News News

የአጠቃላይ ትምህርት ዘርፍ የ2009 በጀት አመት የ6 ወራት እቅድ አፈጻፀም ግምገማ በኮምቦልቻ ከተማ ተካሄደ

የአጠቃላይ ትምህርት ዘርፍ መደበኛና መደበኛ ባልሆነ የትምህርት አሰጣጥ የሚካሄድ ሲሆን ቅድመ መደበኛ ትምህርትን የመጀመሪያ ደረጃና ሁለተኛ ደረጃ ትምህርትን እንዲሁም የጎልማሶች ትምህርትን ያጠቃልላል፡፡

በኢፌዴሪ ትምህርት ሚኒስቴር የአጠቃላይ ትምህርት ዘርፍ ሚኒስትር ዴኤታ ክቡር ዶክተር ጥላዬ ጌቴ እንደገለጹት የግምገማ መድረኩ 2008 በጀት አመት የእቅድ አፈጻጸም ግምገማን መሠረት በመድረግ በተካሄደው 26ኛው የትምህርትና ስልጠና ጉባኤና በአጠቃላይ ትምህርት ዘርፍ የህዝብ ንቅናቄ መድረክ ላይ የተነሱ የውይይት  ነጥቦችና ውሳኔዎችን መነሻ በማድረግ በተያዘው የመጀመሪያ ግማሽ አመት በዘርፉ የተከናወኑ ስራዎችን ለመገምገምና በእቅድ አፈጻፀም ሂደት ያጋጠሙ ችግሮችን በመለየት ቅድሚያ ትኩረት ለሚሹ ጉዳዮች የመፍትሄ አቅጣጫ ለመጠቆም ያለመ መሆኑን ተናግረዋል፡፡     

ክቡር / ጥላዬ አክለውም የአጠቃላይ ትምህርት ስራዎችን በአግባቡ ለማሳለጥና የሚጠበቀውን ውጤት ለማስመዝገብ  በሁሉም ክልሎች ለናሙናነት በተመረጡ ዞኖች፣ ወረዳና ትምህርት ቤቶች በሶስት ቡድን  የመስክ ጉብኝት ስራ የተከናወነ መሆኑን   ጠቁመዋል፡፡

በመስክ ሱፔርቪዥን ሂደት ከሚኒስቴር መስሪያ ቤቱ፣ ከህዝብ ተወካዮች ምክር ቤት፣ ከህዝብ ክንፍ አካላት የተውጣጡ ባለሙያዎችና ኃላፊች  ተሳታፊ ሲሆኑ 10 የተለያዩ ዞኖች፣በ28 ወረዳዎች የሚገኙ ትምህርት ቤቶችና በወረዳ  ትምህርት / ቤት የጎልማሶች ትምህርት አመቻች በመጎበኘት ለስራው ግብዓት የሚሆኑ መረጃን መሰባሰብ መቻሉን ክቡር ሚኒስትር ዴኤታው አስገነዝበዋል፡፡

የቅድመ መደበኛ ትምህርት ተሳትፎ ጋር ተያይዘው የታቀደው 80 በመቶ ለማድረስ ቢሆንም አሁን ያለበት ደረጃ 52 በመቶ ነው፡፡ የመጀመሪያ ደረጃ ትምህርት ጥቅል ተሳትፎ 82 በመቶ መሆኑን በመግለፅ የተማሪ መጽሀፍ ጥምርታ 11 መዳረስ መቻሉን ከሴት አመራር ጋር ተያይዞ በቀጣይ 1020 ሴት አመራሮች ወደ ስልጠና እንደሚገቡ ሚኒስትር ዴኤታው ተናግረዋል፡፡

በቀሪው የእቅድ አፈጻፀም ወራት  የትምህርት ፍትሃዊነት፣ ተገቢነትና  ጥራት  በሚፈለገው ደረጃ ለማሳደግ በተቀናጀ ተግባር ተኮር የጎልማሶች ትምህርት፣ በታዳጊ ክልሎች የሚታዩ የመጠነ ማቋረጥና መድገም በልዩ ፍላጎት ትምህርት፣  በመረጃ ልውውጥ ጥራትና ወቅታዊነት፣   በሰላማዊ የመማር ማስተማር ላይ የሚታዩ ክፍተቶች  እንዲሁም በቂና ብቃት ያላቸው መምህርን ለማፍራት  ሁሉም ትኩረት ሰጥቶ መስራት እንደሚገባም ዶክተር ጥላዬ አስገንዝበዋል፡፡

