News News

የውጤታማነት አሰራር/DELIVEROLOGY ስልጠና ተሰጠ

የውጤታማነት አሰራር/DELIVEROLOGY/በዕድገትና ትራንስፎርሜሽን ዕቅዱ የትምህርት ጥራትን ለማረጋገጥ ለተያዘው ግብ ውጤታማነት ዋነኛ ማስፈጻሚያ ጉዳይ በመሆኑ በተያዘለት ጊዜ እንዲጠናቀቅ አመራሩና የትምህርት ስራው ባለድርሻዎች በትኩረት መስራት እንደሚጠበቅባቸው ጠቅላይ ሚኒስትር ኃይለማርያም ደሳለኝ አስታወቁ፡፡


የኢፌዲሪ ጠቅላይ ሚኒስትር ለከፍተኛ አመራሮች በውጤታማ አሰራር/ ደሊቨሮሎጂ/ ዙሪያ በተዘጋጀ መድረክ ላይ ተገኝተው መመሪያ በሰጡበት ወቅት እንዳስታወቁት የትምህርት ጥራትን በተቀመጡ የትምህርት ጥራት መመዘኛዎች ለማረጋገጥ /DELIVEROLOGY /የውጤታማነት አሰራር ዘዴን ተግባራዊ ማድረግ ወሳኝ ነው፡፡


ውጤታማ አሰራር/DELIVEROLOGY/ የትምህርት ጥራት ማስጠበቂያ ፕሮግራሞችን በማስጠበቅ፣ የትምህርት ሥርዓቱን በአመለካከት ቅኝት በማስተሳሰርና በቁርጠኝነት በመስራት ሊረጋገጥ እንደሚገባ ጠቅላይ ሚኒስትር ኃይለማርያም አስገንዝበዋል፡፡


የትምህርት ሚኒስትሩ ዶክተር ሽፈራው ተክለ ማርያም በበኩላቸው የትምህርትና ስልጠና ዘርፉ ባለፉት 25 ዓመታት የተመዘገቡ ውጤቶችን በአመለካከት ጥራት ፣በሳይንሳዊ የአሰራር ሥርዓት መናበብ እየጎለበቱ መሄድ እንደሚገባቸው አስታውቀዋል፡፡


በጥራት የተካነ የውጤታማነት ሂደትና ውጤት የእቅዶቻችን ሁሉ ማጠንጠኛ በማድረግ አገራዊ ብልጽግናን ለማፋጠን፣የህዝብ እርካታን ለማረጋገጥና ዓለም አቀፍ ተወዳዳሪነትን ዕውን ለማድረግ የውጤታማነት አሰራር አማራጭ መሆኑን ተናግረዋል፡፡


ውጤታማ አሰራር/DELIVEROLOGY/በትምህርት መስኩ የምናስመዘግባቸውን ውጤቶች ጥራት፣ፍጥነትና ዘላቂነት ለማረጋገጥ የሚያስችል በመሆኑ ሁሉም የትምህርት ሥራ አመራሮችና ባለድርሻዎች ለውጤታማነቱ መንቀሳቀስ እንደሚገባቸው ሚኒስትሩ ዶክተር ሽፈራው አስገንዝበዋል፡፡


በውይይቱ ላይ በውጤታማነት አሰራር/DELIVEROLOGY / ዙሪያ ሰፊ ጥናትና ምርምር ያደረጉት ሰር ማይክል ባርበር የውጤታማ አሰራር ዙሪያ ያሉ ተሞክሮዎችንና መልካም ልምዶችን አስመልክተው ጽሁፍ አቅርበው በከፍተኛ አመራሮቹ ውይይት ተደርጎባቸዋል፡፡


