በሀገር አቀፍ ለመጀመሪያ በአፍሪካ ደረጃ ለሁለተኛ ጊዜ የትምህርት ቤት ምገባ ቀን ተከበረ

በሀገር አቀፍ ለመጀመሪያ በአፍሪካ ደረጃ ለሁለተኛ ጊዜ የትምህርት ቤት ምገባ ቀን ተከበረ

የትምህርት ጥራትን በተጨባጭ ዕውን ለማድረግ ትምህርት ቤቶች መሰረት እንደመሆናቸው መጠን ለተማሪዎች ምቹ የትምህርት ሁኔታና አካባቢ እንዲኖር፥ ለትምህርት ያላቸውን ፍላጐትና ተነሳሽነት  እንዲጨምርና የትምህርት አቀባበላቸውንም እንዲሻሻል የትምህርት ቤት ምገባ አስፈላጊ ነው።

 

ለትምህርቱ ሥራ አስፈላጊ የሆኑትን ግብዓቶች ከመንግሥት ከሚደረገው ድጋፍ በተጨማሪ ኅብረተሰቡን በማሳተፍ መንግሥታዊ ያልሆኑ ድርጅቶችን  በማስተባበር ደረጃ በደረጃ እንዲሟሉ በማድረግ ትምህርቱ በጥራት እንዲሰጥ ማድረግ ያስችላል፡፡

 

በኢፌዴሪ ትምህርት ሚኒስቴር እና የአለም ምግብ ፕሮግራም  ትብብር የአፍሪካ ትምህርት ቤት ምገባ ቀን የካቲት 22/2009. በአዲስ አበባ ከተማ ኮከበ ጽባህ የመጀመሪያ ደረጃ ትምህርት ቤትሀገር በቀል የትምህርት ቤት ምገባ፤ ለመጪው ትውልድ ስኬት እና ፍትሃዊ ተጠቃሚነት ዛሬ እንቨስት እናደርግ!” በሚል መሪ ቃል ተከብሯል፡፡

 

የትምህርት ሚኒስቴር ሚኒስትር ክቡር / ሽፈራው ተክለማሪያ በዓሉን በንግግር በከፈቱበት ወቅት እንደገለጹት የትምህርት ቤቶች ምገባ ፕሮግራም ዛሬ ለህፃናትና ለወጣቶች እንቨስት በማድረግ ምርታማ፣ ጤናማና ውጤታማ የሆነ ሀገር ተረካቢ  ዜጋ ለማፍራት እንደሚረዳ  ተናግረዋል፡፡

 

በሀገራችን የትምህርት ተደራሽነትን ለማረጋገጥ ሁሉም ዜጎች የትምህርት ዕድል ተጠቃሚ ለማድረግ በተደረገው ጥረት 30 ሚሊዮን በላይ ተማሪዎች የትምህርት ገበታ ላይ  እንደሚገኙም በመጥቀስ የትምህርት ተደራሽነት በፆታ ምጥጥን፣ በከተማና በገጠር ፍትሃዊነትን ያረጋገጠ መሆኑን ሚኒስትሩ አስገንዝበዋል፡፡

 

/ ሽፈራው አክለውም ሁለተኛውን የእድገትና ትራንስፎርሜሽን እቅድ እንዲሁም አምስተኛውን የትምህርት ዘርፍ ልማት መርሃ ግብር ለማሳካት በመጀመሪያ ደረጃ ትምህርት ማለትም በመጠነ መድገምና በመጠነ መቋረጥ የሚታዩ ክፍተቶችን በመዝጋት የትምህርት ውጤታማነትን ማጎልበት እንደሚገባም ገልጸዋል፡፡

 

2008. የአየር ንብረት ማዛባት ጋር ተያይዞ የድርቅ አደጋ ስለባ የሆኑ  አካባቢዎች ችግሩን ለመቀነስ በፌዴራል መንግስትና በክልሎች እንዲሁም በአጋር ድርጅቶች ጋር በመተባበር  ሰፊ ርብርብ የተደረገ ሲሆን  በተደረገ ጥረትም 569  ሚሊዮን ብር በመመደብ አስቸኳይ የትምህርት ቤት ምገባ ፕሮግራም ተግባራዊ በማድረግ  ዜጎች የምገባው ተጠቃሚ ሆኑዋል አሉ ሚኒስትሩ፡፡

 

በተያዘ አመት የድርቁ ሲፋት ቀንሶ፥ አንዳንድ አካባቢዎች ለድርቅ አደጋ የተጋለጡ ቢሆንም  የፌዴራል መንግስት 198 ሚሊዮን ብር በመመደብ 1.1 ሚሊዮን ህፃናት የምገባ ፕሮግራሙ ተጠቃሚ መሆናቸውንም / ሽፈራው ጠቁመዋል፡፡

በሚኒስቴር መስሪያ ቤቱ የአጠቃላይ ትምህርት ዘርፍ ሚኒስትር ዴኤታ ክቡር / ጥላዬ ጌቴ የትምህርት ቤት ምገባ ፕሮግራም በኢትዮጵያ ያለበትን ደረጃ ባቀረቡበት ወቅት እንደገለጹት ሀገራችን 2017 . መካከለኛ ገቢ ያላቸው ሀገራት ተርታ ለማሰለፍ የሚደረገው ጉዞ ለማሳካት በአካልም ሆነ በአዕምሮ ዕድገቱ የተስተካከለ ዜጋ ማፍራት ሲቻል ነው ብለዋል፡፡

የምገባ ፕሮግራሙ  ተማሪ ከትምህርት ገበታ ሳይለይ ትምህርቱን በአግባቡ እንዲከታተል እንዲሁም ዕድሜው ለትምህርት የደረሰ  ህፃን ጥራት ያለው የመጀመሪያ ደረጃ ትምህርት ለመስጠት የሚያስችል ድጋፍ ለማድረግ ያለመ መሆኑን / ጥላዬ ገልጸዋል፡፡

 

የዕለቱ ክብር እንግዳ ቀዳማዊት እመቤትና በሀገር አቀፍ ደረጃ የትምህርት ቤት ምገባ ፕሮግራም የበላይ ጠባቂ  ክብርት / ሮማን ተስፋዬ በዓሉን አስመልክቶ  ንግግር ባደረጉበት ወቅት የትምህርት ቤት ምገባ ፕሮግራም የሚተገበረው ደህንነት ስላለ ሳይሆን ለተማሪዎች የመማር ውጤትና ለሀገር ዕድገት ጠቃሚ በመሆኑ ነው ብለዋል፡፡

 

በበዓሉም ከትምህርት ሚኒስቴርና ከአዲስ አበባ ከተማ አስተዳደር ትምህርት ቢሮ እንዲሁም ከአጋር ድርጅቶች የተውጣጡ መምህራን ባለሙያዎችና ኃላፊዎች  ተሳትፈዋል፡፡

 


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