 የአማራ ብሔራዊ ክልላዊ መንግስት ትምህርት ቢሮ ኃላፊ ክቡር አቶ ይልቃል ከፍአለ የእንኳን ደህና መጣችው መልዕክት ባስተላለፉበት ወቅት እንደተናገሩት መንግስት የትምህርት ዕድል ለዜጎች ለማዳረስ  መጠነ ሰፊ ስራ እየሰራ መሆኑን በመግለፅ አማራ ትምህርት ቢሮም የተቀመጡ ትምህርት ግቦች ለማሳካት ከፍተኛ ጥረት እያደረገ መሆኑን ተናግረዋል፡፡

በክልሉ የሚገኙ 9 በላይ ትምህርት ቤቶች 150 መምህራን እና 5 ሚሊዮን የሚጠጉ የአጠቃላይ ትምህርት ተማሪዎችን በመያዝ እንዲሁም ባለድርሻ አካላትን በማሳተፍ የትምህርት ጥራት ለማረጋገጥ ርብርብ እየተደረገ መሆኑንም  አቶ ይልቃል ጨምረው ገልጸዋል፡፡

ተሳታፊዎች በበኩላቸው በተያዘው  በጀት አመት 6 ወራት እቅድ አፈጻፀም ሂደት በተላይም በትምህርት ቤቶች ደረጃ ምደባ፣ በመረጃ ልውውጥ ጥራትና ወቅታዊነት፣   በተቀናጀ ተግባር ተኮር  የጎለማሶች ትምህርት፣ ከትምህርት ግብዓት አኳያ እንዲሁም በልዩ ፍላጎት ትምህርት ያጋጠሙ ተግዳሮቶች ለመፍታት መስራት እንደሚገባችው ተናግረዋል፡፡

በአማራ ብሔራዊ ክልላዊ መንግት ኮምቦልቻ  ከተማ ከጥር 23-24 /2009 . በተካሄደው የግምገማ መድረክ የትምህርት ሚኒስቴር፣ የሁሉም ክልሎችና ሁለቱ ከተማ  አስተዳደር ትምህርት ቢሮዎች የተውጣጡ ኃላፊዎችና ባሙያዎች እንዲሁም የህዝብ ክንፍ  አካላት ተሳታፊ ሆኖዋል፡፡

በመድረኩ 2009. 6 ወራት እቅድ አፈጻፀም የቁልፍና የዓበይት  ተግባራት አፈጻፀም፣ የመስክ ሱፐርቪዥን ሪፖርት ቀርቦ በጥልቀት የተገመገመ ሲሆን በግምገማው ሂደት የተለዩ ክፍተቶችን በቀሪው ጊዜያት ለማጥበብ ብሎም ለማስወገድ የጋራ መግባባት ላይ ተደርሷል፡፡



No comments yet. Be the first.
News

የ2009 ዓ.ም የሁለተኛ ደረጃ መልቀቂያ (የ10ኛ ክፍል) ብሔራዊ ፈተና ከግንቦት 23- 25 እንዲሁም የከፍተኛ ትምህርት ተቋም መግቢያ ፈተና (የ12ኛ ክፍል) ከግንቦት 28 እስከ ሰኔ 1 2009 ዓ.ም. ይሰጣሉ

የትምህርት ሚኒስቴር የ2009 ዓ.ም የሁለተኛ ደረጃ መልቀቂያ (የ10ኛ ክፍል) ብሔራዊ ፈተና ከግንቦት 23- 25 እንዲሁም የከፍተኛ ትምህርት ተቋም መግቢያ ፈተናዎች (የ12ኛ ክፍል) ከግንቦት 28 እስከ ሰኔ 1 2009 ዓ.ም. እንደሚሰጡ ገለጸ፡፡ የፈተናው አጠቃላይ ዝግጅት የተጠናቀቀ ሲሆን በሀገሪቱ ለሚገኙ ተፈታኞች 3,467 የፈተና ጣቢያዎች ተዘጋጅተዋል፡፡ በዚህ ዓመትም ከ1.2 ሚሊየን በላይ የ10ኛ ክፍል እንዲሁም ከ288ሺህ በላይ የ12ኛ ክፍል ተፈታኞች ይኖራሉ ተብሎ ይጠበቃል፡፡

