News News

ፐብሊክ ሰርቫንቱ የህዝብ አገልጋይነት መንፈስ መላበስ ለሀገር ዕድገት ቁልፍ ሚና እንዳለው ተገለፀ፡፡

ይህ የተገለጸው የኢፌዴሪ ትምህርት ሚኒስቴር ለዋና መስሪያ ቤት ሰራተኞና ተጠሪ ተቋማት ከጥር 04-10/2009. የፐብሊክ ሰርቫንቱ ጥልቅ ታሀድሶን አስመልክቶ ባዘጋጀው  መድረክ ነው፡፡

የመልካም አስተዳደር ጉድለቶች፣ በመንግስትና ህዝብ ስልጣን ያለአግባብ የመጠቀም፣ ኪራይ ሰብሳቢነት እንዲሁም ሌሎች ብልሹ አሰራሮች ከስር መሰረታቸው ለማረምና ለማስተካከል ሕዝባዊ እርካታና አመኔታ ያለው መንግስታዊ አሰራርና አመራር ለመፍጠር እንዲቻል ፐብሊክ ሰርቫንቱ የበለጠ  የህዝብ አገልጋይነት መንፈስ እንዲላበስ የሚረዳ በሀገር አቀፍ ደረጃ ጥልቅ ተሀድሶ ፕሮግራም በመካሄድ ላይ ይገኛል፡፡

የትምህርት ሚኒስትሩ / ሽፈራው ተክለማርያም "በፐብሊክ ሰርቪሱ የነቃና የተደራጀ ተሳትፎ የህዳሴ ግቦቻችን እውን ይሆናሉ " በሚል መሪ ቃል በትምህርት ሚኒስቴር ዋና መስሪያ ቤትና በለሎች ተጠሪ ተቋማት የተካሄደውን ጥልቅ ታሀድሶ መድረክ  በንግግር በከፈቱበት ወቅት እንደገለፁት  በሀገራችን ባለፉት አመታት በተለይም ባለፉት 13 አመታት ባለ ሁለት አሀዝ ዕድገት የተመዘገበ ሲሆን በዚህ ውጤት  የፐብሊክ ሰርቫንቱና የህብረተሰቡ የነቃ ተሳትፎ ጉልህ ድርሻ እንዳለው ክቡር ሚኒስትሩ ተናግረዋል፡፡

እንደ ክቡር ሚኒስትሩ ንግግር የመድረኩ ዋና አላማ ባለፉት 15 አመታት ጉዞ መነሻ በመድረግ ጥልቅ ግምገማ ለማድረግ፣ ስርዓቱን የሚፈታተኑ በየወቅቱ ብቅ ጥልቅ የሚሉ የተሳሳተ አመለካከቶችና አስተሳሰቦች እንዲሁም ተግባሮች ምንጮቻቸውን በመለየት ለማስወገድ  ምቹ ሁኔታ ለመፍጠር ታስቦ መሆኑን ተናግረዋል፡፡

ሃገራችን የጀመረችውን የህዳሴ ጉዞ ለማሳካት የፐብሊክ ሰርቫንቱ የነቃና የተደራጀ ተሳተፎ የማይተካ ሚና እንዳለው ክቡር ሚኒስትሩ ገልጸዋል፡፡

ልማታዊ ዴሞክራሲያዊ መንግስታችን በየጊዜው ራሱን በመፈተሽ ለህዝብ ጥያቄ ምልሽ የሚሰጥ ነውያሉት ክቡር ሚኒስትሩ ባለፉት 25 አመታት በሀገር አቀፍ ደረጃ የዴሞክራሲ ስርዓት ግንባት እየጎለበተ መምጣቱ፣ ለዴሞክራሲ መሰረት የሚሆኑ ህግ መንግስትና ህጋዊ ማዕቀፎች የተዘረጉበት አስተማማኝ ሰላም የሰፈነበትና ባለ ሁለት አሀዝ የኢኮኖሚ ዕድገት የተመዘገበበት እንዲሁም ማህበራዊ ተቋማት የተስፋፉበትና ሰፋፊ የሆኑ መሰረተ ልማቶች የተዘረጉት በፐብሊክ ሰርቫንቱና የህዝብ የነቃ ተሳትፎ ውጤት መሆኑን ገልጸዋል፡፡

