በሀገራችን ለ8ኛ ጊዜ በአፍ መፍቻ ቋንቋ የመናገር ቀን በዓል ተከበረ

በሀገራችን ለ8ኛ ጊዜ በአፍ መፍቻ ቋንቋ የመናገር ቀን በዓል ተከበረ

የኢ.... ትምህርት ሚኒስቴር ከባህልና ቱርዝም ሚኒስቴርና ከሐረሪ ሕዝቦች ብሄራዊ ክልላዊ መንግስት ባህል፣ቅርስ ቱሪዝም ቢሮ ጋር በመተባበር በዓለም አቀፍ ደረጃ 19 በሀገራችን ደግሞ 8 ጊዜ የሚከበረውን በአፍ መፍቻ ቋንቋ የመናገር ቀን በዓልቋንቋዎቻችን በመጠበቅና ልሳነ-ብዙነትን (Multilingual) በማበረታት ለዘላቂ የልማት ስኬት እንትጋ!’’ በሚል መሪ ቃል በሐረሪ ሕዝቦች ክልል በታሪካዊቷ ሐረር ከተማ ከየካቲት 14 እስከ 15/2010 . በዓሉን በድምቀት አከብV ፡፡

በባህልና ቱሪዝም ሚኒስቴር የባህል ዘርፍ ሚኒስትር ዴኤታ ክቡር አቶ ረመዳን አሸናፊ በዓሉን ምክንያት በማድረግ የተዘጋጀውን ሲምፖዝየም በንግግር ሲከፍቱ እንደተናገሩት ዘንድሮ በሀገራችን ደረጃ 8 ጊዜ የሚከበረውን በአፍ መፍቻ ቋንቋ የመናገር ቀን በዓልን በሐረሪ ሕዝቦች ክልል እንዲከበር የተመረጠበት ዓላማ ከተማዋ በተባበሩት መንግስታት የትምህርት፣ የሳይንስና የባህል ድርጅት /UNESCO/ እውቅና የሰጣት ታሪካዊ ከተማ በውስጧ ልሳነ-ብዙ ቋንቋ የሚነገርባት ከተማ በመሆኗ ነው ያሉት ሲሆን ሚኒስትሩ አክለውም የክልሉ መንግስት የሐረሪኛ ቋንቋ የፊደል ገበታ ቀርጾ የአካባቢው ተወላጅ ሕፃናት በአፍ መፍቻ ቋንቋቸው እንዲማሩ ሁኔታዎችን በማመቻቸ ከአንደኛ ክፍል ጀምሮ መደበኛ ትምህርታቸውን መማር እንዲችሉ በማድረጉና ለቋንቋ ልማት እያደረገ ያለው ጥረትና እየታዩ ያሉ ለውጦች አበረታች በመሆናቸው ነው ብለዋል፡፡

እንደ ክቡር አቶ ረመዳን ገለፃ እስካሁን በተደረጉ ሀገራዊ የቋንቋ ልማት መስክ እንቅስቃሴዎች በሀገራችን 56 ቋንቋዎች የጽሁፍና የትምህርት ቋንቋ እንዲሆኑ ተደርጓል ፡፡ ከነዚህም መካከል 12 ቋንቋዎች በሳባና 44 በላቲን ፊደል ስክሪፕት የሚጠቀሙ መሆናቸውን ሚኒስትሩ ገልጸዋል፡፡

በሐረሪ ብሔራዊ ክልላዊ ሕዝቦች ትምህርት የሚሰጥባቸው የቋንቋዎች ብዛት ሦስት ሲሆኑ በቋንቋው የሚጠቀሙበት ስክሪፕት ሁለት ሳባ እና አንድ ላቲን እንደሆነም ለማወቅ ተችሏል፡፡

በክልሉ መንግስት ባህል፣ቅርስና ቱሪዝም ቢሮ የቋንቋ ዳይሬክቶሬት ዳይሬክተር አቶ አብዱልፈታ አብዱልቃድር የእንኳን ደህና መጣችሁ መልዕክት ባስተላለፉበት ወቅት እንዳሉት የበኣሉ መከበር የህዝብ ለህዝብ ትስስርና በባህል መካከል የሚኖሮውን መስተጋብርን እንደሚያጠናክር አብራርተዋል፡፡

በኢ.... ትምህርት ሚኒስቴር የአፍ መፍቻና እንግሊዝኛ ቋንቋ ትምህርት ልማት ዳይሬክቶሬት ዳይሬክተር ተወካይ / እመቤት አበራ ጋር በተደረገ ቃለ ምልልስ እንደገለጹት ሕፃናት በአፍ መፍቻ ቋንቋቸው መማር የትምህርት ተሳትፎን ከማሳደግና ጥራቱንም በሚፈለገው ደራጃ በማድረስ ረገድ የበኩሉን አስተዋጽኦ እያበረከተ መሆኑን ተናግረዋል፡፡

እንደ / እመቤት ገለፃ ተማሪዎች አፋቸውን በፈቱበት ቋንቋ ሲማሩ፣ ሲሰሩ ሲከራከሩ ፣ሲመራመሩና የአካባቢያቸውን ችግር መፍታት ሲችሉት ይበልጥ በትምህርታቸው ውጤታማ ይሆናሉ ብለዋል፡፡

በአፍ መፍቻ ቋንቋ መናገር የማሰብ ነፃነትንና ሰብዓዊ ፍጥረትን ይበልጥ የሚያጎላና ቋንቋን ጨምሮ በሶስት ነገሮች ማለትም ማንነት ቋንቋና ባህልን አሁን ካለበት ወደ ተሻለ ደረጃ ለማሳደግ ሕጋዊ ከለላ እንደሚያስፈልጋቸው ለመረዳት ተችሏል፡፡

በበዓሉም የማስተማር ቋንቋ ተግዳሮቶች፣ የትርጉም ስራ አስፈላጊነት የአስተርÒሚነት ሙያ እና የብቃት አሰጣጥ በኢትዮጵያ እንዲሁም የአፍ መፍቻ ቋንቋ ልማት ስራ በሀገራችን ያለበትን ደረጃና የወደፊት ሁኔታ በሚሉት ዙሪያ የሚያጠነጥኑ ጥናታዊ ጽሁፎች ቀርበው በተሳታፊዎች ውይይት ተደርጎባቸዋል፡፡

የኢትዮጵያ ትምህርትና ስልጠና ፖሊሲ ሕፃናት በአፍ መፍቻ ቋንቋቸው ተጠቅመው የአካባቢያቸውን ሳይንሳዊ ፅንስ ሃሳብ ተምረው በቀላሉ መረዳት እንዲችሉና የሀገራችን ብሔር ብሔረሰቦች የአንደኛ ደረጃ ትምህርትን በቋንቋቸው እንዲማሩ መብት በመደንገግ ዜጎችን ተጠቃሚ እያደረገ ይገኛል፡፡

በሲምፖዚየሙም ላይ ከትምህርት ሚኒስቴር ፣ከባህልና ቱሪዝም ሚኒስቴርና ከክልል ባህል፣ ቅርስና ቱሪዝም ቢሮ የተውጣጡ ባለድርሻ አካላት ተሳትፈዋል፡፡

ባለፈው ዓመት 7ኛው በአፍ መፍቻ ቋንቋ የመናገር ቀን በኣል በጋምቤላ ሕዝቦች ክልል መከበሩ የሚታወስ ነው፡፡


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