የትምህርት ሚኒስቴር በተፈጥሮ ሳይንስና ምህድስና ትምህርት መስክ ከፍተኛ ውጤት ያስመዘገቡ ሴት ተማሪዎችን ሸለመ

የኢ.ፌ.ዲ.ሪ ትምህርት ሚኒስቴር ሥርዓተ ጾታ ዳይሬክቶሬት ከደብረ ብርሃን ዩኒቨርሲቲ የሥርዓተ ጾታና ባለ ዘርፈ ብዙ ጉዳዮች ዳይሬክቶሬት ጋር በመተባበር በተፈጥሮ ሳይንስና ምህድስና ትምህርት መስክ ከፍተኛ ውጤት ላስመዘገቡ በደብረ ብርሃን ዩኒቨርሲቲ ከአንደኛ እስከ አምስተኛ አመት ያሉ ሴት ተማሪዎች፣ ድጋፍ ላደረጉላቸው መምህራንን እና አመራሮች የማበረታቻ ሽልማት ሰጠ፡፡ በዩኒቨርሲቲው የመሰብሰቢያ አደራሽ ...

በሙያ ፍቃድ የምዘና ውጤት ትንተናና በመምህራን ትምህርት ኮሌጆች እውቅና አሰጣጥ ስታንዳርዶች ዙሪያ ምክክር መድረክ ተካሄደ

ሀገራችን የሙያ ፍቃድ አሰጣጥና እድሳት ስርዓት በመዘርጋት የመምራን፣ የርዕሰ መምህራንና የሱፐርቫይሮች ሙያዊ ብቃት ምዘና ሂደትን በወጥነት ለመተግበርና በሙያ ፍቃድ አሰጣጥ የአደረጃጀቶችን ሚናና የፈጻሚ ባለድርሻ አካለላትን ተግባርና ኃላፊነት ለይቶ ለማሳወቅና ተጠያቂነትን ለማስፈን የሚየስችል የአሰራር ስርዓት ዘርግታ እየሰራች ትገኛለች፡፡ በሙያ ፍቃድ አሰጣጥ ስርዓት ውስጥ ሶስት የሙያ ፍቃድ አይነቶች አሉ፡፡ እነዚህም፦ አንደኛው የመጀመሪያ ሙያ ፍቃድ ለጀማሪ መምህራንና በትምህርት ተቋማት አመራርነት ሰልጥነው ወደሙያው ለሚገቡ እንዲሁም ለደረጃው የብቃት መመዘኛ ላሟሉ የሚሰጥ ፣ ሁለተኛው ሙሉ የሙያ ፍቃድ፥ ለአምስት አመት የሚያገለግል ሆኖ የመጀመሪያ ሙያ ፍቃድ በማግኘት ሲሠሩ ቆይተው ላጠናቀቁ የሚሰጥ ሲሆን የሦሥተኛው ደግሞ ቋሚ የሙያ ፍቃድ ነው፡፡ ይህ ፍቃድ ሙሉ የሙያ ፍቃድ ከያዙ በኋላ ለደረጃው የሚመጥን አገልግሎት አጠናቀው የሙያ ፍቃድ ብቃት መመዘኛ ላሟሉ መምህራን፣ ለርዕሰ መምህራንና ሱፐርቫይዘሮች የሚሰጥና በየአምስት አመት የሚታደስ ቋሚ የሙያ ፍቃድ ነው፡፡