በየደረጃው ያለው የመንግስት መዋቅር ውስጥ የሚሰሩ  ፐብሊክ ሰርቫንት በህዝብ አገልግሎት አሰጣጥ ሂደት ውስጥ ከውጤታማነት፣ ከስነ ምግባር ፣ከኪራይ ሰብሳቢነት ጋር ተያይዞ እንዲሁም ከመልካም አስተዳደር  አኳያ ያገጠሙ ተግዳሮቶች በጥልቅ ታሀድሶ ወደ ራሱ በመውሰድና ራሱን ፈትሾ በማረም  በቀሪው ጊዝያት በሀገር አቀፍ ደረጃ የተያዘውን ሁለተኛው የዕድገትና ትራንስፎርሜሽን እቅድ ለማሳካት መረባረብ እንደሚገባም ክቡር ሚኒስትሩ አስገንዝበዋል፡፡

ዶክተር ሽፈራው አክለውም ህብረተሰቡ ከመንግስት የሚፈልገውን ቀልጣፋ የገልግሎት አሰጣጥ፣ ፐብሊክ ሰርቫንቱ ለህዝብና ለሀገር ያለውን ወገንተኝነት ለማረጋገጥ በተሰማራበት የሙያ መስክ ስራውን በቅንነት፣ በውጤታማነት፣ በታማኝነት፣ እንዲሁም የህዝብ አገልጋይነት መንፈስ  በመላበስ  የመልካም አስተዳደር ችግሮችና ብልሹ አሰራሮች በዘላቂነት ለመቅረፍ በትጋት መስራት እንደሚገባ መልዕክት አስተላልፈዋል፡፡

በሚኒስቴር መስሪያ ቤቱ የአጠቃላይ ትምህርት ዘርፍ ሚኒስትር ዴኤታ / ጥላዬ ጌቴ 15 አመት ጉዞ የልማታዊ ዴሞክራሳያዊ መንግስት ልዩ ባህሪ ባቀረቡበት ወቅት እንደገለፁት ዴሞክራሲና ልማት የመንግስት ብቻ ሳይሆን የህዝብ ትኩረት አጃንዳ መሆኑን ተናግረዋል፡፡

የግብርና ምርታማነት ገበያው ከፈጠረው ዕድል ጋር ተያይዞ የሀገራችን አርሶና አርብቶ አደሮች ከዕደገቱ ተጠቃሚነታቸው እያደገ መምጣቱ፣ በከተሞች አነስተኛና  ጥቃቅን ተቋማት እንዲሁም በባለሀብቱ የሚገነቡ የምርትና አገልግሎት ተቋማት መስፋፋታቸው የብዙ ዜጎች ተጠቃሚነት መረጋገጥ መቻሉ በልማታዊ ዴሞክራሳያዊ ስርዓት ውጤት የተገኘ መሆኑን ጠቁመዋል፡፡

በመድረኩም አመራሩና ፐብሊክ ሰርቫንቱ  በአስተሳሰብ፣ በአመለካከትና በተግባር የሚታዩ ስልጣንን እንዲሁም የመንግስትና የህዝብ አገልግሎትን  ለግል ጥቅም አደርጎ መጠቀም፣ የስነ ምግባር ጉድለት፣ የመልካም አስተዳደር ችግሮች፣ ኪራይ ሰብሳቢነት ማለትም የትምክህት፣ የጠባብነት፣ የሃይማኖት አክራሪነት እና የመሳሰሉ አፍራሽ አስተሳሰቦችንና ተግባሮችን የፐብሊክ ሰርቫንቱ አጠብቆ ሊዋጋቸው እንደሚገባም የጋራ መግባባት ላይ ተደርሷል፡፡



No comments yet. Be the first.
News

የ2009 ዓ.ም የሁለተኛ ደረጃ መልቀቂያ (የ10ኛ ክፍል) ብሔራዊ ፈተና ከግንቦት 23- 25 እንዲሁም የከፍተኛ ትምህርት ተቋም መግቢያ ፈተና (የ12ኛ ክፍል) ከግንቦት 28 እስከ ሰኔ 1 2009 ዓ.ም. ይሰጣሉ

የትምህርት ሚኒስቴር የ2009 ዓ.ም የሁለተኛ ደረጃ መልቀቂያ (የ10ኛ ክፍል) ብሔራዊ ፈተና ከግንቦት 23- 25 እንዲሁም የከፍተኛ ትምህርት ተቋም መግቢያ ፈተናዎች (የ12ኛ ክፍል) ከግንቦት 28 እስከ ሰኔ 1 2009 ዓ.ም. እንደሚሰጡ ገለጸ፡፡ የፈተናው አጠቃላይ ዝግጅት የተጠናቀቀ ሲሆን በሀገሪቱ ለሚገኙ ተፈታኞች 3,467 የፈተና ጣቢያዎች ተዘጋጅተዋል፡፡ በዚህ ዓመትም ከ1.2 ሚሊየን በላይ የ10ኛ ክፍል እንዲሁም ከ288ሺህ በላይ የ12ኛ ክፍል ተፈታኞች ይኖራሉ ተብሎ ይጠበቃል፡፡

