የ2010 ዓ.ም በጀት ዓመት የአጠቃላይ ትምህርት ዘርፍ የ6 ወር የዕቅድ አፈፃፀም ግምገማ መድረክ በሐዋሳ ከተማ ዛሬ ተጀመረ፡፡

የ2010 ዓ.ም በጀት ዓመት የአጠቃላይ ትምህርት ዘርፍ የ6 ወር የዕቅድ አፈፃፀም ግምገማ መድረክ በሐዋሳ ከተማ ዛሬ ተጀመረ፡፡

የደቡብ ብሔር፣ ብሔረሰቦችና ሀዝቦች ብሔራዊ ክልላዊ መንግስት የትምህርት ቢሮ ኃላፊ / እሸቱ ከበደ መድረኩን ሲከፍቱ፣ ዕድሜው ለትምህርት የደረሰ ህፃን ሁሉ የትምህርት ዕድል እንዳገኘ ገልፀዋል፡፡
በመቀጠልም በአፈፃፀምና በስነ-ምግባር ጉድለት የተገኘባቸው 612 የትምህርት አመራሮች ላይ የማስተካከያና የእርምት እርምጃዎች በመውሰድ የማጥራት ስራ መሰራቱን የክልሉ ትምህርት ቢሮ ኃላፊ ገልፀዋል፡፡
የቢሮ ኃላፊው አያይዘውም ሴቶችን ወደ ትምህርት አመራርነት ለማምጣት በፈተና 50% በላይ ውጤት ካገኙ በዘርፉ አመራር እንዲሆኑ መመሪያ ፀድቆ እንደወረደ አሳውቀዋል፡፡
በትምህርት ሚኒስቴር የአጠቃላይ ትምህርት ዘርፍ ሚኒስቴር ዴኤታ አቶ መሐመድ አህመዲን እንደገለፁት፣ 27ኛው የትምህርትና ስልጠና ጉባዔ ላይ ተነስተው ሊሰራባቸው ይገባል በተባሉት ርዕሰ ጉዳዮች ዙሪያ ውይይት እንደሚደረግ ያሳወቁ ሲሆን በተለይም በትምህርት ዘርፉ በተከሰቱ የመልካም አስተዳደር ችግሮች ዙሪያ፣ በትምህርት ቤት አመራሮች ልማት ዙሪያ በተለይ በሴቶች የአመራርነት ተሳትፎ ዙሪያ፣ በመምህራን የአቅም ግንባታ ስልጠና ዙሪያና የጎልማሶች የትምህርት ተሳትፎ ዙሪያ በተቀመጠው አቅጣጫ መሰረት ምን ያህል እንደተተገበሩ በመገምገም ቀጣይ የትኩረት አቅጣጫ እንደሚቀመጥ ጠቁመዋል፡፡
የዕቅድ አፈፃፀም ግምገማው መድረክ በቀጣይ ሁለት ቀናትም ቀጥሎ እንደሚውል የትምህርት ሚኒስቴር የኮሙዩኒኬሽን ጉዳዮች ዳይሬክቶሬት ዘግቧል፡፡


News

የዩኒቨርሲቲ ተማሪዎች ለኤች አይቪ/ኤድስ ተጋላጭነት፤

የከፍተኛ ትምህርት ተቋማት የኤችአይቪ/ኤድስና ተያያዥ ጉዳዮች ዕቅድ አተገባበርና ውጤት በሚል ርዕሥ በአዳማ ከተማ ውይይት እየተደረገ ይገኛል፡፡ የትምህርት ሚኒስቴር ደኤታ አቶ ተሸማ ለማ በመድረኩ መክፈቻ ንግግራቸው እንደ ገለጹት በዚህን ሰዓት በሀገራችን 28 ሚሊዮን ማለትም ከ1/3ኛ በላይ ዜጎች በትምህርት ገበታ ላይ የሚገኙና ከእነዚህም በአፍላ ዕድሜ ክልል ውስጥ ያሉት አምራች ሃይል የሆኑት ወጣቶች ለኤችአይቪ/ኤድስ በሽታ ተጋላጭ እንደሆኑ ገልጸዋል፡፡ ዩኒቨርሲቲዎችም ተማሪዎች በሲስተር-ሲስተር፣ አቻ ለአቻ፣ የህይወት ክህሎት ፕሮግራሞች እንዲመካከሩ፣ የማስተባበሪያ አደረጃጀቶች እና ክበባትን ማቋቋም፣መርሀ-ግብር ማዘጋጀትና በዕቅድ አካተው የተሰራ ቢሆንም ተጋላጭነቱን ለመግታት የባህሪይ ለውጥ አሁንም አለመምጣቱን ገልጸዋል፡፡