በመድረጉኩ ላይ ሚኒስትሮች፣የክልል ርዕሰ መስተዳድሮች፣ከንቲባዎች፣ የዩኒቨርስቲ ፕሬዚዳንቶችና ሌሎችም በየደረጃው የሚገኙ የመንግስት የሥራ ኃላፊዎችና ባለድርሻዎች ተሳታፊ መሆናቸውን የትምህርት ሚኒስቴር ኮሙኒኬሽን ጉዳዮች ዳይሬክቶሬት ዘግቧል፡፡

 

 



No comments yet. Be the first.
News

በከፍተኛ ትምህርት ተቋማት ለሚካሄዱ የትምህርትና ሥልጠና ሥራዎች ውጤታማነት ተማሪዎች፣ መምህራን ፣ወላጆችና ህብረተሰቡ ኃላፊነታቸውን በላቀ ደረጃ ሊወጡ እንደሚገባ ተገለጸ

በከፍተኛ ትምህርት ተቋማት ለሚካሄዱ የትምህርትና ሥልጠና ሥራዎች ውጤታማነት ተማሪዎች፣ መምህራን ፣ወላጆችና ህብረተሰቡ ኃላፊነታቸውን በላቀ ደረጃ ሊወጡ እንደሚገባ የትምህርት ሚኒስትሩ ክቡር ዶ/ር ጥላዬ ጌቴ አስታወቁ፡፡ የከፍተኛ ትምህርት ተቋማት ህብረ-ብሔራዊነትና ኢትዮጵያዊነት የሚገነባባቸው ተቋማት እንጂ ተግባራቸው በጥቂት ችግር ፈጣሪዎች የሚስተጓጎል አለመሆኑንም ገለጹ 141ሺህ አዲስ ተማሪዎችን ጨምሮ ከ700 ሺህ በላይ ተማሪዎች በመንግስት ዩኒቨርስቲዎች በመማር ላይ መሆናቸውን ጠቁመዋል፡፡

ከ2011 የትምህርት ዘመን ጀምሮ በሁሉም የቅድመ ምረቃ ትምህርት መስኮች የብቃት መለኪያ አጠቃላይ ምዘና (የመውጫ ፈተና) ልተገበር ነው

ከ2011 የትምህርት ዘመን ጀምሮ በሁሉም የቅድመ ምርቃ ትምህርት መስኮች ተማሪዎች ከመመረቃቸው በፊት የብቃት መለኪያ አጠቃላይ ምዘና (የመውጫ ፈተና) ወስደው አጥጋቢና ከዚያ በላይ ውጤት ማስመዝገብ እንደሚጠበቅባቸው የኢ.ፌ.ዴ.ሪ ትምህርት ሚኒስቴር አስታወቀ። የከፍተኛ ትምህርት ጥራትን በተለይም የምሩቃንን ብቃትና ተወዳዳሪነት ለማረጋገጥ ተማሪዎች ትምህርታቸውን ካጠናቀቁ በኋላ አጠቃላይ ምዘና ወይም የመውጫ ፈተና መስጠት የምሩቃንን ዕውቀት፣ ክህሎትና አመለካከት ለመመዘን የላቀ ሚና ከመጫወቱም በተጨማሪ የተመራቂ ተማሪዎች በራስ መተማመን ያጎለብታል፡፡

