ከፍተኛ ትምህርት ተቋማት ከተማሪ ቅበላ ጀምሮ በተቀመጠላቸው ስታንዳርድ መሠረት ስኬታማ አየሆኑ ነው

ከፍተኛ ትምህርት ተቋማት ከተማሪ ቅበላ ጀምሮ በተቀመጠላቸው ስታንዳርድ መሠረት ስኬታማ አየሆኑ ነው

 

የኢፌዴሪ ትምህርት ሚኒስትር አቶ ሽፈራው ሽጉጤ በደብረማርቆስ ዩኒቨርሲቲ የተዘጋጀውን ሰላሳ ሁለተኛው የከፍተኛ ትምህርት ተቋማዊ ለውጥ ምክር ቤት ጉባኤ ሲከፍቱ ያለፉት ዘጠኝ ወራት በከፍተኛ ትምህርት ተቋማት የመልካም አስተዳደር ዕቅዶች ስኬት የታየበት፣ ሰላማዊ የመማር ማስተማር ስርዓቱ ከሞላ ጎደል በሁሉም ዩኒቨርሲቲዎች በተሻለ ሁኔታ የተካሄደበት፣ የመማር ማስተማር ሂደቱ ከተማሪ ቅበላ ጀምሮ በተቀመጠው ስታንዳርድ መሠረት የቀጠለበት ወቅት እንደነበር ገልጹ፡፡ ክቡር ሚኒስትሩ ስኬቶቹ በዩኒቨርሲቲ ቦርድ፣በማኔጅመቱና በመላው ዩኒቨርሲቲዎቻችን ማህበረሰብ አመራር የተገኙ በመሆናቸው ተገቢው ዕውቅና ሊቸራቸው እንደሚገባ አስገንዝበዋል፡፡

ባለፉት ዓመታት የተጀመሩ ብቁና በቂ የሰለጠነ የሰው ሃይል ለልማታችን ፣ለዴሞክራሲያችንና ለሰላማችን የማቅረብ ስራ በሚመለከት በተደራጀ የትምህርትና የቴክኖሎጂ ሰራዊት ግንባታ ያለበትን ደረጃ መገምገም የመድረኩ ዋንኛ ዓላማ መሆኑን ተናግረዋል፡፡ በከፍተኛ ትምህርት ተቋማት ያለው የሠራዊት ግንባታ እንቅስቃሴያችን ባለፉት ዓመታት ሲያጋጥመን የነበረውን ተግዳሮት በወሳኝ መልኩ የተሻገርነው ቢሆንም አሁን ያለበት ቁመናና ጥራቱ መፈተሽ እንዳለበት ያሳሰቡት አቶ ሽፈራው በተለይም ፍሬ የሚያፈራ የተደራጀ የምርምር ስራ፣የተደራጀ የማስተማር ስራ፣የተደራጀ ማህበረሰብ የማገልገል እንዲሁም ብቁ ዜጋ የመገንባት ስራ ያለበት ደረጃ በመድረኩ እንደሚፈተሽ ተናግረዋል፡፡

በተጫማሪም ዩኒቨርሲቲዎቻችን ኪራይ ሰብሳቢነትን የሚፀየፉና የሚዋጉ ዜጎችን የሚያመርቱ የመልካም አስተዳደር የልቀት ማዕከላት ለማድረግ የተጀመረው ጉዞ የደረሰበት ደረጃ እንደሚገመገምም አቶ ሽፈራው አስታውቀዋል፡፡የትምህርት ጥራትን ለማረጋገጥ ለመምህራን አቅም ግንባታ ትኩረት ስጥቶ ለመስራት ዕቅድ ተይዞ ሲሰራ መቆየቱን ገልፀው የተሰሩ ስራዎች በጥልቀት እንደሚፈተሹ ጠቁመው ከዚህ በተጨማሪም ሴት ምሁራንን ወደ ዩኒቨርሲቲ አመራርነት ከማምጣት አንጻር ስምንት ዩኒቨርሲቲዎች ብቻ ምክትል ፕሬዚዳንቶች መመደባቸውን ጠቁመው ሌሎች ዩኒቨርሲቲዎች እስካሁን ያልመደቡበትን ምክንያት ሊያቀርቡ እንደሚገባም አሳስበዋል፡፡

የደብረ ማርቆስ ዩኒቨርሲቲ ፕሬዚዳንት ዶክተር ንጉሴ ምትኩ በበኩላቸው እንደተናገሩት ዩኒቨርሲቲው ባለፉት ዘጠኝ ወራት በመማር ማስተማር፣በምርምርና ማህበረሰብ ልማት አገልግሎት ከፍተኛ ለውጥ ማስመዝገቡን ገልፀዋል፡፡ ዩኒቨርሲቲው በሰብል ምርት፣በእንስሳት እና በአትክልትና ፍራፍሬ ምርትና ምርታማነትን ለማሳደግ የሚያስችሉ የምርምር ስራዎችን ከሀገር ውስጥና ከውጪ ተቋማት ጋር በጋራ እያካሄደ መሆኑን አስታውቀዋል፡፡

አካባቢው ለኢትዮጵያ ሥነፅሁፍ መጎልበት ጉልህ አስተዋፅኦ ያበረከቱ ሰዎች መፍለቂያ መሆኑን የገለጹት / ንጉሴ በደራሲ ሀዲስ አለማየሁ ስም የተሰየመ የባህል ጥናት ተቋም በዩኒቨርሲቲው ውስጥ ተቋቁሞ በዘርፉ በርካታ ተግባራት እያከናወነ ይገኛል ብለዋል፡፡ በምስራቅ ጎጃም ዞን ጥቂት ወረዳዎች በተከሰተው ድርቅ ምክንያት የከብቶች ዋጋ ማሽቆልቆሉን የጠቆሙት ፕሬዚዳንቱ ዩኒቨርሲቲው 300 በሬዎችን በመግዛት ወርዶ የነበረውን የከብት ዋጋ ማረጋጋት መቻሉንም ገልፀዋል፡፡ ዩኒቨርሲቲው በቀጣይ አመታትም የትምህርት ጥራትን ለማስጠበቅ የመምህራን ልማት እና የቤተ ሙከራ ግብዓት ማሟላት ላይ ትኩረት ሰጥቶ እንደሚሰራ የጠቆሙት / ንጉሴ በተጨማሪም በተለያየ ስነ ምህዳር ላይ የሚቋቋሙ ሁለት የምርምር ጣቢያዎችን ለማቋቋም እየሰራ መሆኑንም አስታውቀዋል፡፡ ጉባኤው ዛሬና ነገ በሚኖረው ቆይታ የመቐለ፣ወሎ፣ቡሌሆራ፣ወልቂጤ፣ወላይታሶዶና አዲስ አበባ ዩኒቨርሲቲዎች የዘጠኝ ወራት ዕቅድ አፈፃፀም ሪፖርት እንዲሁም የከፍተኛ ትምህርት ተቋማት ሱፐርቪዥን ሪፖርት አዳምጦ ውይይት ያካሂዳል፡፡


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