ትምህርት ለመጀመር ዘግጅት የምናደርግበት ግዜ ነው

ትምህርት ለመጀመር ዘግጅት የምናደርግበት ግዜ ነው

የአጠቃላይ ትምህርት ዘርፍ 2009. የተማሪዎች ምዝገባ በሀገር አቀፍ ደረጃ ከነሐሴ 23 እስከ ጳጉሜ 03/2008 . ይካሄዳል፡፡

2008 . ክረምቱን አገባደን 2009. አዲስ የትምህርት ዘመን ለመጀመር ጥቂት ቀናት ይቀራሉ፡፡ በነዚህ በቀሩት ቀናት ውስጥ ተማሪዎች ለትምህርት የሚያስፈልጉ ቁሳቁሶች የሚያዘጋጁበት ጊዜ ይሆናል፡፡ትምህርት ለመጀመር ዘግጅት የምናደርግበት ግዜ ነው

ከመስከረም 18/ 2009 . ጀምሮ የእውቀት ማዕድ የሆነው ትምህርት ቤት ለሁሉም ተማሪዎች ክፍት ይሆናል፡፡

የትምህርት ፍትሐዊነት፣ ተገቢነትና ጥራት ለማረጋገጥ እንዲሁም በሀገር አቀፍ ደረጃ የተቀመጠውን ራዕይ ማለትም ሀገራችንን መካከለኛ ገቢ ካላቸው ሀገራት ተርታ ለማሰለፍ የተደራጀ የትምህርት ልማት ሰራዊትና የህብረተሰቡ ንቁ ተሳትፎ የማይተካ ሚና አለው፡፡

መምህራን፣ የትምህርት አመራሮችና የትምህርት ማህበረሰብ በሙሉ የትምህርት ጥራት በሚፈለገው ደረጃ ለማድረስ በሀገር ደረጃ የተያዘውን የአምስተኛው የትምህርት ዘርፍ ልማት መርሃ ግብር ለማሳካት የጎላ ሚና ይጫወታሉ ተብሎ ይታመናል፡፡

ወደ ትምህርት ገበታ የመጡ ተማሪዎች ትምህርታቸውን ሳያቋርጡ በአግባቡ ተከታትለው እንዲያጠናቅቁ የወላጅ ተማሪ መምህር ህብረት፣ የመምህራን ክትትልና ድጋፍ፣ የትምህርት ባለድርሻ አካላት እንዲሁም መላው ህብረተሰቡ ርብርብ ማድረግ ይጠበቅበታል፡፡

እድሜው ለትምህርት የደረሰ አንድም ህጻን ከትምህርት ገበታ ውጪ አይሆንም!


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