አራተኛው ሃገር አቀፍ የትምህርት ዘርፍ የታዳጊ ሴት ልጆች ቀን በአማራ ክልል ምስራቅ ጎጃም ተከበረ

አራተኛው ሃገር አቀፍ የትምህርት ዘርፍ የታዳጊ ሴት ልጆች ቀን በአማራ ክልል ምስራቅ ጎጃም ተከበረ

አራተኛው ሃገር አቀፍ የትምህርት ዘርፍ የታዳጊ ሴት ልጆች ቀን በአማራ ክልል ምስራቅ ጎጃም ተከበረ

በትምህርት ሚኒስቴር የስርዓተ ፆታ ዳይሬክቶሬት አራተኛውን ሃገር አቀፍ የትምህርት ዘርፍ የታዳጊ ሴት ልጆች ቀን በአማራ ክልል ምስራቅ ጎጃም በአማኑኤል ሁለተኛ ደረጃና መሰናዶ ትምህርት ቤት ባከበረበት ወቅት የትምህርት ቤቱ ርዕሰ መምህር አቶ ይሁኔ ጌታቸው ባደረጉት ንግግር የሴቶችን የትምህርት ተሳትፎ ውጤታማነት ለማሳደግ ልዩ ዕገዛ በመደረጉ የሴት ተማሪዎች ቁጥር ከመጨመሩም በላይ ውጤታማነታቸውም ከወንዶች የተሻለ ሊሆን ችሏል ብለዋል፡፡

 

በትምህርት ቤቱ የሴቶች ተሳትፎና ውጤታማነት ሊጨምር የቻለው የተለየ የማጠናከሪያ ትምህርት የስነ ተዋልዶና የጤና ትምህርት በመስጠት፣ የሚደርስባቸውን ፆታዊ ጥቃት ለመቋቋም የሚያስችላቸውን ግንዛቤ በመፍጠር፣ የምክር አገልግሎት እንዲያገኙ በማድረግ የሴት ተማሪዎችን ክበብ በማጠናከር እንዲሁም ኢኮኖሚያዊ ችግር ላለባቸው ሴቶች የገንዘብና የመማሪያ ቁሳቁሶችን በመስጠታቸው እንደሆነ ርእሰ መምህሩ አብራርተዋል፡፡

 

2007 . ጀምሮ በትምህርት ቤቱ የሴት ተማሪዎች ክበብ ተጠናክሮ ስራ መጀመሩ የሴት ተማሪዎች ንቃተ ህሊና እንዲዳብር ማድረጉንም አቶ ይሁኔ ገልፀዋል፡፡

 

በሚኒስቴር መስሪያ ቤቱ የስርዓተ ፆታ ዳይሬክቶሬት የስርጻተ ፆታ ጉዳዮቸ ክትትልና ድጋፍ ከፍተኛ ባለሙያ የሆኑት አቶ እስክንድር ላቀው በዓሉን አስመልክተው ባስተላለፉት መልዕክት በአለም ለአምስተኛ ጊዜ በሃገራችን ደግሞ ለአራተኛ ጊዜ "ጎጂ ልማዳዊ ድርጊቶችን በማስቆም የታዳጊ ሴቶችን ተሳትፎና ብቃት ለማረጋገጥ የገባነውን ቃል እንጠብቅ!" በሚል መሪ ቃል የሚከበረውን አለም አቀፍ የታዳጊ ሴት ልጆች ቀን ማክበር ያስፈለገበት ዓላማ በሴቶቸ ላይ የሚደረጉ ጎታች ልምዶችን በመቅረፍ የትምህርት ተሳትፎአቸውን ለማጎልበትና ደህንነታቸው እንዲጠበቅ ህብረተሰቡ የድርሻውን እንዲወጣ ግንዛቤ ለመፍጠር እንደሆነ ተናግረዋል፡፡

 

በሴት ልጆች ላይ የሚደርሱ ፆታዊ ጥቃቶችን በመከላከል ጤንነታቸውና ደህንነታቸው እንዲጠበቅ ለትምህርታቸው የሚያስፈልጋቸው ቁሳቁስ ተሟልቶ እንዲማሩና ውጤታማ እንዲሆኑ ሁሉም ሃላፊነቱን ሊወጣ እንደሚገባ አቶ እስክንድር አስገንዝበዋል፡፡

 

በስርዓተ ጾታ ዳይሬክቶሬት የሥልጠናና አቅም ግንባታ ከፍተኛ ባለሙያ የሆኑት / የሻረግ ነጋሽ በበኩላቸው በሴትነታቸው ከሚደርስባቸው ጥቃት እንዲታደጉ የሴቶች የትምህርት ተሳትፎ እንዲያድግ ከተሳትፎም ባለፈ የሴት ተማሪዎች የዕውቀት ማዕድ እንዲጠናከር በማድረግ የሃገሪቱን የህዳሴ ጉዞ ለማስቀጠል ወሳኝ ሚና እንዳላቸው ባቀረቡት ፅሁፍ ተንትነው አሳይተዋል፡፡

 

በአማኑኤል ሁለተኛ ደረጃና መሰናዶ ትምህርት ቤት የሴት ተማሪዎች ክበብ ሃላፊ የሆነችው ተማሪ ባህሪ ምንይችል ክበቡ የቅያሬ ዩኒፎርም፣ የተለያዩ የንፅህና መጠበቂያ ቁሳቁሶች የተለያዩ አገልግሎቶች በማዘጋጀት ሴት ተማሪዎች ሳይቸገሩና የትምህርት ጊዜያቸው ሳይስተጓጎል ትምህርታቸውን እንዲከታተሉ ምቹ ሁኔታ እንደተፈጠረላቸው ገልፃለች፡፡


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