀጣይ ትግበራውን በጥብቅ ዲሲፒሊን የሚከታተለው መሆኑን ገልጸዋል።

በኢ... ትምህርት ሚኒስቴር በመምህራንና ትምህርት አመራር ልማት ዳይሬክቶሬት የመምህራንና ትምህርት አመራር የሥራ ላይ ሥልጠና ከፍተኛ ባለሙያ የሆኑት / ሊዲያ ሳንቴ ለሥልጠናው ክትትልና ድጋፍ ለመስጠት በክልሉ በተገኙበት ወቅት ለሰልጣኞች እንደተናገሩት ክልሉ የሥልጠናውን የመጀመሪያ ዕድል በማግኘት በሀገር ደረጃ የመጀመሪያ ክልል እንደመሆኑ መጠን ሠልጣኞች በሚገባ ሰልጥነውና ተግብረው ውጤታማ ሆነው እንደ ሀገር የፕሮግራሙ ቀጣይነት እንዲረጋገጥ ማድረግ የሚገባቸው ከመሆኑም ባሻገር ወደ ተቀሩትም የሀገራችን ክልሎች ማስፋፋት የሚያስችል ተሞክሮ የሚወሰድበት ስለሆነ ሥልጠናውን በጥብቅ ዲሲፕሊን ወስደው ትምህርት ቤት ማውረድ እንደሚጠበቅባቸው አሳስበዋል። ሥልጠናው እስከሚጠናቀቅም ሆነ በትግበራው ወቅት ትምህርት ሚኒስቴር ከክልል ትምህርት ቢሮው ጎን በመሆን ልዩ ትኩረት ሰጥቶ  አስፈላጊውን ክትትልና ድጋፍ በማድረግ እንደሚከታተል ገልጸዋል።

 

በኢ... ትምህርት ሚኒስቴር የመምህራንና ትምህርት አመራር  ልማት ዳይሬክቶሬት አማካሪ የሆኑት አቶ ሰለሞን አበራ ለሥልጠናው ክትትልና ድጋፍ ለመሥጠት በክልሉ ተገኝተው ሰልጣኞችን ባነጋገሩበት ወቅት የቅድመ መደበኛ ትምህርት ህጻናት በአካል፣በአእምሮና በሥነ-ልቦና በፍጥነት የሚያድጉበትና የመማር ፍጥነታቸውም እጅግ በጣም ከፍተኛ በሆነበትና ለቀጣይ መደበኛ ትምህርታቸውም ሆነ ህይወታቸው መሠረት የሚጥሉበት የእድሜ ደረጃ ላይ የሚሰጥ ትምህርት መሆኑን ገልጸዋል። ስለሆነም ትምህርቱ የህጻናት ለወደ ፊት ሀለንተናዊ ዕድገት መሠረት የሚጣልበት እንደመሆኑ መጠን ትዕግስትና ብልሃት በተሞላበት አኳኃን ከመደበኛው ትምህርት በተለየ አቀራረብ ለህጸናት በሚመቻቸው ለምሳሌ በጨዋታ፣በመዝሙር፣በተረት፣በአካል እንቅስቃሴና በመሳሰሉት መልክ የሚሰጥ መሆኑን ጠቅሰው ሰልጣኞች የተጣለባቸው ኃላፊነት ወሳኝ መሆኑን አውቀው በንድፈ ሀሳብና በተግባር የሚያገኙትን ሥልጠና ሳያንጠባጥቡ ወደ ትምህርት ቤታቸው ወስደው በህጻናት ላይ ተግባራዊ ማድረግ እንደሚገባቸው አሳስበዋል። በመጨረሻም በቀጣይ ሥልጠናውን በተመሳሳይ መልኩ ወደ ሌሎች ክልሎች ለማስፋፋት እቅድ የተያዘ መሆኑን ጠቁመዋል።



No comments yet. Be the first.
ዜናዎች

ከ2011 ዓ.ም ጀምሮ በከፍተኛ ትምህርት በሁሉም የትምህርት ዓይነቶች ለሚሰጠው የመውጫ ምዘና / EXIT EXAM / በተመለከተ የተሰጠ መግለጫ

በህክምናና በህግ ትምህርት ተሞክሮ ከፍተኛ ውጤት ያስገኘው የከፍተኛ ትምህርት የመውጫ ምዘና / EXIT EXAM / ከ2011 ዓ.ም ጀምሮ በሁሉም የትምህርት ዓይነቶች እንደሚካሄድ የከፍተኛ ትምህርት ዘርፍ ሚኒስትር ደኤታው ክቡር ዶክተር ሳሙኤል ክፍሌ አስታወቁ፡፡ የትምህርት ሚኒስትር ደኤታ ክቡር ዶክተር ሳሙኤል ክፍሌ ዛሬ ለጋዜጠኞች በሰጡት መግለጫ ከመጪው 2011 የትምህርት ዘመን ጀምሮ ተግባራዊ የሚደረገው የመውጫ ምዘና / EXIT EXAM / የከፍተኛ ትምህርት ምሩቃን በዩኒቨርስቲ ቆይታቸው ተፈላጊውን ዕውቀት ክህሎትና አመለካከት እንዲላበሱ ያስችላል፡፡

