በትግራይ ክልል የአንደኛ እና የሁለተኛ ደረጃ ትምህርት ቤቶች መምህራን ስልጠና በመካሄድ ላይ ነው

በትግራይ ክልል የአንደኛ እና የሁለተኛ ደረጃ ትምህርት ቤቶች መምህራን ስልጠና በመካሄድ ላይ ነው

የትግራይ ብሔራዊ ክልላዊ መንግስት የትምህርት ቢሮ ሃላፊ አቶ ጎበዛይ ወልደአረጋይ እንደተናገሩት በስልጠናው ላይ የመንግስት ፖሊሲዎችና ስትራቴጂዎች ባለፉት 25 ኣመታት በሀገራችን ያመጡትን ለውጥ፣የሥነ ዜጋና ሥነምግባር ትምህርት አፈፃፀም፣ የመምህራን ጥቅማ ጥቅምን የተመለከቱ ሠነዶች እንዲሁም በህዝብ ኮንፈረንሶች ላይ ከህብረተሰቡ የተነሱ ጥያቄዎችን መሠረት ያደረገ ሰነድ ተዘጋጅቶ ለውይይት መቅረቡን አስታውቀዋል፡፡

ከክልል ጀምሮ በጎጥ ደረጃ እስከሚገኙ የልማት ቡድን ድረስ ህብረተሰቡ የ2008 ዓ.ም የዕቅድ አፈፃጸም የሚገመግምበት 1ሺ ያህል መድረኮች መዘጋጀታቸውን አቶ ጎበዛይ ተናግረዋል፡፡news

የዳስ ትምህርት ቤቶችን ለመቀየር የተለያዩ ስራዎች እየተሰሩ መሆኑን የጠቆሙት አቶ ጎበዛይ የክልሉ ህዝብ በጉልበት፣በገንዘብና ቁሳቁስ በማቅረብ እያበረከተ ያለው አስተዋፅኦ ከፍተኛ መሆኑን ገልፀዋል፡፡

በክልሉ በሁሉም የትምህርት መዋቅሮች የልማት ሠራዊት መገንባቱን የተናገሩት ሃላፊው ይሁንና አፈፃፀም ላይ ወጥነት ያለው አተገባበር አለመኖሩን እና ተጨማሪ ስራዎች መስራት እንደሚገባም አስታውቀዋል፡፡

የመጀመሪያ ደረጃ ትምህርት ተሳትፎ ንጥር ቅበላ 97 በመቶ እንዲሁም የሁለተኛ ደረጃ ትምህርት ጥቅል ተሳትፎ 68 በመቶ መድረሱን ነው አቶ ጎበዛይ ያስታወቁት፡፡

ተግባር ተኮር የተቀናጀ የጎልማሶች ትምህርትን በተመለከተም ከሚመለከታቸው ባለድርሻ አካላት ጋር ተቀናጅቶ ያለመስራት ችግሮች ቢኖሩም ካለፉት ዓመታት የተሻለ ስራ መሰራቱንና ሽፋኑም ወደ 80 በመቶ መድረሱንም አስታውቀዋል፡፡

የልዩ ፍላጎት ትምህርት የሚፈለገው ደረጃ ባይደርስም የህብረተሰቡን ግንዛቤ ለማሳደግ የተለያዩ ስራዎች በመሰራታቸው ባሁኑ ወቅት የልዩ ፍላጎት ትምህርት ተጠቃሚዎች ሽፋን እያደገ መምጣቱን አቶ ጎበዛይተናግረዋል፡፡