ትምህርት ሚኒስቴር የትራፊክ አደጋን ትርጉም ባለው መልኩ ለመቀነስ በሚቻልበት ሁኔታ ላይ ከባለድርሻ አካላት ጋር ውይይት አካሄደ

ሚኒስቴር መሥሪያ ቤቱ ከመንገድ ትራንስፖርት ሚኒስቴር ጋር በመተባበር “ከትራፊክ አደጋ የጸዳ የትራንስፖርት አገልግሎት ለሀገራዊ ህዳሴ“ በሚል ሀገራዊ መሪ ቃል በሀገር ደረጃ የትራፊክ አደጋን ትርጉም ባለው መልኩ ለመቀነስ በሚቻልበት ሁኔታ ላይ ከባለድርሻ አካላት ጋር የምክክር መድረክ ያካሄደው በሚኒስቴር መሥሪያ ቤቱ የመሰብሰቢያ አደራሽ ሚያዝያ 20/2009 ዓ∙ም ነበር። የኢፌዲሪ ትምህርት ሚኒስቴር ሚስትር ዴኤታ የሆኑት የተከበሩ ዶ/ር ጥላዬ ጌቴ መድረኩን በእንኳን ዳህና መጣችሁ ንግግር በከፈቱበት ወቅት እንደተናገሩት የትራፊክ አደጋን ከምንጩ በመቀነስ የህዝባችንን ህይወት፣አካልና ንብረት፤እንዲሁም የሀገሪቱን ሀብት ከጥፋት ለመታደግ መላው ህብረተሰብ በትራፊክ ደህንነት ዙሪያ በባለቤትነት ስሜት እንድንቀሳቀስ ማድረግና ከዚህ አንጻር ዜጎችን በመልካም ሥነ-ምግባር መቅረፅ በአሁኑ ወቅት እጅግ በጣም አንገብጋቢ ጉዳይ መሆኑን ገልጸዋል። በአሁን ወቅት በትምህርት ዘርፉ ውስጥ በተለያዩ የትምህርት እርከኖች ላይ 30 ሚሊዮን የሚጠጉ ተማሪዎች፣ከግማሽ ሚሊዮን በላይ የሚሆኑ መምህራን፣ከተማሪዎች በስተጀርባ ያሉ በርካታ ወላጆችና መደበኛ ባልሆነ የተቀናጀ የጎልማሶች ትምህርት ላይ እየተሳተፉ ያሉ በርካታ ሠልጣኞች እንዳሉ ጠቅሰው ከሌሎች ባለድርሻ አካላት ጋር በሚገባ በመቀናጀት ከዚህ በፊት ሲሠራ ከነበረው ይበልጥ ሥራውን በማስፋትና በማጠናከር ከተሠራ በሀገር ደረጃ መሠረታዊ ለውጥ ማምጣት እንደሚቻል አስገንዝበዋል።

የተፋጠነ የትምህርት ቤት ዝግጁነት የትምህርት አቀራረብ ሥነ-ዘዴ እንደ አንድ የቅድመ መደበኛ ትምህርት ማስፋፊያ አመራጭ ተወስዶ በሀገር አቀፍ ደረጃ እንድተገበር የምመክር አውደ ጥናት ተካሄደ

የትምህርት ቤት መሻሻል ፕሮግራም ዳይሬክቶሬት በቤንሻንጉል ጉሙዝ ብሔራዊ ክልል ከ2007 ዓ.ም ክረምት ጀምሮ ለመጀመሪያ ጊዜ እየተተገበረ ያለውን የተፋጠነ የትምህርት ቤት ዝግጁነት የቅድመ መደበኛ ትምህርት አቀራረብ ውጤታማነትን ለማስተዋወቅና በሀገር አቀፍ ደረጃ ለማስፋት ከአዲስ አበባ ከተማ አስተዳደር ውጪ ከሁሉም ክልሎች፤ ከድሬደዋ ከተማ አስተዳደር፣ ከዩኒሴፍ ኢትዮጵያ እና ከህጻናት አድን ድርጅት እንዲሁም ከትምህርት ሚኒስቴር የተውጣጡ የሥራ ኃላፊዎችና የትምህርት ባለሙያዎች የተሳተፉበት አውደ ጥናት ሚያዚያ 2 እና 3/2009 ዓ.ም በትምህርት ሚኒስቴር የመሰብሰቢያ አደራሽ ተካሄደ። ይህ ፕሮግራም ከአራቱ የቅድመ መደበኛ ትምህርት አሰጣጥ ሥነ-ዘዴ መካከል አንዱ ሲሆን በሦስቱም (መዋዕለ ህጻናት፤ ኦ ክፍልና ህጻን ለህጻን) የቅድመ መደበኛ ትምህርት አሰጣጥ ዘዴ ተጠቅመው ለመደበኛ ትምህርት ቅድመ ዝግጅት ያላደረጉትን እድሜያቸው ስድስት ዓመትና ከዚያ በላይ የሆኑ ህጻናትን በስምንት ሳምንታት ውስጥ ለመደበኛ ትምህርት ዝግጁ ማድረግ ያሚያስችል ፕሮግራም ነው።

Communication and Media Communication and Media

Communication Address:

Tel: +251-11-156-14-94

Fax: