News News

ትምህርት ሚኒስቴር ጠንካራ ሥነ-ልቦና፣ ባህሪ፣ እና አመለካከትን ለመፍጠር የሚረዳ ትምህርትን "Mind Education" ለማስፋፋት ከዓለም አቀፍ የወጣቶች ህብረት ጋር የስምምነት ሰነድ ተፈራረመ

የኢ.... ትምህርት ሚኒስቴር በሀገሪቱ ውስጥ በሥልጠና መልክም ሆነ በመደበኛ ትምህርት ሥርዓተ-ትምህርት ውስጥ አካቶ ጠንካራ ሥነ-ልቦና፣ ባህሪ፣ እና አመለካከትን ለመፍጠር የሚረዳ ትምህርትን "Mind Education" በዘርፉ ውስጥ በስፋትና ቀጣይነት ባለው ሁኔታ ለመስጠት የሚረዳ የስምምነት ሰነድ  መቀመጫውን በደቡብ ኮሪያ ባደረገው የዓለም አቀፍ የወጣቶች ህብረት ጋር በትምህርት ሚኒስቴር መጋቢት 05 ቀን 2009 . ተፈራረመ።

 

በትምህርት ሚኒስቴር በኩል የስምምነት ሰነዱን የፈረሙት የትምህርት ሚኒስትር ክቡር / ሽፈራው ክለማሪያም ሲሆኑ በዓለም አቀፍ ወጣቶች ህብረት በኩል የህብረቱ መሥራችና መሪ የሆኑት የደቡብ ኮሪያ ተወላጅ / ኦክሱ ፓርክ ናቸው። ክቡር ሚኒስትሩ በሥነ-ሥርዓቱ ላይ ባደረጉት ንግግር ይህ በደቡብ ኮሪያ የተጀመረውና በዓለም አቀፍ የወጣቶች ህብረት እየተስፋፋ ያለው ጠንካራ ሥነ-ልቦና፣ ባህሪ፣ እና አመለካከትን ለመፍጠር የሚረዳ ትምህርትን በተመለከተ አጫጭር ገለፃዎች ለሚኒስቴር መሥሪያ ቤቱ ሠራተኞችና ለተወሰኑ ከፍተኛ ትምህርት ተቋማት ሠራተኞች ተሰጥቶ ጥሩ ግብረ-መልስ የተገኘበት መሆኑን ገልጸዋል፡፡ በተጨማሪም ክቡር ሚኒስተሩ ይህንን ጅማሬ በውጤታማ መልኩ አደራጀቶ በአጭር ጊዜ ውስጥ ከግማሽ ሚሊዮን በላይ ለሆኑ መምህራኖቻችንን በአሰልጣኞች ሥልጠና (TOT) መልክማድረስ ይህ ስምምነት እገዛ እንደሚያደርግ አስገንዝበዋል፡፡ በቀጣይም ከታችኛው የትምህርትና ሥልጠና እርከን ጀምሮ እስከ ከፍተኛው ድረስ ትምህርቱን በመደበኛነት በአገሪቱ ሥርዓተ-ትምህርት ውስጥ አካቶ ውጤታማ በሆነ መልኩ ለመስጠት የሚስችል አሰራር ለመዘርጋት የስምምነት ሰነዱ ዋነኛ መሠረት መሆኑን ዶክተር ሽፈራው ገልጸዋል። ይህ ትምህርት በትምህርትና ሥልጠና ዘርፍ የሀገርን አደራ የሚረከቡ ሁለንተናዊ ብቃትንና ሥነ-ምግባርን የተላበሱ ምክንያታዊ አስተሳሰብ ያላቸውን ዜጎችን ለመፍጠር እየተደረገ ያለውን ጥረት በሚፈለገው ደረጃ ውጤታማ እንዲሆን ከፍተኛ ፋይዳ ያለው መሆኑን ገልጸዋል። ዶክተር ሽፈራው ለዚህ ሥራ መሳካት ከሁሉም በላይ የመላው ህዛበችን ተሳትፎ ወሳኝ መሆኑን ጠቅሰው  ህብረቱም ሆነ የደቡብ ኮሪያ መንግሥት እገዛ እንደ ከዚህ በፊቱ እንደማይለየን ያላቸውን እምነት ገልጸዋል።

 