የምርምርና የፈጠራ ስራ ውድድር ኤግዚቪሽን ተካሄደ

የሂሳብና ሣይንስ ትምህርቶች ማሻሻያ ማዕከል ከስቴምስ ሲነርጂ ፣ከዩኔስኮ እና ከኢትዮጵያ ሣይንስ አካዳሚ ጋር በመተባበር "በሣይንስና ቴክኖሎጂ ፈጠራ የበለፀገ ህብረተሰብ ለዘላቂ ሠላምና ልማት "በሚል መሪ ቃል አገር አቀፍ የምርምርና ፈጠራ ስራ ውድድር ኤግዚቪሽን በኢትዮጵያ ሣይንስ አካዳሚ ተካሄደ፡፡ የምርምርና የፈጠራ ስራ አውደ- ርዕይ መከፈቱን አስመልክቶ የእንኳን ደህና መጣችሁ መልዕክት ያስተላለፉት ፕሮፌሰር ማስረሻ ፈጠነ የኢትዮጵያ ሣይንስ አካዳሚ ዋና ዳይሬክተር ሲሆኑ የኢትዮጵያ ሣይንስ አካዳሚ የኢትዮጵያን ሣይንስ ለማበልፀግ የተቋቋመ መሆኑን አስታውሰው ይህ ማዕከል የህብረተሰቡን የሳይንስና ቴክኖሎጂ ፈጠራ እንዲሁም ቴክኖሎጂን የመጠቀም አቅሙን ለማጎልበት ለማስተማርና የሣይንስ ፖርሽን ለመፍጠር የተሰራ ሲሆን ቋሚ የሳይንስ ማዕከል ለመፍጠር ሰፊ እንቅስቃሴ እየተደረገ ነው፡፡ በመሆኑም በቅርቡም የሳይንስ ማዕከሉ ወደ ስራ ይገባል በዚህም ወጣቱ ወደ ሣይንስ በሄደ ቁጥር የሀገራችን ተስፋ እየለመለመ ይሄዳል ብለዋል፡፡

የሥርዓተ-ፆታ ማካተትና ተቋማዊ ማድረግ መከታተያ፣ መመዘኛና በደረጃ የመለያ ማዕቀፍ ላይ ስልጠና ተሰጠ

የትምህርት ሚኒስቴር ሥርዓተ ፆታ ጉዳዮች ዳይሬክቶሬት ከሚኒስቴር መስሪያ ቤቱ ሁሉም የሥራ ክፍሎች እና ከተጠሪ ተቋማት ለተውጣጡ ከፍተኛ ባለሙያዎች እየተሰጠ ባለው ስልጠና የሁለተኛ ቀን ውሎ በሥርዓተ-ፆታ ማካተትና ተቋማዊ ማድረግ መከታተያ፣ መመዘኛና በደረጃ የመለያ ማዕቀፍ ላይ ስልጠና ሰጠ ፡፡ ስልጠናውን የሰጡት በዳይሬክቶሬቱ የስርዓተ ፆታ ክትትልና ድጋፍ ከፍተኛ ባለሙያ የሆኑት አቶ ብርሃኑ አረጋ ሲሆኑ የዚህ ስልጠና ዋና አላማ በሚኒስቴር መስሪያ ቤታችን ያሉ የስራ ክፍሎች የሥርዓተ ፆታ እኩልነትና ሴቶችን ማብቃት ተቋማዊ ለማድረግ የሚያከናውኑትን ተግባራት በመመዘንና ተከታታይ ድጋፍ በመስጠት የሥርዓተ ፆታ እኩልነት በሁሉም ዘርፍ ለማረጋገጥ ብሎም የሀገራችንን የልማት ራዕይ ለማሳካት ነው ብለዋል፡፡

የመንግስታዊና ግብረሰናይ ድርጅቶች የጋራ ፎረም ውይይት ተካሄደ፡፡

ዛሬ ጥቅምት 20/2010 ዓ.ም በትምህርት ሚኒስቴር አዳራሽ መንግስታዊና መንግስታዊ ያልሆኑ ድርጅቶች በትምህርት ስልጠና ዘርፍ የ2010 ዓ.ም ዋና ዋና ዕቅዶች ላይ ተገናኝተው ውይይት አድርገዋል፡፡ በምክክር መድረኩ ተገኝተው የመድረኩን አላማ የገለጹት በትምህርት ሚኒስቴር የእቅድ ዝግጅትና ሃብት ማፈላለግ ዳይሬክቶሬት ዳይሬክተር አቶ ኤልያስ ግርማ የመድረኩ ዋና አላማ የትምህርት ሴክተሩ እቅድ አፈጻጸም ላይ ውይይት ማድረግ ነው ብለዋል፡፡