News

የዩኒቨርሲቲ ተማሪዎች ለኤች አይቪ/ኤድስ ተጋላጭነት፤

የከፍተኛ ትምህርት ተቋማት የኤችአይቪ/ኤድስና ተያያዥ ጉዳዮች ዕቅድ አተገባበርና ውጤት በሚል ርዕሥ በአዳማ ከተማ ውይይት እየተደረገ ይገኛል፡፡ የትምህርት ሚኒስቴር ደኤታ አቶ ተሸማ ለማ በመድረኩ መክፈቻ ንግግራቸው እንደ ገለጹት በዚህን ሰዓት በሀገራችን 28 ሚሊዮን ማለትም ከ1/3ኛ በላይ ዜጎች በትምህርት ገበታ ላይ የሚገኙና ከእነዚህም በአፍላ ዕድሜ ክልል ውስጥ ያሉት አምራች ሃይል የሆኑት ወጣቶች ለኤችአይቪ/ኤድስ በሽታ ተጋላጭ እንደሆኑ ገልጸዋል፡፡ ዩኒቨርሲቲዎችም ተማሪዎች በሲስተር-ሲስተር፣ አቻ ለአቻ፣ የህይወት ክህሎት ፕሮግራሞች እንዲመካከሩ፣ የማስተባበሪያ አደረጃጀቶች እና ክበባትን ማቋቋም፣መርሀ-ግብር ማዘጋጀትና በዕቅድ አካተው የተሰራ ቢሆንም ተጋላጭነቱን ለመግታት የባህሪይ ለውጥ አሁንም አለመምጣቱን ገልጸዋል፡፡

የትምህርት ሚኒስቴር ሰራተኞች በ2010 በጀት ዓመት እቅድ አፈፃፀም ላይ ተወያዩ፤

የኢ.ፌ.ዴ.ሪ. ትምህርት ሚኒስቴር በ2010 በጀት ዓመት በቁልፍና አበይት ተግባራት ያከናወናቸውን ተግባራት የሚኒስቴር መስሪያ ቤቱ ከፍተኛ አመራሮችና መላው ሰራተኞች በተገኙበት ገምግሟል ፡፡ በግምገማው በርካታ ስኬታማ ስራዎች ቢሰሩም ከትምህርት ጥራት፣ ከትምህርት ግብዓት ማሟላት እንዲሁም ከባለሙያዎች ክህሎት ማነስ ጋር የተያያዙ መጠነ ሰፊ ችግሮች የነበሩበት በመሆኑ ሚኒስቴር መስሪያ ቤቱ ሪፎርም ማድረግ እንደሚገባውም ተጠቅሷል፡፡

የኢፌዲሪ ጠቅላይ ሚኒስትር ከከፍተኛ ትምህርት ተቋማት መምህራን ጋር ያደረጉት ውይይት፡

ተሳታፊ መምህራን ከ45ቱ የመንግስትና ከ4ቱ የግል ከፍተኛ ትምህርት ተቌማት የተውጣጡ 3ሺ175 ያህል ናቸው። በውይይቱም በርካታ ጥያቄዎች የተነሱ ቢሆንም ለተነሱት ጥያቄዎች የመምህርነት ሙያ የተከበረ እንደሆነና በቀጣይ በትምህርት ዘርፉ ለሚያጋጥሙና ለሚስተዋሉ ችግሮች መምህራን እና የከፍተኛ ትምህርት ተቌማት አመራር በጋራ ችግሮችን መፍታት እንደሚገባ ጠ/ሚኒስትሩ ገልፀዋል።

የሐረማያ ዩኒቨርሲቲ ተማሪዎች ምርቃት፡

የሐረማያ ዩኒቨርሲቲ በመደበኛና በተከታታይ መርሃ-ግብር 8,152 ተማሪዎችን በዩኒቨርሲቲው ቅጥር ግቢ ሐምሌ 7/2010 ዓ.ም አስመርቋል፡፡ በምረቃ ስነ-ስርዓቱ ላይ ክብርት ወ/ሮ ጠይባ ሐሰን የኦሮሚያ ብሔራዊ ክልላዊ መንግሥት ምክትል ፕሬዝዳንት በክብር እንግድነት የተገኙ ሲሆን ለተመራቂዎችም የስራ መመሪያ መልዕክት አስተላልፈዋል፡፡