በ2010 ዓ.ም የዩኒቨርሲቲ መግቢያ ፈተና ለወሰዳችሁ ተማሪዎች

የከፍተኛ ትምህርት ተቋማት የኤችአይቪ/ኤድስና ተያያዥ ጉዳዮች ዕቅድ አተገባበርና ውጤት በሚል ርዕሥ በአዳማ ከተማ ውይይት እየተደረገ ይገኛል፡፡ የትምህርት ሚኒስቴር ደኤታ አቶ ተሸማ ለማ በመድረኩ መክፈቻ ንግግራቸው እንደ ገለጹት በዚህን ሰዓት በሀገራችን 28 ሚሊዮን ማለትም ከ1/3ኛ በላይ ዜጎች በትምህርት ገበታ ላይ የሚገኙና ከእነዚህም በአፍላ ዕድሜ ክልል ውስጥ ያሉት አምራች ሃይል የሆኑት ወጣቶች ለኤችአይቪ/ኤድስ በሽታ ተጋላጭ እንደሆኑ ገልጸዋል፡፡ ዩኒቨርሲቲዎችም ተማሪዎች በሲስተር-ሲስተር፣ አቻ ለአቻ፣ የህይወት ክህሎት ፕሮግራሞች እንዲመካከሩ፣ የማስተባበሪያ አደረጃጀቶች እና ክበባትን ማቋቋም፣መርሀ-ግብር ማዘጋጀትና በዕቅድ አካተው የተሰራ ቢሆንም ተጋላጭነቱን ለመግታት የባህሪይ ለውጥ አሁንም አለመምጣቱን ገልጸዋል፡፡

የትምህርት ሚኒስቴር ሰራተኞች በ2010 በጀት ዓመት እቅድ አፈፃፀም ላይ ተወያዩ፤

የኢ.ፌ.ዴ.ሪ. ትምህርት ሚኒስቴር በ2010 በጀት ዓመት በቁልፍና አበይት ተግባራት ያከናወናቸውን ተግባራት የሚኒስቴር መስሪያ ቤቱ ከፍተኛ አመራሮችና መላው ሰራተኞች በተገኙበት ገምግሟል ፡፡ በግምገማው በርካታ ስኬታማ ስራዎች ቢሰሩም ከትምህርት ጥራት፣ ከትምህርት ግብዓት ማሟላት እንዲሁም ከባለሙያዎች ክህሎት ማነስ ጋር የተያያዙ መጠነ ሰፊ ችግሮች የነበሩበት በመሆኑ ሚኒስቴር መስሪያ ቤቱ ሪፎርም ማድረግ እንደሚገባውም ተጠቅሷል፡፡

የኢፌዲሪ ጠቅላይ ሚኒስትር ከከፍተኛ ትምህርት ተቋማት መምህራን ጋር ያደረጉት ውይይት፡

ተሳታፊ መምህራን ከ45ቱ የመንግስትና ከ4ቱ የግል ከፍተኛ ትምህርት ተቌማት የተውጣጡ 3ሺ175 ያህል ናቸው። በውይይቱም በርካታ ጥያቄዎች የተነሱ ቢሆንም ለተነሱት ጥያቄዎች የመምህርነት ሙያ የተከበረ እንደሆነና በቀጣይ በትምህርት ዘርፉ ለሚያጋጥሙና ለሚስተዋሉ ችግሮች መምህራን እና የከፍተኛ ትምህርት ተቌማት አመራር በጋራ ችግሮችን መፍታት እንደሚገባ ጠ/ሚኒስትሩ ገልፀዋል።

የሐረማያ ዩኒቨርሲቲ ተማሪዎች ምርቃት፡

የሐረማያ ዩኒቨርሲቲ በመደበኛና በተከታታይ መርሃ-ግብር 8,152 ተማሪዎችን በዩኒቨርሲቲው ቅጥር ግቢ ሐምሌ 7/2010 ዓ.ም አስመርቋል፡፡ በምረቃ ስነ-ስርዓቱ ላይ ክብርት ወ/ሮ ጠይባ ሐሰን የኦሮሚያ ብሔራዊ ክልላዊ መንግሥት ምክትል ፕሬዝዳንት በክብር እንግድነት የተገኙ ሲሆን ለተመራቂዎችም የስራ መመሪያ መልዕክት አስተላልፈዋል፡፡