የነጭ ሪቫን ቀን ተከበረ

የኢ.ፌ.ዴ.ሪ. ትምህርት ሚኒስቴር የተጠሪ ተቋማትና የዋናው ጊቢ ሠራተኞች በአንድ ላይ የነጭ ሪቨን ቀን አከበሩ፡፡ የነጭ ሪቫን ቀን ‹‹ በሴቶች ላይ የሚደርሱ ጥቃቶቸን ለመከላከልና ለማስወገድ የወንዶች አጋርነትን ማጠናከር ›› በሚል የዓመቱ መሪ ቃል በአለም አቀፍ ደረጃ ለ26ኛ በሀገራችን ደግሞ ለ12ኛ ጊዜ ከህዳር 16-27 ተከብሮ ይውላል ያሉት በትምህርት ሚኒስቴር የስርዓተ-ጾታ ዳይሬክቶሬት ባለሙያ የሆኑት አቶ ብርሃኑ ናቸው፡፡

በከፍተኛ ትምህርት ተቋማት ለሚካሄዱ የትምህርትና ሥልጠና ሥራዎች ውጤታማነት ተማሪዎች፣ መምህራን ፣ወላጆችና ህብረተሰቡ ኃላፊነታቸውን በላቀ ደረጃ ሊወጡ እንደሚገባ ተገለጸ

በከፍተኛ ትምህርት ተቋማት ለሚካሄዱ የትምህርትና ሥልጠና ሥራዎች ውጤታማነት ተማሪዎች፣ መምህራን ፣ወላጆችና ህብረተሰቡ ኃላፊነታቸውን በላቀ ደረጃ ሊወጡ እንደሚገባ የትምህርት ሚኒስትሩ ክቡር ዶ/ር ጥላዬ ጌቴ አስታወቁ፡፡ የከፍተኛ ትምህርት ተቋማት ህብረ-ብሔራዊነትና ኢትዮጵያዊነት የሚገነባባቸው ተቋማት እንጂ ተግባራቸው በጥቂት ችግር ፈጣሪዎች የሚስተጓጎል አለመሆኑንም ገለጹ 141ሺህ አዲስ ተማሪዎችን ጨምሮ ከ700 ሺህ በላይ ተማሪዎች በመንግስት ዩኒቨርስቲዎች በመማር ላይ መሆናቸውን ጠቁመዋል፡፡

ከ2011 የትምህርት ዘመን ጀምሮ በሁሉም የቅድመ ምረቃ ትምህርት መስኮች የብቃት መለኪያ አጠቃላይ ምዘና (የመውጫ ፈተና) ልተገበር ነው

ከ2011 የትምህርት ዘመን ጀምሮ በሁሉም የቅድመ ምርቃ ትምህርት መስኮች ተማሪዎች ከመመረቃቸው በፊት የብቃት መለኪያ አጠቃላይ ምዘና (የመውጫ ፈተና) ወስደው አጥጋቢና ከዚያ በላይ ውጤት ማስመዝገብ እንደሚጠበቅባቸው የኢ.ፌ.ዴ.ሪ ትምህርት ሚኒስቴር አስታወቀ። የከፍተኛ ትምህርት ጥራትን በተለይም የምሩቃንን ብቃትና ተወዳዳሪነት ለማረጋገጥ ተማሪዎች ትምህርታቸውን ካጠናቀቁ በኋላ አጠቃላይ ምዘና ወይም የመውጫ ፈተና መስጠት የምሩቃንን ዕውቀት፣ ክህሎትና አመለካከት ለመመዘን የላቀ ሚና ከመጫወቱም በተጨማሪ የተመራቂ ተማሪዎች በራስ መተማመን ያጎለብታል፡፡

የምርምርና የፈጠራ ስራ ውድድር ኤግዚቪሽን ተካሄደ

የሂሳብና ሣይንስ ትምህርቶች ማሻሻያ ማዕከል ከስቴምስ ሲነርጂ ፣ከዩኔስኮ እና ከኢትዮጵያ ሣይንስ አካዳሚ ጋር በመተባበር "በሣይንስና ቴክኖሎጂ ፈጠራ የበለፀገ ህብረተሰብ ለዘላቂ ሠላምና ልማት "በሚል መሪ ቃል አገር አቀፍ የምርምርና ፈጠራ ስራ ውድድር ኤግዚቪሽን በኢትዮጵያ ሣይንስ አካዳሚ ተካሄደ፡፡ የምርምርና የፈጠራ ስራ አውደ- ርዕይ መከፈቱን አስመልክቶ የእንኳን ደህና መጣችሁ መልዕክት ያስተላለፉት ፕሮፌሰር ማስረሻ ፈጠነ የኢትዮጵያ ሣይንስ አካዳሚ ዋና ዳይሬክተር ሲሆኑ የኢትዮጵያ ሣይንስ አካዳሚ የኢትዮጵያን ሣይንስ ለማበልፀግ የተቋቋመ መሆኑን አስታውሰው ይህ ማዕከል የህብረተሰቡን የሳይንስና ቴክኖሎጂ ፈጠራ እንዲሁም ቴክኖሎጂን የመጠቀም አቅሙን ለማጎልበት ለማስተማርና የሣይንስ ፖርሽን ለመፍጠር የተሰራ ሲሆን ቋሚ የሳይንስ ማዕከል ለመፍጠር ሰፊ እንቅስቃሴ እየተደረገ ነው፡፡ በመሆኑም በቅርቡም የሳይንስ ማዕከሉ ወደ ስራ ይገባል በዚህም ወጣቱ ወደ ሣይንስ በሄደ ቁጥር የሀገራችን ተስፋ እየለመለመ ይሄዳል ብለዋል፡፡