የዓለም አቀፍ የወጠቶች ህብረት መሥራችና መሪ የሆኑት የደቡብ ኮሪያው ተወላጅ የሆኑት / ኦክሱ ፓርክ ከፍርማ ሥነ-ሥርዓቱ በኃላ ኢትዮጵያ የዚህን ትምህርት ፋይዳ ተገንዝባ ለነገ ሀገር ተረካቢ ወጣቶቿ ለመስጠት ወስና በይፋ ወደ ሥራ መግባቷን አስመልክቶ ባደረጉት የእንኳን ደስ አላችሁ ንግግራቸው ውስጥ ትምህርቱ 10 ዓመታት ውስጥ በሀገሪቷ ሁለንተናዊ ልማት ላይ በግልጽ የሚታይ ተጽዕኖ እንደሚያሳይ ያለውን እምነት ጠቅሰው ትምህርቱ የሚፈለገውን ውጤት እንዲያመጣ የሚጠበቅባቸውን ትብብርና ድጋፍ  እንደሚያደርጉ ገልጸዋል። ማህበሩ በተወሰኑ የአፍሪካ ሀገራት ዋና ከተሞች ላይ ቢሮዎችን ከፍቶ ሀለ-ገብ አገልግሎት የሚሰጥ የወጣቶች ማዕከል ለመገንባት እየተንቀሳቀሰ መሆኑን ጠቅሰው በቅርቡ በአዲስ አበባ ቢሮዎችን ለመክፈት እየተንቀሳቀሳ መሆኑንና የአዲስ አበባን የአፍሪካ መዲናነት ከግንዛቤ ባስገባ ሁኔታ በሌሎች አፍሪካ ሀገራት ከሚገነቡት ይበልጥ ጉዙፍ የሆነ ሀለ-ገብ የወጣቶች ማዕከል ለመገንበት ለኢትዮጵያ መንግሥት የመሬት ጥያቄ ማቅረቡንም ተናግረዋል። እንደሚያበረክት ተናግረዋል። / ኦክሱ  በማከል ትምህርቱ ከእድገት ጋር ተያይዞ በደቡብ ኮሪያ የመጠውን ማህበራዊ ችግር ማለትም የግለሰቦች ራስን ወይም ፍላጎትን ያለመግዘት (ያለመቆጣጠር) ችግር እንዲሁም በተስፋና በራዕይ መኖር ያለመቻልን፤በሌላ አገለለጽ  የዳካማ አእምሮ ባለቤት የሆኑ ዜጎች መበራከትን፤ይህ ችግር ኮሪያን በዓለም አቀፍ ደረጃ ዜጎች በብዛት ራሳቸውን የሚያጠፉባት ዋነኛ ሀገር እንዲትሆን ያደረጋት ስለመሆኑ፣ለዚህም ችግር በደቡብ ኮሪያም ሆነ በአሁኑ ወቅት ለሌሎች ሀገራት እንደ መፍትሔ ሆኖ እያገለገለ ያለው  ይህ ”Mind Education” ወይም ”Mind seting Education” (ራስን ወይም ፍላጎትን ወይም ምኞትን በራስ" በቤተሰብና በሀገር አቅም ልክ የመግዛት ወይም የመቆጣጠር ትምህርት እና  ጠንካራ ሥነ-ልቦናና አእምሮን የመፍጠር) ትምህርት እንደሆነ ገልጸዋል።



No comments yet. Be the first.
News

የ2009 ዓ.ም የሁለተኛ ደረጃ መልቀቂያ (የ10ኛ ክፍል) ብሔራዊ ፈተና ከግንቦት 23- 25 እንዲሁም የከፍተኛ ትምህርት ተቋም መግቢያ ፈተና (የ12ኛ ክፍል) ከግንቦት 28 እስከ ሰኔ 1 2009 ዓ.ም. ይሰጣሉ

የትምህርት ሚኒስቴር የ2009 ዓ.ም የሁለተኛ ደረጃ መልቀቂያ (የ10ኛ ክፍል) ብሔራዊ ፈተና ከግንቦት 23- 25 እንዲሁም የከፍተኛ ትምህርት ተቋም መግቢያ ፈተናዎች (የ12ኛ ክፍል) ከግንቦት 28 እስከ ሰኔ 1 2009 ዓ.ም. እንደሚሰጡ ገለጸ፡፡ የፈተናው አጠቃላይ ዝግጅት የተጠናቀቀ ሲሆን በሀገሪቱ ለሚገኙ ተፈታኞች 3,467 የፈተና ጣቢያዎች ተዘጋጅተዋል፡፡ በዚህ ዓመትም ከ1.2 ሚሊየን በላይ የ10ኛ ክፍል እንዲሁም ከ288ሺህ በላይ የ12ኛ ክፍል ተፈታኞች ይኖራሉ ተብሎ ይጠበቃል፡፡

