የአጠቃላይ ትምህርት ተከታታይ የክፍል ውስጥ ምዘና ስትራቴጂ (CCA) ተዘጋጀ:

የአጠቃላይ ትምህርት ተከታታይ የክፍል ውስጥ ምዘና ስትራቴጂ (CCA) ተዘጋጀ:

በአጠቃላይ ትምህርት ዘርፍ የተከታታይ ክፍል ውስጥ ምዘና (CCA – Classroom Continuous Assessment) በአድስ መልክ ተዘጋጀ፡፡

ቀደም ተብሎ ይሰራበት የነበረው የተከታታይ ምዘና የተማሪዎችንና የመምህራንን ክህሎትና ዕውቀት በመዳሰስ ሁለቱን በማቀራረብ የትምህርት ጥራትን ከማስጠበቅ አንጻር ክፍተት የታዩበት በመሆኑ የክፍል ውስጥ ተከታታይ ምዘና ስትራቴጂ በአዲስ መልክ ማዘጋጀት እንዳስፈለገ ተገልጿል፡፡ በአዲሱ ተከታታይ የክፍል ውስጥ ምዘና ስትራቴጂ እንደተለመደው መምህሩ በሳምንት ወይም በወራት የተማሪዎችን ውጤት መዝኖ በወረቀት የሚያሰፍር ሳይሆን በተዘጋጀው የስትራቴጂው ማስተግበሪያ መመሪያና ማኑዋል መሠረት በየቀኑ በዕቅድ ተማሪዎችን እንዲሁም እራሱን በመፈተሽ የሚያበቃበት መሁኑን የገለጹት የስትራቴጂው ዝግጅት ግብረ ሃይል ሰብሳቢና የአፍ መፍቻ ዳይሬክቶሬት ዳይሬክተር / እመቤት አበራ ናቸው፡፡

የስትራቴጂው ዝግጅት ዋና ዓላማ በአገር አቀፈፍ ደረጃ ወጥ በሆነ መልኩ የክፍል ውስጥ ተከታታይ ምዘናን ለማስኬድ ሲሆን ስትራቴጂውን በገንዘብ ከደገፈው USAID/GEQIP-E ፕሮጀክት ፕሮግራም ጋር የሚጣጣም በመሆኑ 2018 . ጀምሮ የሚተገበርና በፕሮጀክቱ ፕሮግራም መጨረሻ ዓመት ላይ አመርቂ ውጤት እንደሚጠበቅ ዳይሬክተሯ ጨምረው ገልጸዋል፡፡
ከትምህርት ሚኒስቴር፣ ከክልል ትምህርት ቢሮዎች፣ ከመምህራን ትምህርት ኮሌጆች፣ ከትምህርት ልማት አጋር ድርጅቶች በተውጣጡ ባለሙያዎች የስትራጂው ሰነዶች ከግንቦት 17-19/2010. በአዳማ ከተማ ተገምግመዋል፡፡ በቀጣይም በተዋረድ ለአሰልጣኞች፣ ለርዕሠ መምህራንና ለመምህራን ስልጠና እንደሚሰጥ ተገልጿል፡፡

 


News

የዩኒቨርሲቲ ተማሪዎች ለኤች አይቪ/ኤድስ ተጋላጭነት፤

የከፍተኛ ትምህርት ተቋማት የኤችአይቪ/ኤድስና ተያያዥ ጉዳዮች ዕቅድ አተገባበርና ውጤት በሚል ርዕሥ በአዳማ ከተማ ውይይት እየተደረገ ይገኛል፡፡ የትምህርት ሚኒስቴር ደኤታ አቶ ተሸማ ለማ በመድረኩ መክፈቻ ንግግራቸው እንደ ገለጹት በዚህን ሰዓት በሀገራችን 28 ሚሊዮን ማለትም ከ1/3ኛ በላይ ዜጎች በትምህርት ገበታ ላይ የሚገኙና ከእነዚህም በአፍላ ዕድሜ ክልል ውስጥ ያሉት አምራች ሃይል የሆኑት ወጣቶች ለኤችአይቪ/ኤድስ በሽታ ተጋላጭ እንደሆኑ ገልጸዋል፡፡ ዩኒቨርሲቲዎችም ተማሪዎች በሲስተር-ሲስተር፣ አቻ ለአቻ፣ የህይወት ክህሎት ፕሮግራሞች እንዲመካከሩ፣ የማስተባበሪያ አደረጃጀቶች እና ክበባትን ማቋቋም፣መርሀ-ግብር ማዘጋጀትና በዕቅድ አካተው የተሰራ ቢሆንም ተጋላጭነቱን ለመግታት የባህሪይ ለውጥ አሁንም አለመምጣቱን ገልጸዋል፡፡

የትምህርት ሚኒስቴር ሰራተኞች በ2010 በጀት ዓመት እቅድ አፈፃፀም ላይ ተወያዩ፤

የኢ.ፌ.ዴ.ሪ. ትምህርት ሚኒስቴር በ2010 በጀት ዓመት በቁልፍና አበይት ተግባራት ያከናወናቸውን ተግባራት የሚኒስቴር መስሪያ ቤቱ ከፍተኛ አመራሮችና መላው ሰራተኞች በተገኙበት ገምግሟል ፡፡ በግምገማው በርካታ ስኬታማ ስራዎች ቢሰሩም ከትምህርት ጥራት፣ ከትምህርት ግብዓት ማሟላት እንዲሁም ከባለሙያዎች ክህሎት ማነስ ጋር የተያያዙ መጠነ ሰፊ ችግሮች የነበሩበት በመሆኑ ሚኒስቴር መስሪያ ቤቱ ሪፎርም ማድረግ እንደሚገባውም ተጠቅሷል፡፡

የኢፌዲሪ ጠቅላይ ሚኒስትር ከከፍተኛ ትምህርት ተቋማት መምህራን ጋር ያደረጉት ውይይት፡

ተሳታፊ መምህራን ከ45ቱ የመንግስትና ከ4ቱ የግል ከፍተኛ ትምህርት ተቌማት የተውጣጡ 3ሺ175 ያህል ናቸው። በውይይቱም በርካታ ጥያቄዎች የተነሱ ቢሆንም ለተነሱት ጥያቄዎች የመምህርነት ሙያ የተከበረ እንደሆነና በቀጣይ በትምህርት ዘርፉ ለሚያጋጥሙና ለሚስተዋሉ ችግሮች መምህራን እና የከፍተኛ ትምህርት ተቌማት አመራር በጋራ ችግሮችን መፍታት እንደሚገባ ጠ/ሚኒስትሩ ገልፀዋል።

የሐረማያ ዩኒቨርሲቲ ተማሪዎች ምርቃት፡

የሐረማያ ዩኒቨርሲቲ በመደበኛና በተከታታይ መርሃ-ግብር 8,152 ተማሪዎችን በዩኒቨርሲቲው ቅጥር ግቢ ሐምሌ 7/2010 ዓ.ም አስመርቋል፡፡ በምረቃ ስነ-ስርዓቱ ላይ ክብርት ወ/ሮ ጠይባ ሐሰን የኦሮሚያ ብሔራዊ ክልላዊ መንግሥት ምክትል ፕሬዝዳንት በክብር እንግድነት የተገኙ ሲሆን ለተመራቂዎችም የስራ መመሪያ መልዕክት አስተላልፈዋል፡፡