የ2010 ዓ.ም የ10ኛ እና የ12ኛ ክፍል የሀገር አቀፍ ፈተናዎች ከግንቦት 22 - 30 /2010 ዓ.ም ድረስ እንደሚሰጥ ተገለፀ፡፡

የ2010 ዓ.ም የ10ኛ እና የ12ኛ ክፍል የሀገር አቀፍ ፈተናዎች ከግንቦት 22 - 30 /2010 ዓ.ም ድረስ እንደሚሰጥ ተገለፀ፡፡

የአገር አቀፍ የትምህርት ምዘናና ፈተናዎች ኤጀንሲ ዋና ዳይሬክተር አቶ አርዓያ ገብረእግዚአብሄር እንደገለፁት፣ 10 ክፍል የሀገር አቀፍ ፈተና ከግንቦት 22-24/2010 . የሚሰጥ ሲሆን 12 ክፍል(የከፍተኛ ትምህርት ተቋም መግቢያ) ፈተና ደግሞ ከግንቦት 27 - 30 /2010 . ድረስ ይሰጣል ብለዋል፡፡ 

ዋና ዳይሬክተሩ አያይዘውም የፈተናዎች የህትመት ስራ ተጠናቆ በአጠቃላይ 131 የፈተና ስርጭት የጉዞ መስመሮች እና 10 የአውሮፕላን የጉዞ መስመር ተገቢው የፖሊስ ጥበቃና አጀባ እንዲያገኙ እየተደረገ መሆኑን ገልፀዋል፡፡
2709 10 እና 993 12 በድምሩ 3602 የፈተና ጣብያዎች የሚገኙ ሲሆን በዘንድሮው ፈተና በጠቅላላው 1,222 ,956 10 ክፍል ተፈታኞች፣ 284,558 12 ክፍል ተፈታኞች 3,467 የፈተና ጣቢያዎች እንደሚፈተኑ ታውቋል፡፡ 
የፈተና ስራው በታቀደለት ሁኔታ ፍፁም ሰላማዊ እንዲሆንና ከፈተና ስነ-ምግባር ውጪ እንዳይሆን 77,222 በላይ የሰው ሃይል በቅንጅት እንደሚሰራና ድሬዳዋን ጨምሮ በአራቱ ዋና ዋና ክልሎች ክላስተር ማዕከላት ተቋቁመው የፈተናው ስራ ክትትል እንደሚደረግበት ዋና ዳይሬክተሩ ገልፀዋል፡፡

የፈተና አሰጣጡ በተረጋጋና ሰላማዊ በሆነ መንገድ ማከናወን እንዲቻል በፈተና አስፈጻሚነት ለሚሰማራው የሰው ሃይል እና ለተፈታኞች ተከታታይ ገለጻና ኦሬንቴሽን በየደረጃው የተሰጠ ሲሆን ማህበረሰቡ ልጆቹን የተሳሳተ የፈተና መልስ አባዝተው ከሚበትኑና የተፈታኞችን ስነ-ልቦና ከሚረብሸ ማንኛውም ድርጊት እንዲከላከል እንዲሁም ኩረጃ የአገር ፀር እንደሆነ መምከር እንዳለበት አቶ አርዓያ ማስገንዘባቸውን የኮሙዩኒኬሽን ጉዳዮች ዳይሬክቶሬት ዘግቧል፡፡


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