27ኛው አገር አቀፍ የቴክኒክና ሙያ ትምህርትና ስልጠና ዘርፍ ጉባዔ ተካሄደ፡፡

27ኛው አገር አቀፍ የቴክኒክና ሙያ ትምህርትና ስልጠና ዘርፍ ጉባዔ ተካሄደ፡፡

27ኛው አገር አቀፍ የቴክኒክና ሙያ ትምህርትና ስልጠና ዘርፍ ጉባዔ በቤንሻንጉል ጉሙዝ ብሄራዊ ክልላዊ መንግስት መዲና በአሶሳ ዛሬ ተጀመረ፡፡ ጉባዔውን የክልሉ ቴክኒክና ሙያ ትምህርትና ስልጠና ቢሮና ኢንተርፕራይዝ ኃላፊ / ፍሬህይወት አበበ በይፋ አስጀምረዋል፡፡
በትምህርት ሚኒስቴር የቴክኒክና ሙያ ትምህርትና ስልጠና ዘርፍ ሚኒስቴር ዴኤታ አቶ ተሾመ ለማ በመክፈቻ ንግግራቸው የቴክኒክና ሙያ ትምህርትና ስልጠና ተቋማት ተደራሽነት፣ ብቃትና ውጤታማነት ወደ ላቀ ደረጃ ከማሸጋገር አንፃር ጅምር አበረታች ስራዎችና ውጤቶች መገኘቱን ገልፀዋል፡፡ የቴክኒክና ሙያ ትምህርትና ስልጠና ዘርፍ እንደ ሀገር ለማምጣት የታሰበውን መዋቅራዊ የሆነ የኢኮኖሚ ሽግግር እውን ለማድረግ በብዛት፣ በጥራትና በብቃት የሰለጠነ የሰው ኃይል በማፍራት ረገድ ተኪ የለሽ ሚና እንደሚጫወቱ አብራርተዋል፡፡
27ኛው አገር አቀፍ የቴክኒክና ሙያ ትምህርትና ስልጠና የዘርፍ ጉባዔ ላይ የዘጠኙ ክልሎችና የሁለቱ የከተማ አስተዳደር የቴክኒክና ሙያ ትምህርትና ስልጠና ቢሮዎችና ኢንተርፕራይዞች እንዲሁም ባለድርሻ አካላት እንደተሳተፉበት የታወቀ ሲሆን ጉባዔው ጥቅምት 6 እና 7 እንደሚደረግ ታውቋል፡፡


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