የትምህርት ሚኒስቴር በተፈጥሮ ሳይንስና ምህድስና ትምህርት መስክ ከፍተኛ ውጤት ያስመዘገቡ ሴት ተማሪዎችን ሸለመ

የኢ.ፌ.ዲ.ሪ ትምህርት ሚኒስቴር ሥርዓተ ጾታ ዳይሬክቶሬት ከደብረ ብርሃን ዩኒቨርሲቲ የሥርዓተ ጾታና ባለ ዘርፈ ብዙ ጉዳዮች ዳይሬክቶሬት ጋር በመተባበር በተፈጥሮ ሳይንስና ምህድስና ትምህርት መስክ ከፍተኛ ውጤት ላስመዘገቡ በደብረ ብርሃን ዩኒቨርሲቲ ከአንደኛ እስከ አምስተኛ አመት ያሉ ሴት ተማሪዎች፣ ድጋፍ ላደረጉላቸው መምህራንን እና አመራሮች የማበረታቻ ሽልማት ሰጠ፡፡ በዩኒቨርሲቲው የመሰብሰቢያ አደራሽ ...

በሙያ ፍቃድ የምዘና ውጤት ትንተናና በመምህራን ትምህርት ኮሌጆች እውቅና አሰጣጥ ስታንዳርዶች ዙሪያ ምክክር መድረክ ተካሄደ

ሀገራችን የሙያ ፍቃድ አሰጣጥና እድሳት ስርዓት በመዘርጋት የመምራን፣ የርዕሰ መምህራንና የሱፐርቫይሮች ሙያዊ ብቃት ምዘና ሂደትን በወጥነት ለመተግበርና በሙያ ፍቃድ አሰጣጥ የአደረጃጀቶችን ሚናና የፈጻሚ ባለድርሻ አካለላትን ተግባርና ኃላፊነት ለይቶ ለማሳወቅና ተጠያቂነትን ለማስፈን የሚየስችል የአሰራር ስርዓት ዘርግታ እየሰራች ትገኛለች፡፡ በሙያ ፍቃድ አሰጣጥ ስርዓት ውስጥ ሶስት የሙያ ፍቃድ አይነቶች አሉ፡፡ እነዚህም፦ አንደኛው የመጀመሪያ ሙያ ፍቃድ ለጀማሪ መምህራንና በትምህርት ተቋማት አመራርነት ሰልጥነው ወደሙያው ለሚገቡ እንዲሁም ለደረጃው የብቃት መመዘኛ ላሟሉ የሚሰጥ ፣ ሁለተኛው ሙሉ የሙያ ፍቃድ፥ ለአምስት አመት የሚያገለግል ሆኖ የመጀመሪያ ሙያ ፍቃድ በማግኘት ሲሠሩ ቆይተው ላጠናቀቁ የሚሰጥ ሲሆን የሦሥተኛው ደግሞ ቋሚ የሙያ ፍቃድ ነው፡፡ ይህ ፍቃድ ሙሉ የሙያ ፍቃድ ከያዙ በኋላ ለደረጃው የሚመጥን አገልግሎት አጠናቀው የሙያ ፍቃድ ብቃት መመዘኛ ላሟሉ መምህራን፣ ለርዕሰ መምህራንና ሱፐርቫይዘሮች የሚሰጥና በየአምስት አመት የሚታደስ ቋሚ የሙያ ፍቃድ ነው፡፡

