የሰላም ትምህርት ከስነ ዜጋና ስነ ምግባር ትምህርት ጋር አዋህዶ ለመስጠት አውደጥናት ተካሄደ

የሰላም ትምህርት ከስነ ዜጋና ስነ ምግባር ትምህርት ጋር አዋህዶ ለመስጠት አውደጥናት ተካሄደ

ትምህርት ሚኒስቴር ከብራድፎርድ ዩኒቨርሲቲ ጋር በመተባበር የሰላም ትምህርት ከስነ ዜጋና ስነ ምግባር ትምህርት ጋር አዋህዶ ለመስጠት አውደጥናት አካሄደ፡፡ ሀገራችን ወደ ዴሞክራሲያዊ ስርዓት ሽግግር በተደረገ ማግስት በሀገሪቱ የተጀመረውን የዴሞክራሲ ስርዓት ግንባት ይበልጥ ለማሳለጥና መልካም አስተዳደርን በመገንባት እንዲሁም የሀገሪቱን ልማት በማፋጠን ረገድ የራሱን ሚና እንደሚጫወት የታመነበት የስነ ዜጋ ስነ ምግባር ትምህርት ስራ ላይ እንዲውል ተደርጓል፡፡

moe

ከሁሉም የትምህርት ደረጃ ውስጥ ያሉት ወጣት ተማሪዎችን በመልካም ስነ ምግባር ታንፀው እንዲወጡና በሀገር አቀፍ ብሎም በአለም አቀፍ ደረጃ ብቁ፣ ተወዳዳሪ፣ ችግር ፈቺና በዴሞክራሳዊ አስተሳሰብ የበለጸገ እንዲሁም በምክንያት የሚያምን ዜጋ በሚፈለገው ደረጃ ለማፍራት የስነ ዜጋና ስነ ምግባር ትምህርት የጎላ ሚና አለው፡፡

ይህንኑ ለማረጋገጥ ትምህርት ሚኒስቴር በብርትሽ ካውንስል ድጋፍና ከብራድ ፎርድ ዩኒቨርሲቲ ጋር በመተባበር ‘ሰላም ትምህርት ለብሄራዊ ዕድገትና የረጅም ጊዜ ሰላም መረጋጋት‘ በሚል ለአንድ አመት የሚቆይ ፕሮጀክት በስነ ዜጋና ስነ ምግባር ትምህርት ጋር አዋህዶ ለመስጠት ታስቦ አውደ ጥናት ከመስከረም 4-6/2009ዓ.ም አካሄዷል፡፡

በትምህርት ማኒስቴር የአጠቃላይ ትምህርት ዘርፍ ሚኒስቴር ዴኤታ አማካሪ አቶ ብርሃኑ ሞረዳ አውደ ጥናቱን በንግግር በከፈቱበት ወቅት እንደተናገሩት የአውደ ጥናቱ አላማ ሰላም ትምህርት በተለያዩ ትምህርት እርከን ያሉ ወጣት ተማሪዎችን በሚገባ ለማስተማር በስነ ዜጋና ስነ ምግባር ትምህርት ጋር አዋህዶ ለመስጠት ለሚደረገው ጉዞ እውን ለማድረግ ከመምህራን፣ ባለሙያዎችና ከዩኒቨርሲቲ ምሁራን ጋር ውይይት ለማድረግ ታስቦ መሆኑን ተናግረዋል፡፡Ato Berehanu

አማካሪው ትምህርት በሀገራችን ማህበራዊና ኢኮኖሚያዊ ዕድገት ውሰጥ የበኩሉን አስታዋጾ በማበርከት ረገድ አምራች ዜጋን ለመፍጠር ወሳኝ መሆኑን አውደ ጥናቱን በንግግር ሲከፍቱ ጠቅሰዋል፡፡

አቶ ብርሃኑ የሰላም ትምህርት አቀራረብ የዴሞክራሲ ስርዓት ግንባታና መልካም እሰተዳደር በሚፈለገው ደረጃ ለማጠናከር እንዲሁም የጋራ የሆኑ መልካም እሴቶች ተከትለው በወጣት ተማሪወች መካከል ሰላማዊ የግጭት አፈታት ባህል ለማዳበርት እንደሚረዳም አማካሪው ገልጸዋል፡፡ 
የትምህርት ፍትሐዊነት፣ ተገቢነትና ጥራት ለማረጋገጥና ብቁ ዜጋ ለማፍራት እንዲሁም በሀገር ደረጃ የተያዘውን የአምስተኛው የትምህርት ዘርፍ ልማት መርሃ ግብር ለማሳካት የሰላም ትምህርት በሁሉም የትምህርት እርኮኖች መሰጠቱ ጠቃሚ መሆኑን አቶ ብርሃኑ ተናግረዋል፡፡

