የአጠቃላይ ትምህርት ዘርፍ ሀገራዊ የህዝብ ንቅናቄ መድረክ በአዳማ ከተማ አባገዳ የመሰብሰቢያ አዳራሽ ተጀመረ

የአጠቃላይ ትምህርት ዘርፍ ሀገራዊ የህዝብ ንቅናቄ መድረክ በአዳማ ከተማ አባገዳ የመሰብሰቢያ አዳራሽ ተጀመረ

ለአራት ተከታታይ ቀናት በሚካሄደው ሀገራዊ የህዝብ ንቅናቄ መድረክ ከሁሉም ክልልና ከተማ አስተዳደር ትምህርት ቢሮዎች፣ ከተለያዩ የህዝብ ክንፍ አካላት እንዲሁም ሌሎች አጋርና ባለድርሻ አካላት እየተሳተፉ ይገኛሉ፡፡33 - 2የንቅናቄ መድረክ ተጀመረ

የንቅናቄ መድረኩን መጀመር አስመልክቶ የትምህርት ሚኒስቴር አጠቃላይ ትምህርት ዘርፍ ሚኒስትር ዴኤታ / ጥላዬ ጌቴ የሃገራችንን ልማትና ዴሞክራሲ የሚያስቀጥል ትውልድ ለመፍጠር በትምህርትና ስልጠና ዘርፉ ትኩረት ተሰጥቶ ሲሰራ መቆየቱንና አበረታች ለውጥ መምጣቱን ተናግረዋል፡፡

የትምህርት ሽፋንን ለማሳደግና የትምህርት ጥራትን ለማስጠበቅ ባለፉት ዓመታት በተደረገው ጥረት በገጠርና በከተማ በሴቶችና በወንዶች መካከል ያለውን ልዩነት ማጥበብ ከመቻሉም በላይ ልዩ ፍላጎት ያላቸው የህብረተሰብ ክፍሎች የትምህርት ፍትሐዊነት መረጋገጡን / ጥላዬ ጠቅሰው በተለይም የትምህርት ተደራሽ ከሆኑት የሀገራችን ዜጎች አንድ አራተኛ የሚሆኑት በአጠቃላይ ትምህርት ዘርፍ ውስጥ የሚገኙ ናቸው ብለዋል፡፡

የትምህርት ጥራትን ለማሻሻልም ምርጥ ተሞክሮዎችን ቀምሮ የማስፋትና የአጠቃላይ ትምህርት የጥራት ማረጋገጫ መርሀ ግብር ተነድፎ ስራ ላይ እንዲውል ከመደረጉም በላይ ለደረጃው ብቁ የሆኑ መምህራንን የመመደብ፣ የማሰልጠንና በየጊዜው ብቃታቸውን የማሻሻል ስራ እየተሰራ እንደሆነም ክቡር ሚኒስትር ዴኤታው ገልፀዋል፡፡

በተጨማሪም የትምህርት ጥራትን ለማስጠበቅ የትምህርትና ስልጠና ፕሮግራሙ ብቃት ባላቸው የትምህርት አመራር አካላት እንዲመራ ማድረግ ወሳኝ በመሆኑ 6 ለሚሆኑ መምህራን የአመራርነት ስልጠና የተሰጠ ሲሆን ትምህርት በቴክኖሎጂ እንዲደገፍ የማድረግ ጥረት መኖሩንም / ጥላዬ ተናግረዋል፡፡ ከመጠነ ማቋረጥ ጋር ተያይዞ በቅርቡ በሀገራችን በተከሰተው ድርቅ ምክንያት የነበረውን የመጠነ ማቋረጥ ችግር ለመቅረፍ 6 መቶ ሚሊዮን ብር በመመደብ 2.8 ሚሊዮን ተማሪዎችን መመገብ በመቻሉ ትርጉም ያለው የመጠነ ማቋረጥ ችግርን መፍታት ተችሏል፡፡ 

እንዲሁም እንደየአካባቢው ተጨባጭ ሁኔታ የመጠነ ማቋረጥ ችግሮችን የመለየትና መፍትሔ የመስጠት ስራ መሰራቱን ሚኒስትር ዴኤታው ጠቁመው በአሁኑ ወቅትም በመጠነ ማቋረጥ ዙሪያ ሀገር አቀፍ ጥናት እንደተጠናና ጥናቱን መሰረት በማድረግም በአዲስ መልክ እንደሚሰራ ተናግረዋል፡፡  የትምህርት ቤቶች የውስጥ አደረጃጀትና ግብዓት በማሟላት የኢንስፔክሽን ስታንዳርዶችን በማጠናከር ረገድ የመምህራን ብቃትና ዝግጅት ወሳኝ እንደሆነና ለዚህም ሰፊ ስራ እየተሰራ መሆኑን / ጥላዬ ጠቅሰዋል፡፡

ትምህርት ቤቶች የሰላም ማበልፀጊያ እንዲሆኑ ከነበሩት 11 ዕሴቶች በተጨማሪ ተማሪዎችን በመልካም ስነ ምግባር ለማነፅና የጋራ ማህበረሰብ ለመገንባት 12ኛነት የሰላም እሴት ተዘጋጅቶ በቅርቡ ተግባር ላይ እንደሚውል ሚኒስትር ዴኤታው ጠቁመዋል፡፡ በቀጣይም በሀገራችን የአንድ ዓመት ቅድመ መደበኛ ትምህርት ለማዳረስ ጅምር ስራዎች እንዳሉ የጠቆሙት ሚኒስትር ዴኤታው በአርብቶ አደርና ከፊል አርብቶ አደር አካባቢዎች የሚገኙ ዜጎች ሙሉ በሙሉ ተሳታፊና ተጠቃሚ እንዲሆኑና እንዳያቋርጡ እንዲሁም ሴት ተማሪዎች ከወንዶች እኩል በሁሉም የትምህርት እርከኖች ውጤታማ እንዲሆኑ በማስቻል የመፃኢዋን ኢትዮጵያ የሚወስኑ ዜጎች ለመፍጠር ትኩረት ተሰጥቶ እንደሚሰራና ለዚህም ባለድርሻ አካላት የድርሻቸውን ሊወጡ እንደሚገባ አስገንዝበዋል፡፡

የመድረኩ ተሳታፊዎች <<በአጠቃላይ ትምህርት ዘርፍ 2009 . የህዝብ ንቅናቄ ማቀጣጠያ ሰነድ፣ በመምህራንና የትምህርት ቤት አመራሮች የሙያ ፈቃድ አሰጣጥና እድሳት አፈፃፀም መመሪያ፣ በአጠቃላይ ትምህርት ኢንስፔክሽን የትምህርት ቤቶች ትንተና ሪፖርት እንዲሁም የማሽቆልቆል ምዕራፍ ተዘግቶ የእድገት ምዕራፍ በተከፈተበት 25 ዓመታት ጉዞ ውስጥ የአጠቃላይ ትምህርት ዘርፍ ሚናና ለቀጣይ ተልዕኮ ሊኖረው የሚገባው ቁመና፣ በፌዴራላዊ ዴሞክራሲያዊ ስርዓት ግንባታ አንድ የጋራ ማህበረሰብ የመገንባት አስፈላጊነትና በስነ ዜጋና ስነ ምግባር አተገባበር ሰነድ>> ላይ እየተወያዩ ይገኛሉ፡፡


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