ትምህርት ሚኒስቴር የትራፊክ አደጋን ትርጉም ባለው መልኩ ለመቀነስ በሚቻልበት ሁኔታ ላይ ከባለድርሻ አካላት ጋር ውይይት አካሄደ

ሚኒስቴር መሥሪያ ቤቱ ከመንገድ ትራንስፖርት ሚኒስቴር ጋር በመተባበር “ከትራፊክ አደጋ የጸዳ የትራንስፖርት አገልግሎት ለሀገራዊ ህዳሴ“ በሚል ሀገራዊ መሪ ቃል በሀገር ደረጃ የትራፊክ አደጋን ትርጉም ባለው መልኩ ለመቀነስ በሚቻልበት ሁኔታ ላይ ከባለድርሻ አካላት ጋር የምክክር መድረክ ያካሄደው በሚኒስቴር መሥሪያ ቤቱ የመሰብሰቢያ አደራሽ ሚያዝያ 20/2009 ዓ∙ም ነበር። የኢፌዲሪ ትምህርት ሚኒስቴር ሚስትር ዴኤታ የሆኑት የተከበሩ ዶ/ር ጥላዬ ጌቴ መድረኩን በእንኳን ዳህና መጣችሁ ንግግር በከፈቱበት ወቅት እንደተናገሩት የትራፊክ አደጋን ከምንጩ በመቀነስ የህዝባችንን ህይወት፣አካልና ንብረት፤እንዲሁም የሀገሪቱን ሀብት ከጥፋት ለመታደግ መላው ህብረተሰብ በትራፊክ ደህንነት ዙሪያ በባለቤትነት ስሜት እንድንቀሳቀስ ማድረግና ከዚህ አንጻር ዜጎችን በመልካም ሥነ-ምግባር መቅረፅ በአሁኑ ወቅት እጅግ በጣም አንገብጋቢ ጉዳይ መሆኑን ገልጸዋል። በአሁን ወቅት በትምህርት ዘርፉ ውስጥ በተለያዩ የትምህርት እርከኖች ላይ 30 ሚሊዮን የሚጠጉ ተማሪዎች፣ከግማሽ ሚሊዮን በላይ የሚሆኑ መምህራን፣ከተማሪዎች በስተጀርባ ያሉ በርካታ ወላጆችና መደበኛ ባልሆነ የተቀናጀ የጎልማሶች ትምህርት ላይ እየተሳተፉ ያሉ በርካታ ሠልጣኞች እንዳሉ ጠቅሰው ከሌሎች ባለድርሻ አካላት ጋር በሚገባ በመቀናጀት ከዚህ በፊት ሲሠራ ከነበረው ይበልጥ ሥራውን በማስፋትና በማጠናከር ከተሠራ በሀገር ደረጃ መሠረታዊ ለውጥ ማምጣት እንደሚቻል አስገንዝበዋል።

የተፋጠነ የትምህርት ቤት ዝግጁነት የትምህርት አቀራረብ ሥነ-ዘዴ እንደ አንድ የቅድመ መደበኛ ትምህርት ማስፋፊያ አመራጭ ተወስዶ በሀገር አቀፍ ደረጃ እንድተገበር የምመክር አውደ ጥናት ተካሄደ

የትምህርት ቤት መሻሻል ፕሮግራም ዳይሬክቶሬት በቤንሻንጉል ጉሙዝ ብሔራዊ ክልል ከ2007 ዓ.ም ክረምት ጀምሮ ለመጀመሪያ ጊዜ እየተተገበረ ያለውን የተፋጠነ የትምህርት ቤት ዝግጁነት የቅድመ መደበኛ ትምህርት አቀራረብ ውጤታማነትን ለማስተዋወቅና በሀገር አቀፍ ደረጃ ለማስፋት ከአዲስ አበባ ከተማ አስተዳደር ውጪ ከሁሉም ክልሎች፤ ከድሬደዋ ከተማ አስተዳደር፣ ከዩኒሴፍ ኢትዮጵያ እና ከህጻናት አድን ድርጅት እንዲሁም ከትምህርት ሚኒስቴር የተውጣጡ የሥራ ኃላፊዎችና የትምህርት ባለሙያዎች የተሳተፉበት አውደ ጥናት ሚያዚያ 2 እና 3/2009 ዓ.ም በትምህርት ሚኒስቴር የመሰብሰቢያ አደራሽ ተካሄደ። ይህ ፕሮግራም ከአራቱ የቅድመ መደበኛ ትምህርት አሰጣጥ ሥነ-ዘዴ መካከል አንዱ ሲሆን በሦስቱም (መዋዕለ ህጻናት፤ ኦ ክፍልና ህጻን ለህጻን) የቅድመ መደበኛ ትምህርት አሰጣጥ ዘዴ ተጠቅመው ለመደበኛ ትምህርት ቅድመ ዝግጅት ያላደረጉትን እድሜያቸው ስድስት ዓመትና ከዚያ በላይ የሆኑ ህጻናትን በስምንት ሳምንታት ውስጥ ለመደበኛ ትምህርት ዝግጁ ማድረግ ያሚያስችል ፕሮግራም ነው።

Communication and Media Communication and Media

Communication Address:

Tel: +251-11-156-14-94

Fax: