የ2009 ዓ.ም የትምህርት ዘመን የዝግጅት ምዕራፍ ስልጠናዎች ጠቀሜታቸው የጎላ ነው

የ2009 ዓ.ም የትምህርት ዘመን የዝግጅት ምዕራፍ ስልጠናዎች ጠቀሜታቸው የጎላ ነው

የ2009 ዓ.ም የትምህርት ዘመንን በስኬት ለማጠናቀቅ በዝግጅት ምዕራፍ ወቅት የሚሰጡ ስልጠናዎች ጠቀሜታቸው የጎላ መሆኑን የአማራ ብሔራዊ ክልላዊ መንግስት ትምህርት ቢሮ አስታወቀ፡፡

የክልሉ ምክትል ርዕሰ መስተዳድርና የትምህርት ቢሮ ሃላፊው አቶ ብናልፍ አንዱዓለም በዛሬው ዕለት ጋዜጣዊ መግለጫ በሰጡበት ወቅት እንዳስታወቁት መምህራን፣ተማሪዎችና ወላጆች የሚሳተፉበት ስልጠና ከመስከረም 11/2009 ዓ.ም ጀምሮ ለተከታታይ ስድስት ቀናት ይካሄዳል፡፡

የስልጠናው ዓላማ ሁሉም የትምህርት ባለድርሻ አካላት የ2008 የትምህርት ዘመን አፈፃፀም በጋራ በመገምገም የነበሩትን ድክመቶችና ጥንካሬዎች ለይተው እንዲያውቁና በ2009 ዓ.ም የትምህርት ዘመን በሚገባ ለማረም በሚቻልበት ሁኔታ ላይ የጋራ መግባባት ለመፍጠር ታስቦ መሆኑን አቶ ብናልፍ አሰታውቀዋል፡፡moe

ስልጠናው መላውን የክልሉ ህብረተሰብ በትምህርት ሥራዎች ላይ ለማንቀሳቀስ እንደሚረዳ የጠቆሙት ሃላፊው የትምህርት ልማት ዘላቂ ግቦችን ለማሳካት የሚያስችል ዝግጅት ለማድረግም ስልጠናው አስፈላጊ መሆኑንም ተናግረዋል፡፡

በተያዘው የትምህርት ዘመን ሰላማዊ የመማር ማስተማር ሂደት እንዲኖርና ሊያጋጥሙ ይችላሉ ተብለው የሚታመንባቸው ችግሮችን ለመፍታት እንደሚያስችል ታምኖበታል ብለዋል፡፡

የክልሉ የ25 ዓመታት የትምህርት ጉዞን ከተሳትፎ፣ከተደራሽነትና ጥራት አንፃር የሚገመግም እንዲሁም የፌዴራል ሥርዓት ግንባታ እና አንድ የፖለቲካና የኢኮኖሚ የጋራ ማህበረሰብ የመገንባት አስፈላጊነት ላይ ያተኮሩ ሰነዶች ለውይይት የሚቀርቡ መሆናቸውንም አቶ ብናልፍ አስታውቀዋል፡፡

የመምህራን ሙያ ፈቃድና ዕድሳት መመሪያ ላይ መምህራን እንደሚወያዩ የተናገሩት የቢሮ ሃላፊው ከዚህ በተጨማሪም በ2009 ዓም የትምህርት ዕቅድ ላይ ውይይት እንደሚካሄድም ተናግረዋል፡፡ 

የስልጠናው ተሳታፊዎች ለስልጠናው ልዩ ትኩረት በመስጠት ሊታረሙ ይገባል የሚሏቸውን ችግሮች ነቅሰው በማውጣትና የተሻሉ አፈፃፀሞች ተጠናክረው እንዲቀጥሉ በማድረግ ረገድ የሚጠበቅባቸውን ሚና እንዲጫወቱ ምክትል ርዕሰ መስተዳድሩ ጥሪያቸውን አስተላልፈዋል፡፡


News

የዩኒቨርሲቲ ተማሪዎች ለኤች አይቪ/ኤድስ ተጋላጭነት፤

የከፍተኛ ትምህርት ተቋማት የኤችአይቪ/ኤድስና ተያያዥ ጉዳዮች ዕቅድ አተገባበርና ውጤት በሚል ርዕሥ በአዳማ ከተማ ውይይት እየተደረገ ይገኛል፡፡ የትምህርት ሚኒስቴር ደኤታ አቶ ተሸማ ለማ በመድረኩ መክፈቻ ንግግራቸው እንደ ገለጹት በዚህን ሰዓት በሀገራችን 28 ሚሊዮን ማለትም ከ1/3ኛ በላይ ዜጎች በትምህርት ገበታ ላይ የሚገኙና ከእነዚህም በአፍላ ዕድሜ ክልል ውስጥ ያሉት አምራች ሃይል የሆኑት ወጣቶች ለኤችአይቪ/ኤድስ በሽታ ተጋላጭ እንደሆኑ ገልጸዋል፡፡ ዩኒቨርሲቲዎችም ተማሪዎች በሲስተር-ሲስተር፣ አቻ ለአቻ፣ የህይወት ክህሎት ፕሮግራሞች እንዲመካከሩ፣ የማስተባበሪያ አደረጃጀቶች እና ክበባትን ማቋቋም፣መርሀ-ግብር ማዘጋጀትና በዕቅድ አካተው የተሰራ ቢሆንም ተጋላጭነቱን ለመግታት የባህሪይ ለውጥ አሁንም አለመምጣቱን ገልጸዋል፡፡

የትምህርት ሚኒስቴር ሰራተኞች በ2010 በጀት ዓመት እቅድ አፈፃፀም ላይ ተወያዩ፤

የኢ.ፌ.ዴ.ሪ. ትምህርት ሚኒስቴር በ2010 በጀት ዓመት በቁልፍና አበይት ተግባራት ያከናወናቸውን ተግባራት የሚኒስቴር መስሪያ ቤቱ ከፍተኛ አመራሮችና መላው ሰራተኞች በተገኙበት ገምግሟል ፡፡ በግምገማው በርካታ ስኬታማ ስራዎች ቢሰሩም ከትምህርት ጥራት፣ ከትምህርት ግብዓት ማሟላት እንዲሁም ከባለሙያዎች ክህሎት ማነስ ጋር የተያያዙ መጠነ ሰፊ ችግሮች የነበሩበት በመሆኑ ሚኒስቴር መስሪያ ቤቱ ሪፎርም ማድረግ እንደሚገባውም ተጠቅሷል፡፡

የኢፌዲሪ ጠቅላይ ሚኒስትር ከከፍተኛ ትምህርት ተቋማት መምህራን ጋር ያደረጉት ውይይት፡

ተሳታፊ መምህራን ከ45ቱ የመንግስትና ከ4ቱ የግል ከፍተኛ ትምህርት ተቌማት የተውጣጡ 3ሺ175 ያህል ናቸው። በውይይቱም በርካታ ጥያቄዎች የተነሱ ቢሆንም ለተነሱት ጥያቄዎች የመምህርነት ሙያ የተከበረ እንደሆነና በቀጣይ በትምህርት ዘርፉ ለሚያጋጥሙና ለሚስተዋሉ ችግሮች መምህራን እና የከፍተኛ ትምህርት ተቌማት አመራር በጋራ ችግሮችን መፍታት እንደሚገባ ጠ/ሚኒስትሩ ገልፀዋል።

የሐረማያ ዩኒቨርሲቲ ተማሪዎች ምርቃት፡

የሐረማያ ዩኒቨርሲቲ በመደበኛና በተከታታይ መርሃ-ግብር 8,152 ተማሪዎችን በዩኒቨርሲቲው ቅጥር ግቢ ሐምሌ 7/2010 ዓ.ም አስመርቋል፡፡ በምረቃ ስነ-ስርዓቱ ላይ ክብርት ወ/ሮ ጠይባ ሐሰን የኦሮሚያ ብሔራዊ ክልላዊ መንግሥት ምክትል ፕሬዝዳንት በክብር እንግድነት የተገኙ ሲሆን ለተመራቂዎችም የስራ መመሪያ መልዕክት አስተላልፈዋል፡፡