የትምህርት ሚኒስቴር በተፈጥሮ ሳይንስና ምህድስና ትምህርት መስክ ከፍተኛ ውጤት ያስመዘገቡ ሴት ተማሪዎችን ሸለመ

የኢ.ፌ.ዲ.ሪ ትምህርት ሚኒስቴር ሥርዓተ ጾታ ዳይሬክቶሬት ከደብረ ብርሃን ዩኒቨርሲቲ የሥርዓተ ጾታና ባለ ዘርፈ ብዙ ጉዳዮች ዳይሬክቶሬት ጋር በመተባበር በተፈጥሮ ሳይንስና ምህድስና ትምህርት መስክ ከፍተኛ ውጤት ላስመዘገቡ በደብረ ብርሃን ዩኒቨርሲቲ ከአንደኛ እስከ አምስተኛ አመት ያሉ ሴት ተማሪዎች፣ ድጋፍ ላደረጉላቸው መምህራንን እና አመራሮች የማበረታቻ ሽልማት ሰጠ፡፡ በዩኒቨርሲቲው የመሰብሰቢያ አደራሽ ...

በሙያ ፍቃድ የምዘና ውጤት ትንተናና በመምህራን ትምህርት ኮሌጆች እውቅና አሰጣጥ ስታንዳርዶች ዙሪያ ምክክር መድረክ ተካሄደ

ሀገራችን የሙያ ፍቃድ አሰጣጥና እድሳት ስርዓት በመዘርጋት የመምራን፣ የርዕሰ መምህራንና የሱፐርቫይሮች ሙያዊ ብቃት ምዘና ሂደትን በወጥነት ለመተግበርና በሙያ ፍቃድ አሰጣጥ የአደረጃጀቶችን ሚናና የፈጻሚ ባለድርሻ አካለላትን ተግባርና ኃላፊነት ለይቶ ለማሳወቅና ተጠያቂነትን ለማስፈን የሚየስችል የአሰራር ስርዓት ዘርግታ እየሰራች ትገኛለች፡፡ በሙያ ፍቃድ አሰጣጥ ስርዓት ውስጥ ሶስት የሙያ ፍቃድ አይነቶች አሉ፡፡ እነዚህም፦ አንደኛው የመጀመሪያ ሙያ ፍቃድ ለጀማሪ መምህራንና በትምህርት ተቋማት አመራርነት ሰልጥነው ወደሙያው ለሚገቡ እንዲሁም ለደረጃው የብቃት መመዘኛ ላሟሉ የሚሰጥ ፣ ሁለተኛው ሙሉ የሙያ ፍቃድ፥ ለአምስት አመት የሚያገለግል ሆኖ የመጀመሪያ ሙያ ፍቃድ በማግኘት ሲሠሩ ቆይተው ላጠናቀቁ የሚሰጥ ሲሆን የሦሥተኛው ደግሞ ቋሚ የሙያ ፍቃድ ነው፡፡ ይህ ፍቃድ ሙሉ የሙያ ፍቃድ ከያዙ በኋላ ለደረጃው የሚመጥን አገልግሎት አጠናቀው የሙያ ፍቃድ ብቃት መመዘኛ ላሟሉ መምህራን፣ ለርዕሰ መምህራንና ሱፐርቫይዘሮች የሚሰጥና በየአምስት አመት የሚታደስ ቋሚ የሙያ ፍቃድ ነው፡፡

