በሀዋሳ ተግባረ - ዕድ ፖሊ ቴክኒክ እና በሀዋሳ የሚገኙ የግል ኮሌጆች መምህራንና የአስተዳደር ሰራተኞች በሀገራዊ ጉዳዮችና በኮሌጆች እቅድ አፈጻጸም ላይ ውይይትና ስልጠና ተጠናቀቀ

በሀዋሳ ተግባረ - ዕድ ፖሊ ቴክኒክ እና በሀዋሳ የሚገኙ የግል ኮሌጆች መምህራንና የአስተዳደር ሰራተኞች በሀገራዊ ጉዳዮችና በኮሌጆች እቅድ አፈጻጸም ላይ ውይይትና ስልጠና ተጠናቀቀ

የፖሊ ቴክኒክ ኮሌጅ ዲን አቶ ሚሊዮን ዮሳ በስልጠናና ውይይቱ ዙሪያ በሰጡት አስተያየት የጋራ ሀገር በመገንባት፣ በስነምግባርና በመልካም አስተዳደር በማስፈን ረገድ እንዲሁም በቴክኒክና ሙያ ትምህርትና ስልጠና ዘርፉ የተሰማራው ማህበረሰብ ሊኖረው ስለሚገባ ሚና የጋራ መግባባት የፈጠረ እንደሆነ ተናግረዋል፡፡

እንደ ሀገር ለልማት፣ ለዲሞክራሲና ለመልካም አስተዳደር መስፈን እንቅፋት የሆኑትን ምክንያቶች የትምህርት ማህበረሰቡ ጠንቅቆ እንዲያየው በማድረግ የተጀመረውን ልማት ለማስቀጠል ንቁ ተሳታፊ እንዲሆን የሚያስችል እንደሆነ የጠቀሱት አቶ ሚሊዩን በተለይም ከግብርና ወደ ኢንዱስትሪ ለሚደረገውን ሽግግገር የቴክኒክን ሙያ ትምህርትና ስልጠና ሚናው የላቀ መሆኑን በዘርፉ ተሰማርተው የሚገኙት ማህበረሰቦች እንዲያውቁት ያስቻለ ውይይት ነው ብለዋል፡፡

አንዳንድ ሰልጣኖች በበኩላቸው ባለፉት 25 ዓመታት የቴክኒክና ሙያ ትምህርትና ስልጠና ምን ውጤት እንዳመጣ፣ ያለፈባቸውን ደረጃዎችና የታዩ ክፍተቶችን እንዲያውቁ በማድረግ የወደፊት የትኩረት አቅጣጫቸው ምን ላይ ማተኮር እንዳለባቸው የጠቆመ ውይይትና ስልጠና በመሆኑ ጠቃሚ ነው ብለዋል፡፡

በግልጽ ውይይት መደረጉ በየደረጃው የነበሩ ችግሮች ተዳፍነው እንዳይቀሩና የመፍትሄ አቅጣጫ እንዲቀመጥ በማድረግ በዘርፉ ለውጥ እንዲመጣ የሚያስችል መሆኑን ተሳታፊዎቹ ጠቅሰው በቀጣይ የሚፈጠሩ ችግሮች ወቅታዊ ምላሽ እንዲያገኙ በየጊዜው ተማሳሳይ የውይይትና የስልጠና መድረኮች መዘጋጀት ይኖርባቸዋል ብለዋል፡፡

 


News

የዩኒቨርሲቲ ተማሪዎች ለኤች አይቪ/ኤድስ ተጋላጭነት፤

የከፍተኛ ትምህርት ተቋማት የኤችአይቪ/ኤድስና ተያያዥ ጉዳዮች ዕቅድ አተገባበርና ውጤት በሚል ርዕሥ በአዳማ ከተማ ውይይት እየተደረገ ይገኛል፡፡ የትምህርት ሚኒስቴር ደኤታ አቶ ተሸማ ለማ በመድረኩ መክፈቻ ንግግራቸው እንደ ገለጹት በዚህን ሰዓት በሀገራችን 28 ሚሊዮን ማለትም ከ1/3ኛ በላይ ዜጎች በትምህርት ገበታ ላይ የሚገኙና ከእነዚህም በአፍላ ዕድሜ ክልል ውስጥ ያሉት አምራች ሃይል የሆኑት ወጣቶች ለኤችአይቪ/ኤድስ በሽታ ተጋላጭ እንደሆኑ ገልጸዋል፡፡ ዩኒቨርሲቲዎችም ተማሪዎች በሲስተር-ሲስተር፣ አቻ ለአቻ፣ የህይወት ክህሎት ፕሮግራሞች እንዲመካከሩ፣ የማስተባበሪያ አደረጃጀቶች እና ክበባትን ማቋቋም፣መርሀ-ግብር ማዘጋጀትና በዕቅድ አካተው የተሰራ ቢሆንም ተጋላጭነቱን ለመግታት የባህሪይ ለውጥ አሁንም አለመምጣቱን ገልጸዋል፡፡

የትምህርት ሚኒስቴር ሰራተኞች በ2010 በጀት ዓመት እቅድ አፈፃፀም ላይ ተወያዩ፤

የኢ.ፌ.ዴ.ሪ. ትምህርት ሚኒስቴር በ2010 በጀት ዓመት በቁልፍና አበይት ተግባራት ያከናወናቸውን ተግባራት የሚኒስቴር መስሪያ ቤቱ ከፍተኛ አመራሮችና መላው ሰራተኞች በተገኙበት ገምግሟል ፡፡ በግምገማው በርካታ ስኬታማ ስራዎች ቢሰሩም ከትምህርት ጥራት፣ ከትምህርት ግብዓት ማሟላት እንዲሁም ከባለሙያዎች ክህሎት ማነስ ጋር የተያያዙ መጠነ ሰፊ ችግሮች የነበሩበት በመሆኑ ሚኒስቴር መስሪያ ቤቱ ሪፎርም ማድረግ እንደሚገባውም ተጠቅሷል፡፡

የኢፌዲሪ ጠቅላይ ሚኒስትር ከከፍተኛ ትምህርት ተቋማት መምህራን ጋር ያደረጉት ውይይት፡

ተሳታፊ መምህራን ከ45ቱ የመንግስትና ከ4ቱ የግል ከፍተኛ ትምህርት ተቌማት የተውጣጡ 3ሺ175 ያህል ናቸው። በውይይቱም በርካታ ጥያቄዎች የተነሱ ቢሆንም ለተነሱት ጥያቄዎች የመምህርነት ሙያ የተከበረ እንደሆነና በቀጣይ በትምህርት ዘርፉ ለሚያጋጥሙና ለሚስተዋሉ ችግሮች መምህራን እና የከፍተኛ ትምህርት ተቌማት አመራር በጋራ ችግሮችን መፍታት እንደሚገባ ጠ/ሚኒስትሩ ገልፀዋል።

የሐረማያ ዩኒቨርሲቲ ተማሪዎች ምርቃት፡

የሐረማያ ዩኒቨርሲቲ በመደበኛና በተከታታይ መርሃ-ግብር 8,152 ተማሪዎችን በዩኒቨርሲቲው ቅጥር ግቢ ሐምሌ 7/2010 ዓ.ም አስመርቋል፡፡ በምረቃ ስነ-ስርዓቱ ላይ ክብርት ወ/ሮ ጠይባ ሐሰን የኦሮሚያ ብሔራዊ ክልላዊ መንግሥት ምክትል ፕሬዝዳንት በክብር እንግድነት የተገኙ ሲሆን ለተመራቂዎችም የስራ መመሪያ መልዕክት አስተላልፈዋል፡፡