በትምህርት ሚኒስቴር የአጠቃላይ ትምህርት ዘርፍ ሚኒስትር ዴኤታ ዶ/ር ጥላዬ ጌቴ የሰላም ትምህርት ከስነ ዜጋና ስነ ምግባር ትምህርት ጋር ተዋህዶ መሰጠቱን አስመልክቶ አስተያየት በሰጡበት ወቅት እንደተናገሩት የሀገራችን የብሄር ብሄረሰቦችና ህዝቦች ተቻችለውና ተከባብረው የሚኖሩበት ከመሆኑ የተነሳ የቋንቋና የሃይማኖት ልዩነት ያገናዘበ መልካምና የጋራ የሆኑ እሴቶች በመቀመር እንዲሁም አለም አቀፍ ተሞክሮ በመቀንጨብ በትምህርት ስርዓቱ ውስጥ እንዲካተት መደረጉን ገልጸዋል፡፡

ይህ |የሰላም ትምህርት ፕሮጄክት በሀገራችን አንዳንድ አካባቢዎች የተፈጠረውን ግጭት ምክንያት ያደረገ ሳይሆን ከአራትና አምስት አመታት በፊት ተጀምሮ በስራ መደራረብ ምክንያት የዘገየ መሆኑን ዶ/ር ጥላዬ አስገንዝበዋል፡፡

በሚኒስቴር መስሪያ ቤቱ የስርዓተ ትምህርት ዝግጅትና ትግበራ ዳይሬክቶሬት ዳይሬክተር አቶ ዳንኤል አበበ በሀገራችን ነባራዊ ሁኔታ የስነ ዜጋና ስነ ምግባር ትምህርት ዳራ አሁን ከሚሰጠው ትምህርት ጋር በማነጻጸር ሲያቀርቡ እንደተናገሩት አሁን እየተሰጠ ያለው የስነ ዜጋና ስነ ምግባር ትምህርት በተማሪው ላይ መልካም ስነ ምግባርን ከማስረፅ አንፃር በሚፈለገው ደረጃ ለውጥ ለማምጣትና በተለያዩ የሃይማኖት ተከታዮች መካከል መቻቻልና አብሮ የመኖር ባህልን ለማጠናከር ጉልህ ድርሻ እንዳው ተናግረዋል፡፡

ዳይሬክተሩ አክለውም የሰላም ትምህርት ከመጀመሪያ እስከ ሁለተኛ የትምህርት ደረጃ ከስነ ዜጋና ስነ ምግባር ትምህርት ጋር ተዋህዶ መሰጠቱ ወጣት ተማሪዎች መልካም ስነ ምግባር ተላብሰው፣ ምክንያታዊና ዴሞክራሲያዊ አስተሳሰብ ይዘው እንዲያድጉ ከማድረጉም ባሻገር ዜጎች ለዘላቂ ልማትና ሰላም ያላቸውን ድርሻ በሚፈለገው መጠን እንዲወጡ ይረዳል ብለዋል፡፡

ከብራድፎርድ ዩኒቨርሲቲ በብሪትሽ ካውንስል ድጋፍ ፕሮፌሰር ኬነት ኦሜጀ የሌሎች የአፍሪካ ሀገራት ተሞክሮ በማቅረብ የሰላም ትምህርት ፕሮጀክት በኢትዮጵያ ስርዓተ ትምህርት ለማዋሃድ ከተጀመሩ ቅድመ ዝግጅቶች መካከል የወላጅ፣ተማሪ፣መምህሩና የትምህርት ባለድርሻ አካላትን ያሳተፈ ለተግባር ምርምር የሚሆን መረጃ ወደ ማሰባሰብ ስራ እንደሚገባም ጠቅሰዋል፡፡

Curriculum Directorአንዳንድ ተሳታፊዎች በበኩላቸው በሰጡት አስተያየት አውደጥናቱ በቂ ግንዛቤ እንዳስጨበጣቸው ገልጸው የሰላም ትምህርት የሚፈጠሩ አለመግባባቶችና ግጭቶች በሰላማዊ፣ በውይይትና በዴሞክራሲያዊ መንገድ ለመፍታት በስነ ዜጋና ስነ ምግባር ትምህርት ውስጥ መዋሀዱ ለአንድ ሀገር አንድነትና ልማት የሚኖረው አስተዋጽኦ ከፍተኛ መሆኑን ተናግረዋል፡፡

በአዲስ አበባ ከተማ ጊዮን ሆቴል ከመስከረም 4-6 / 2009 ዓ.ም በተካሄደው አውደ ጥናት ከዘጠኙም ክልሎችና ከሁለቱ ከተማ አስተዳደሮች የተውጣጡ እንዲሁም ከስርዓተ ትምህርት ዝግጅትና ትግበራ ዳይሬክቶሬት የተውጣጡ የከፍተኛ ትምህርት ተቋማት ምሁራን፣ ባለሙያዎችና መምህራን ተሳትፈዋል።


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