ትምህርት ሚኒስቴር የትራፊክ አደጋን ትርጉም ባለው መልኩ ለመቀነስ በሚቻልበት ሁኔታ ላይ ከባለድርሻ አካላት ጋር ውይይት አካሄደ

ሚኒስቴር መሥሪያ ቤቱ ከመንገድ ትራንስፖርት ሚኒስቴር ጋር በመተባበር “ከትራፊክ አደጋ የጸዳ የትራንስፖርት አገልግሎት ለሀገራዊ ህዳሴ“ በሚል ሀገራዊ መሪ ቃል በሀገር ደረጃ የትራፊክ አደጋን ትርጉም ባለው መልኩ ለመቀነስ በሚቻልበት ሁኔታ ላይ ከባለድርሻ አካላት ጋር የምክክር መድረክ ያካሄደው በሚኒስቴር መሥሪያ ቤቱ የመሰብሰቢያ አደራሽ ሚያዝያ 20/2009 ዓ∙ም ነበር። የኢፌዲሪ ትምህርት ሚኒስቴር ሚስትር ዴኤታ የሆኑት የተከበሩ ዶ/ር ጥላዬ ጌቴ መድረኩን በእንኳን ዳህና መጣችሁ ንግግር በከፈቱበት ወቅት እንደተናገሩት የትራፊክ አደጋን ከምንጩ በመቀነስ የህዝባችንን ህይወት፣አካልና ንብረት፤እንዲሁም የሀገሪቱን ሀብት ከጥፋት ለመታደግ መላው ህብረተሰብ በትራፊክ ደህንነት ዙሪያ በባለቤትነት ስሜት እንድንቀሳቀስ ማድረግና ከዚህ አንጻር ዜጎችን በመልካም ሥነ-ምግባር መቅረፅ በአሁኑ ወቅት እጅግ በጣም አንገብጋቢ ጉዳይ መሆኑን ገልጸዋል። በአሁን ወቅት በትምህርት ዘርፉ ውስጥ በተለያዩ የትምህርት እርከኖች ላይ 30 ሚሊዮን የሚጠጉ ተማሪዎች፣ከግማሽ ሚሊዮን በላይ የሚሆኑ መምህራን፣ከተማሪዎች በስተጀርባ ያሉ በርካታ ወላጆችና መደበኛ ባልሆነ የተቀናጀ የጎልማሶች ትምህርት ላይ እየተሳተፉ ያሉ በርካታ ሠልጣኞች እንዳሉ ጠቅሰው ከሌሎች ባለድርሻ አካላት ጋር በሚገባ በመቀናጀት ከዚህ በፊት ሲሠራ ከነበረው ይበልጥ ሥራውን በማስፋትና በማጠናከር ከተሠራ በሀገር ደረጃ መሠረታዊ ለውጥ ማምጣት እንደሚቻል አስገንዝበዋል።

የተፋጠነ የትምህርት ቤት ዝግጁነት የትምህርት አቀራረብ ሥነ-ዘዴ እንደ አንድ የቅድመ መደበኛ ትምህርት ማስፋፊያ አመራጭ ተወስዶ በሀገር አቀፍ ደረጃ እንድተገበር የምመክር አውደ ጥናት ተካሄደ

የትምህርት ቤት መሻሻል ፕሮግራም ዳይሬክቶሬት በቤንሻንጉል ጉሙዝ ብሔራዊ ክልል ከ2007 ዓ.ም ክረምት ጀምሮ ለመጀመሪያ ጊዜ እየተተገበረ ያለውን የተፋጠነ የትምህርት ቤት ዝግጁነት የቅድመ መደበኛ ትምህርት አቀራረብ ውጤታማነትን ለማስተዋወቅና በሀገር አቀፍ ደረጃ ለማስፋት ከአዲስ አበባ ከተማ አስተዳደር ውጪ ከሁሉም ክልሎች፤ ከድሬደዋ ከተማ አስተዳደር፣ ከዩኒሴፍ ኢትዮጵያ እና ከህጻናት አድን ድርጅት እንዲሁም ከትምህርት ሚኒስቴር የተውጣጡ የሥራ ኃላፊዎችና የትምህርት ባለሙያዎች የተሳተፉበት አውደ ጥናት ሚያዚያ 2 እና 3/2009 ዓ.ም በትምህርት ሚኒስቴር የመሰብሰቢያ አደራሽ ተካሄደ። ይህ ፕሮግራም ከአራቱ የቅድመ መደበኛ ትምህርት አሰጣጥ ሥነ-ዘዴ መካከል አንዱ ሲሆን በሦስቱም (መዋዕለ ህጻናት፤ ኦ ክፍልና ህጻን ለህጻን) የቅድመ መደበኛ ትምህርት አሰጣጥ ዘዴ ተጠቅመው ለመደበኛ ትምህርት ቅድመ ዝግጅት ያላደረጉትን እድሜያቸው ስድስት ዓመትና ከዚያ በላይ የሆኑ ህጻናትን በስምንት ሳምንታት ውስጥ ለመደበኛ ትምህርት ዝግጁ ማድረግ ያሚያስችል ፕሮግራም ነው።

Communication and Media Communication and Media

Communication Address:

Tel: +251-11-156-14-94

Fax: