በ28 የፌዴራል መንግስት ተቋማት መካከል በተደረገው ምዘና የሴቶችን ሁለንተናዊ ተሳትፎና ተጠቃሚነት በማረጋገጥ የትምህርት ሚኒስቴር ቀዳሚ ሆነ፡፡

በ28 የፌዴራል መንግስት ተቋማት መካከል በተደረገው ምዘና የሴቶችን ሁለንተናዊ ተሳትፎና ተጠቃሚነት በማረጋገጥ የትምህርት ሚኒስቴር ቀዳሚ ሆነ፡፡


እነዚሁ ተቋማት ባስቀመጡት የስርዓተ ፆታ ማካተት፤ ተቋማዊነትና የሴቶችን ተጠቃሚነት ማረጋገጥ መከታተያ፤ መመዘኛና ደረጃ ማዕቀፍ መሰረት ከፖሊሲና ህግ፤ተቋማዊ መዋቅር፤ አቅምና ክህሎትን ማጎልበት በቅድመ ሁኔታዎች ሲቀመጡ፤ ስርዓተ ፆታን በማካተት ሂደትም የእቅድ ዝግጅት አፈጻጸምና ክትትልና ግምገማ እንዲሁም ንቅናቄ መፍጠር በትብብርና ቅንጅት ስራ ላይ ያተኮሩ መገምገሚያ ነጥቦች ተካተዋል፡፡
የኢ.... ትምህርት ሚኒስቴር የስርዓተ ፆታ ጉዳዮች ዳይሬክቶሬት ለምዘናው የተቀመጠውን መገምገሚያ መስፈርት በማሳካት 76.24 ከመቶ በማምጣት 28 የፌዴራል ሴክተር መስሪያ ቤቶች ቀዳሚ እንዲሆን አስችሎታል፡፡የስርዓተ ፆታ ጉዳዮች ዳይሬክቶሬት ዳይሬክተር ወይዘሮ ኤልሳቤጥ ገሰሰ ውጤቱ የሚኒስቴር መስሪያ ቤቱ የከፍተኛና የመካከለኛ አመራር እንዲሁም የአጠቃላይ ሠራተኛውና የሁሉም የትምህርት ባለድረሻ አካላት ቁርጠኝነት ድምር ውጤት ነው ብለዋል፡፡ ይህም 5ኛው የትምህርት ዘርፍ ልማት ዕቅድ በተቀመጠው መሠረት በየደረጃው ያሉት አመራሮች የተቋማዊ መዋቅር ለውጥ የሴቶች ተሳትፎና ለአመራርነት የማብቃት ስራ ተሰርተዋል፤ ክትትልና ድጋፍም ተደርገዋል ብለዋል፡፡
ሆኖም ግን ዳይሬክተሯ እንደገለጹት ሀገራችን 2025 መካከለኛ ገቢ ካላቸው ሀገራት ተርታ እንዲትሰለፍ የበለጠ ክትትልና ድጋፍ ማድረግ፤ የተለያዩ የጎንዮሽና የሌሎች ሀገራትን ልምድ በመቅዳት የአቅም ግንባታ ስልጠናዎችንና የልምድ ልውውጦችን ከማዘጋጀት አንጻር አሁንም ገና ይቀረናል ይላሉ፡፡ በሚቀጥሉ ጊዜያት አነስተኛ ነጥብ ያሰጡን እንደነጥናትና ምርምርያሉት ጉዳዮችን ነጥለን እነዛ ላይ እንሰራለንም ብለዋል፡፡
በመጨረሻም በምዘናው መሠረት ስለ ስርዓተ ጾታ ገና ያልተገነዘቡ፤ ግንዘቤው ያላቸው ግን ያልሰሩበት፤ተገንዝበው ወደ ስራም ገብቶ ውጤት ያላሳዩ እና ወደ ስራ ገብቶ በቁርጠኝነት በመስራት ውጤት ያስመዘገቡ ተቋማት ተብለው ተለይተዋል ያሉት ወይዘሮ ኤልሳቤጥ ሌሎች ሴክተር መስሪያ ቤቶች የሀገራችንን ሁለንተናዊ ልማት እውን ለማድረግ ጠንክረው መስራት እንዳለባቸውና ከትምህርት ሚኒስቴር ልምድ መቅሰም እንዳለባቸው አብራርተዋል፡፡


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